Ihaholongi Jahowa do Halak na “Marbuah ibagas Sabar ni Uhur”
“Anggo na bani tanoh na madear ai, ai ma na . . . marbuah ibagas sabar ni uhur.”—LUK. 8:15.
1, 2. (a) Mase gabe toguh uhurta mangidah sanina-botou na totap ringgas marbarita hassi pe bahat na lang ra manangar? (Tonggor ma gambar bani alm. 3.) (b) Aha do na iahapkon Jesus sanggah ia marbarita i “huta hagodanganni”? (Tonggor ma surat partoruh.)
ADONG sapasang parintis i AS na margoran si Sergio pakon si Olinda. Hira-hira marumur 80 tahun ma sidea. Hassi pe maborit nahei ni sidea tapi ringgas do sidea manjaga gerai i dohorhon terminal. Tiap jam pitu pagi ma sidea hujai. Domma martahun-tahun ibahen sidea sonai. Hassi pe bahat halak na lang marosuh, tapi totap do sidea tarsirom bani halak na mangidah sidea. Dobkonsi siang, mulak ma sidea hu rumah. Patarni hira-hira jam pitu pagi, roh use ma sidea hu terminal ai laho manjaga gerai. Onom hali ma ibagas na saminggu ibahen sidea sonai.
2 Bahat do sanina-botou na ringgas marbarita songon si Sergio pakon si Olinda, hassi pe bahat na lang ra manangar. Ra do bani iananmu pe bahat halak na lang ra manangar. Tapi ipuji hanami do nasiam halani totap ringgas * Bahat do sanina-botou na legan na gabe tarojur mangidah siusihan ni nasiam. Pardiateihon ma na ihatahon piga-piga sintua kaliling on, “Malas tumang uhurhu sanggah rap marbarita pakon sanina-botou na totap ringgas marbarita.” “Lambin ringgas do ahu marbarita halani mangidah siusihan na ibahen sidea.” “Lambin ipatoguh do uhurhu mangidah sidea.”
marbarita.3. Aha do na laho iulas hita bani artikel on, janah mase?
3 Bani artikel on, ibalosi hita ma tolu sungkun-sungkun: Sipata, aha do na mambahen hita maretek ni uhur? Aha do artini marbuah? Aha do na mangurupi hita ase totap marbuah ibagas sabar ni uhur? Anggo ibotoh hita balosni ai, on ma na mangurupi hita mandalankon parentah ni Jesus ase ringgas marbarita.
AHA DO NA MAMBAHEN HITA MARETEK NI UHUR?
4. (a) Sonaha ma pangahap ni si Paulus halani bahat halak Jahudi lang ra manangihon ambilan na madear? (b) Mase sonai pangahap ni si Paulus?
4 Ai ongga do maretek ni uhur ham halani bahat halak na lang ra manangihon sanggah nasiam marbarita? Anggo sonai, sarupa ma pangahap ni ham pakon apostel Paulus. Domma hira-hira 30 tahun ia marbarita, janah bahat do halak na iurupi ia gabe halak Kristen. (Lah. 14:21; 2 Kor. 3:2, 3) Hassi pe sonai, bahat do halak Jahudi na lang ra iurupi ia gabe halak Kristen. Anjaha iparburu halak Jahudi ai do use si Paulus. (Lah. 14:19; 17:1, 4, 5, 13) Sonaha ma pangahap ni si Paulus? Nini ma, “Pusok tumang do uhurhu anjaha tongtong marborit ni uhur ibagas.” (Rom 9:1-3) Mase sonai pangahapni? Halani marosuh do ia marbarita, anjaha holong do uhurni bani halak na legan. Jadi pusok ma uhurni halani lang ra halak Jahudi ai manangar ambilan na madear.
5. (a) Halani aha do hita ra marbarita? (b) Mase sipata hita maretek ni uhur?
