Mase Hita Maningon Totap Marbarita?
“Marhitei ai marsangap ma Bapang-Ku, anggo ramos buahnima, anjaha gabe susian-Ku hanima.”—JOH. 15:8.
1, 2. (a) Bani borngin paima Jesus matei, aha do na isahapkonni bani susianni? (Tonggor ma gambar bani alm. 9.) (b) Mase porlu ibotoh hita alasanni hita marbarita? (c) Aha do na laho iulas hita?
BANI borngin paima matei Jesus, marsahapi do ia pakon susianni. Ia mangkatahon holong do uhurni bani sidea. Songon na iulas hita bani minggu na salpu, ipatugah do homa limbaga pasal hayu anggur laho mangojur sidea ase totap ‘ramos buahni’ atap pe ringgas marbarita.—Joh. 15:8.
2 Jesus lang pitah patugahkon aha na porlu ihorjahon susianni. Tapi ipatugah do homa mase porlu ihorjahon sidea ai. Umpamani ipatugah do mase susianni porlu marbarita. Jadi maningon idingat hita homa mase hita marbarita. In ma na mangurupi hita ase totap ringgas marbarita “laho manaksihon bani haganup bangsa”. (Mat. 24:13, 14) Bani artikel on, iulas hita ma ompat alasan humbani Bibel mase hita porlu marbarita. Dob ai, iulas hita ma homa dong ompat na ibere Jahowa banta laho mangurupi hita ase totap ringgas marbarita.
PASANGAPKON JAHOWA
3. (a) Domu bani Johannes 15:8, aha do alasan na siporlunan hita marbarita? (b) Aha do na igambarhon buah ni hayu anggur ai, anjaha mase sosok ihatahon sonai?
3 Sihol do hita marbarita laho pasangapkon Jahowa, anjaha papansingkon goran-Ni. Ai do alasan na siporlunan. (Basa Johannes 15:1, 8.) Bani limbaga pasal hayu anggur, Jesus patugahkon Jahowa do sihorjai hayu anggur ai janah Jesus sandiri do hayu anggurni. Dob ai susianni do na gabe rantingni. (Joh. 15:5) Jadi sanggah hayu anggur ai marbuah, artini ringgas do susianni marbarita. Ihatahon Jesus do homa bani susianni, “Marhitei ai marsangap ma Bapang-Ku, anggo ramos buahnima.” Anggo dear do buah ni hayu anggur ai, gabe ipuji ma simada hayu anggur ai. Sonai homa ma, anggo hita ringgas marbarita, boi do ai pasangapkon Jahowa.—Mat. 25:20-23.
Anggo hita ringgas marbarita, boi do ai pasangapkon Jahowa
4. (a) Sonaha do hita boi papansingkon goran ni Naibata (b) Sonaha do pangahapmu boi papansingkon goran ni Naibata?
4 Sasintongni domma pansing goran ni Naibata. Jadi, lang adong aha pe na boi ibahen hita ase lambin pansing goran-Ni ai. Jadi aha do artini papansingkon goran-Ni? Pingkirhon ma aha na ihatahon si Jesaya, “Jahowa Zebaot, Ia ma na ma pansing bannima.” (Jes. 8:13) Jadi, hita papansingkon goran-Ni artini porsaya do hita pitah goran-Ni dassa na pansing. Anjaha ipatugah hita do homa pasal ai bani halak na legan. (Mat. 6:9) Umpamani, ipatugah hita ma sonaha do paruhuran ni Jahowa ampa pangarapan hagoluhan sadokah ni dokahni i Paradeiso. Anggo sonai ibahen hita, boi ma iarusi halak ladung do na ihatahon Sibolis pasal Jahowa. (1 Mus. 3:1-5) Na leganni, urupi hita ma halak ase mangarusi pitah Jahowa do na talup “manjalo hasangapon, hamuliaon pakon hagogohon”. (Pangk. 4:11) Si Rune na dob marintis sadokah 16 tahun mangkatahon, “Malas do uhurhu boi gabe saksi ni Jahowa, Sitompa langit pakon tanoh on. Ai ma na mambahen ahu lambin ringgas marbarita.”
HOLONG BANI JAHOWA PAKON JESUS
5. (a) Domu bani Johannes 15:9, 10, mase hita porlu marbarita? (b) Mase iajarhon Jesus ase susianni maningon martahan?
5 Basa Johannes 15:9, 10. Na paduahon, hita ra marbarita halani holong do hita bani Jahowa pakon Jesus. (Mrk 12:30; Joh. 14:15) Ipatugah Jesus do bani susianni ase ‘totap ma sidea ibagas holong ni uhurni’. Mase sonai ihatahonni? Halani bahat do holi parlajouan na iahapkon susianni. Bani Johannes 15:4-10, dong do piga-piga hali ihatahon Jesus “totap ma” bani susianni. On patuduhkon maningon martahan ma susianni hassi pe dong parlajouan.
6. Aha na porlu ibahen hita ase totap ihaholongi Jesus?
6 Aha na porlu ibahen hita ase totap ihaholongi Jesus? Totap ma hita unduk hu bani. Jesus lang pitah mambere parentah hubanta, tapi ia do na parlobei mandalankon parentah ni Bapani. Ai do ase ihatahonni, “Ahu na mangkorjahon titah ni Bapa, gabe marianan ibagas holong ni uhur-Ni.” Jadi ibere Jesus do siusihan na dear hubanta.—7. Sonaha hita pataridahkon holong bani Jesus?
