Tongon, anggo domma rup marborngin hape lang dong alasan na topat, ai patuduhkon anggo sidea domma marsaor atap rap modom. Jadi, anggo lang dong alasan na topat, maningon do ibahen panitia pangadilan.​—1 Kor. 6:18.

Maningon pangkei do ganup sintua mamingkirhon tiap situasi paima mamutuskon porlu do ibahen panitia pangadilan. Umpamani, ai na marhallet do sidea? Ai ongga do ipasingat sintua sidea pasal sonaha do parlahou na dear sanggah marhallet? Mase sidea rap marborngin? Ai domma iatur sidea ai? Dong do pilihan na legan, atap halani situasi na lang isangka do na mambahen sidea maningon rap marborngin? (Par. 9:11) Ija do sidea modom? Halani lang sarupa ganup situasi, ra do adong hatorangan na legan na boi mangurupi sidea mambahen haputusan.

Dobkonsi ipingkirhon sintua ganup hatorangan ai, boi ma sidea mamutuskon porlu do atap lang sidea mambahen panitia pangadilan.