5 Songon si Paulus, halani holong do hita marbarita bani halak na legan, anjaha sihol mangurupi sidea. (Mat. 22:39; 1 Kor. 11:1) Domma iahapkon hita pasu-pasu halani mangidangi Jahowa. Jadi sihol do uhurta ase iahapkon halak na legan homa pasu-pasu sisonai! Halani ai ma ipatugah hita bani sidea hasintongan pasal Jahowa ampa sura-sura-Ni bani jolma. Usih ma ai songon na mambere hadiah hita bani sidea. Tapi anggo lang ra sidea manjalo, gabe ‘pusok ma uhurta’, songon si Paulus nongkan. Sedo halani na hurang haporsayaon bani Naibata, tapi halani holongta do bani halak na legan. Hassi pe sipata hita maretek ni uhur, totap ma hita ringgas marbarita. Tontu sosok do iahap hita songon na ihatahon sada botou na margoran si Elena. Domma 25 tahun lobih ia marintis. Nini do, “Tongon lang sai urah marbarita. Tapi on do horja sidearan na huahapkon.”
AHA DO ARTINI MARBUAH?
6. Sungkun-sungkun aha do na laho iulas hita?
6 Mase hita porsaya seng soya-soya Mat. 13:23) Limbaga na parlobei ai ma pasal hayu anggur.
hita na marbarita hassi pe bahat halak na lang ra manangar? Ase ibotoh hita balosni, ulas hita dua limbaga na ipatugah Jesus na patorangkon mase hita porlu “marbuah”. (7. (a) Bani limbaga ni Jesus, ise do na ihatahon “sihorjai”, “hayu anggur”, pakon “ranting”? (b) Sungkun-sungkun aha use na laho iulas hita?
7 Basa Johannes 15:1-5, 8. Bani limbaga on ipatorang Jesus ma anggo “sihorjai” ai Jahowa, “hayu anggur” ai Jesus, janah “ranting” ai susianni. * Dob ai, ihatahon Jesus ma bani susianni, ‘Marhitei ai marsangap ma Bapang-Ku, anggo ramos buahnima, anjaha gabe susianku hanima.’ Bani limbaga on, lang adong ipatugah buah aha do na ihatahon Jesus. Tapi aha ma artini marbuah ai bani susianni? Ibotoh hita ma balosni ai marhitei hatorangan na legan na ipatugah Jesus.
8. (a) Bani limbaga ni Jesus, mase hata marbuah sedo artini mambahen halak gabe susian ni Jesus? (b) Aha na ipindo Jahowa hubanta?
8 Jesus mangkatahon, ‘Irotap [Bapani] do sagala ranting na so marbuah.’ Artini maningon marbuah do hita ase boi gabe juakjuak ni Naibata. (Mat. 13:23; 21:43) Jadi bani limbaga on, hata marbuah sedo artini mambahen halak gabe susian ni Jesus. (Mat. 28:19) Lang sosok ihatahon juakjuak ni Naibata ai lang marbuah halani lang dong halak na iurupi ia gabe susian ni Jesus! Mase? Halani lang boi ipaksa hita sasada halak gabe susian ni Jesus. Jahowa pe lang ongga mamaksa hita mangkorjahon aha na lang tarbahen hita, halani parholong do Ia.—5 Mus. 30:11-14.
9. (a) Aha do artini hita marbuah? (b) Limbaga aha do na laho iulas hita?
9 Jadi aha do artini ase marbuah hita? Tontu parentah na boi ihorjahon hita do ai. Aha do na iparentahkon Jahowa bani ganup juakjuak-Ni? Isuruh do hita mangambilankon ambilan na madear pasal Harajaon ni Naibata. * (Mat. 24:14) Lambin tangkas ma iarusi hita artini marbuah ai humbani limbaga ni Jesus pasal halak na manabur. On ma na laho iulas hita.
10. (a) Aha do artini bonih ampa tanoh bani limbaga ni Jesus? (b) Anggo omei isuan, aha do hasilni?
10 Basa Lukas 8:5-8, 11-15. Bani limbaga ni Jesus pasal sahalak panabur, ipatugah Jesus ma anggo bonih ai artini “hata ni Naibata”, atap pe ambilan pasal Harajaon ni Naibata. Tanoh ai artini uhur ni jolma. Jadi sanggah bonih ai isaburhon i tanoh na madear, gabe martunas ma ai anjaha marbuah. Dob ai, lambin bahat ma buahni ronsi “saratus lompit”. Tapi sonaha anggo omei? Tontu buahni ai do homa na gabe bonih use. Jadi bani limbaga ai, sada bonih omei na isuan hasilni boi do gabe 100 bonih. Hunjon, aha na ma boi iparlajari hita?
Sonaha do hita boi “marbuah ibagas sabar ni uhur”? (Tonggor ma paragrap 11)
11. (a) Aha do na boi iparlajari hita humbani limbaga ni Jesus pasal sada halak panabur? (b) Sonaha ma carani ase adong bonih na baru banta?
* Jadi, sonaha carani hita marbuah? Sanggah ibaritahon hita pasal Harajaon ni Naibata lambin bahat ma bonih ai ibagas uhurta janah ai ma na isaburhon hita. (Luk. 6:45; 8:1) Anjaha anggo totap hita marbarita artini hita domma “marbuah ibagas sabar ni uhur”.
11 Sanggah namatorasta atap pe halak na legan mangajarhon pasal Harajaon ni Naibata banta, sarupa ma ai sidea manaburhon bonih hu tanoh na madear. Anggo ijalo hita barita ai, gabe malas ma uhur ni sidea. Dob ai, martunas ma bonih ni omei ai, marbatang, janah marbuah. Anjaha buahni ai ma na gabe bonih use. Sonai homa usih songon omei nongkan ai, ihatahon hita marbuah sedo artini maningon adong ibahen hita sasada halak gabe susian ni Jesus.12. (a) Aha do na boi iparlajari hita humbani limbaga ni Jesus pasal hayu anggur ampa sipanabur? (b) Sonaha ma pangahap ni nasiam pasal ai?
12 Aha do parlajaranni banta humbani limbaga ni Jesus pasal hayu anggur ampa sipanabur? Hita “marbuah” sedo artini maningon adong halak na ra manangihon baritanta. Tapi anggo totap hita ringgas marbarita, ai do na ihatahon marbuah. Pasal ai pe ihatahon si Paulus do, “Ganup manjalo upahni domu hubani horjani bei.” (1 Kor. 3:8) Jadi haringgasonta do na ipasu-pasu Jahowa, sedo halani hasil na idapot hita humbani horjanta. Si Matilda na dob marintis sadokah 20 tahun mangkatahon, “Malas do uhur halani hubotoh ipasu-pasu Jahowa do hita anggo ringgas marhorja.”
NA MANGURUPI HITA ASE MARBUAH IBAGAS SABAR NI UHUR
13, 14. Domu bani Rom 10:1, 2, mase si Paulus totap ra marbarita?
13 Aha do na mangurupi hita ase totap “marbuah ibagas sabar ni uhur”? Dingat hita ma si Paulus. Hassi pe bahat halak Jahudi na lang ra manangar baritani, tapi totap do ia marbarita Rom 10:1, 2) Jadi mase si Paulus totap marbarita?
bani sidea. Ipatugah si Paulus do sonaha pangahapni bani halak Jahudi, “Ipindo uhurhu do anjaha hutonggohon do sidea bani Naibata, andohar maluah. Ai husaksihon ma pasal sidea, paboa na pongkut uhur ni sidea dompak Naibata, tapi seng maruhur.” (14 Na parlobei ai ma halani ai do ‘harosuh ni uhurni’. Sihol do ia ase halak Jahudi boi maluah. (Rom 11:13, 14) Na paduahon ai ma, ‘itonggohon ia do bani Naibata’ ase ra sidea manjalo barita pasal Harajaon. Janah na patoluhon ihatahon si Paulus do, ‘Pongkut do uhur ni sidea.’ Jadi ididah si Paulus do adong do na dear humbani halak Jahudi ai. Pos do uhurni anggo sidea pe boi gabe susian ni Jesus songon ia.
15. Sonaha do hita mangusihi si Paulus? Bere ma contoh.
15 Sonaha do hita mangusihi si Paulus? Na parlobei, maningon marosuh do hita mangindahi halak na “tinontuhon hinan hu hagoluhan sisadokah ni dokahni”. Na paduahon, maningon martonggo ma hita bani Jahowa ase Ia mangurupi halak na bujur mangarusi barita na ipadas hita. (Lah. 13:48; 16:14) Sonai ma na ibahen si Silvana na dob marintis hira-hira 30 tahun. Nini do, “Paima marbarita, martonggo do ahu ase boi totap ringgas marbarita hassi pe dong tantangan.” Hita pe boi do homa martonggo bani Jahowa ase iurupi malekat hita pajumpah pakon halak na ra manangihon. (Mat. 10:11-13; Pangk. 14:6) Songon si Robert na dob marintis lobih hurang 30 tahun, nini do, “Malas do uhurhu halani iurupi malekat do ahu sanggah marbarita.” Na patoluhon, ipindahi hita ma na dear bani halak na ijumpahi hita. Sonai ma na ibahen si Carl, ai ma sada sintua na dob ididi lobih hurang 50 tahun na salpu. Nini do, “Porini adong na tarsirom bangku, bujur ia atap pe dong sungkun-sungkunni, pangahapku sidea ma holi na ra manangar hasintongan.” Anggo sonai ibahen hita, boi ma hita “marbuah ibagas sabar ni uhur”, songon si Paulus.
“ULANG MA MINTOR MARSARAN TANGANMU”
16, 17. (a) Aha do na boi iparlajari hita humbani Parambilan 11:6? (b) Mase lang soya-soya anggo hita totap marbarita?
16 Lang soya-soya anggo totap hita marbarita, porini pe lang adong na ra manangihon hita. (Basa Parambilan 11:6.) Ipardiateihon halak do hita. Jadi anggo ididah sidea rapi do parpakeianta, bujur, janah basar, ra do halani ai gabe lang be sogam sidea mangidah hita. On ma na iahapkon si Sergio pakon si Olinda.
17 Ipatugah si Sergio do, “Sompat do hanami lang manjaga gerai halani boritan. Dobkonsi sehat, manjaga gerai ma use hanami. Tapi, dong ma na mangkatahon bannami, ‘Ija do sadokah on? Domma siholan diri da.’” Nini si Olinda ma use, “Dong do supir-supir na mamuji hanami, janah nini ma, ‘Mantap!’ Dob ai, ipindo sidea do use majallahta.” Ongga do tarsonggot si Sergio pakon si Olinda halani dong sada dalahi na mambere bunga laho martarima kasih bani sidea.
18. Mase nasiam ra “marbuah ibagas sabar ni uhur”?
18 Anggo ‘lang mintor marsaran tanganta’ mambaritahon pasal Harajaon ni Naibata, artini domma dihut hita ‘manaksihon bani ganup bangsa’ pasal ambilan na madear ai. (Mat. 24:14) Na siporlunan, malas ma uhurta halani domma ibahen hita Jahowa marmalas ni uhur. Anjaha ihaholongi Jahowa do halak na “marbuah ibagas sabar ni uhur”!
^ par. 2 Jesus sandiri pe mangkatahon sunsah do marbarita i “huta hagodanganni”. On boi ibasa hita bani Injil.—Mat. 13:57; Mrk. 6:4; Luk. 4:24; Joh. 4:44.
^ par. 7 Sasintongni ranting ai manggambarhon halak Kristen na iminaki. Tapi parlajaran humbani limbaga ai marlaku do hubanta ganup.
^ par. 9 Sipata hata na “marbuah” ai boi do artini patuduhkon “buah ni tonduy”. Tapi bani artikel on pakon artikel na mangihut, iulas hita ma pasal “buah ni bibir”, atap mambaritahon pasal Harajaon ni Naibata.—Gal. 5:22, 23; Heb. 13:15.
^ par. 11 Sipata igunahon Jesus do homa limbaga pasal sipanabur pakon sipanabi laho patorangkon pasal mangajari halak na legan gabe susianni.—Mat. 9:37; Joh. 4:35-38.