7 Jesus mangkatahon, ‘Barang ise na manjolom titahku anjaha idalankon, ai do na marholong ni uhur bangku.’ (Joh. 14:21) Jadi maningon idalankon hita do parentah ni Jesus ase totap hita ibagas holongni. Humbani Jahowa do ganup parentah na ihatahon Jesus. Jadi anggo ra hita marbarita songon na iparentahkon Jesus, on patuduhkon holong do homa hita bani Jahowa. (Mat. 17:5; Joh. 8:28) Halani ai Jahowa pakon Jesus pe gabe holong ma hubanta.
PASINGATKON HALAK NA LEGAN
8, 9. (a) Aha do use alasan na legan hita laho marbarita? (b) Sonaha Hesekiel 3:18, 19 pakon 18:23 mangurupi hita ase totap ringgas marbarita?
8 Na patoluhon, hita marbarita laho pasingatkon halak na legan pasal ari ni Jahowa. Bani Bibel, ihatahon do anggo si Noak ai sahalak “parambilan”. (Basa 2 Petrus 2:5.) Jadi paima roh Bah na Sumbang, marbarita do si Noak laho patugahkon pasal panguhuman ni Jahowa. Hunja ibotoh hita? Halani ihatahon Jesus do, ‘Sanggah lape roh bah na sumbang ai, marmangan-mangan anjaha marminum-minum do sidea, marunjuk anjaha palahohon, paima jumpah ari parmasuk ni si Noak hubagas parau ai, anjaha lanjar do seng itangihon sidea pasal ai, ronsi na roh bah na sumbang ai mangogapkon sidea haganup. Usih hujai do parroh ni Anak ni Jolma in.’(Mat. 24:38, 39) Hassi pe lang dong na manangihon barita ni si Noak, tapi totap do ia padaskon barita humbani Jahowa.
9 Sonai homa ma sonari on. Hita marbarita laho patugahkon pasal Harajaon Hes. 18:23) Halani ai do hita marbarita hun rumah hu rumah atap pe manjaga gerai. Anggo ibahen hita sonai sarupa do ai pasingatkon halak na legan pasal panguhuman ni Jahowa na laho roh.—Hes. 3:18, 19; Dan. 2:44; Pangk. 14:6, 7.
ni Naibata ampa harosuh-Ni bani jolma. Songon Jahowa, sihol do hita ase halak na legan ra manangihon baritanta janah boi maluah. (HOLONG BANI HALAK NA LEGAN
10. (a) Domu bani Mateus 22:39, aha ope alasanta marbarita? (b) Mase panjaga penjara i huta Pilippi ujungni ra mambahen hamubahon?
10 Na paompathon, hita marbarita halani holong do hita bani halak na legan. (Mat. 22:39) Sipata, dong do halak ujungni gabe ra marlajar Bibel halani dong na mubah ibagas goluhni. On ma na masa bani panjaga penjara i huta Pilippi. Ondi ai, ipenjarahon do si Paulus pakon si Silas ijai. Tapi bani tongah borngin, roh ma gempa bumi. Mangkabuha ma labah ni penjara ai. Jadi mabiar ma panjaga penjara ai. Iaganni domma lintun ganup tahanan ai. Halani ai, laho bunuh diri ma ia. Tapi mintor marsurak ma si Paulus, janah ihatahon, “Ulang bahen ham hasedaon bamu.” Dob ai nini panjaga ai ma, “Aha ma sibahenonku, nasiam tuannami, ase maluah ahu?” Nini si Paulus pakon si Silas ma hu bani, “Haporsayai ma Tuhan Jesus, ase maluah ham.”—Lah. 16:25-34.
Halani mangkaholongi Jahowa, Jesus, pakon halak na legan, ra ma hita marbarita (Tonggor ma paragrap 5, 10)
11, 12. (a) Aha do na boi iparlajari hita humbani panjaga penjara ai? (b) Mase hita maningon ringgas marbarita?
11 Aha do na boi iparlajari hita humbani panjaga penjara nongkan? Dingat ma, panjaga penjara ai ujungni ra mambahen hamubahon dobkonsi roh gempa bumi. Sonai homa ma sonari on. Ra do adong piga-piga halak mungkahni lang ra manangar barita ni Bibel. Tapi dobkonsi dong na mubah ibagas goluh ni sidea, gabe ra ma sidea manangar barita hun Bibel. Umpamani dong na hona PHK, marsirang, boritan, anjaha matei halak na hinaholonganni. Anjaha ra do halani ai gabe sungkun-sungkun ma sidea. Umpamani, ‘Sonaha do ahu ase boi maluah?’ Anjaha dong do homa halak mintor ra manangihon barita hun Bibel hassi pe baru ope ai itangarni.
12 Jadi anggo ringgas hita marbarita, ujungni ra do jumpah hita halak na tongon-tongon ra manangihon barita humbani Bibel. (Jes. 61:1) Anjaha halani holong do hita ra marbarita bani sidea! On ma na iahapkon si Charlotte na dob marintis sadokah 38 tahun. Nini do, “Bahat do halak na marpusok ni uhur sonari on. Halani ai porlu ma itangar sidea barita na madear.” Si Ejvor na marintis sadokah 34 tahun mangkatahon, “Bahat tumang do halak sonari on na mandolei. Jadi maningon huurupi ma sidea. On ma mambahen ahu lambin marosuh marbarita.”
NA BOI MANGURUPI HITA ASE TOTAP MARBARITA
13, 14. (a) Bani Johannes 15:11, aha do na boi mangurupi hita ase totap marbarita? (b) Mase hita boi marmalas ni uhur songon Jesus? (c) Aha do gunani anggo hita marmalas ni uhur?
13 Bani borngin paima matei Jesus,
ihatahonni do bani susianni dong ompat na ibere Jahowa laho mangurupi sidea ase totap marbarita. Aha ma ai?14 Malas ni uhur. Sipata sunsah do iahap hita laho marbarita. Tapi bani limbaga pasal hayu anggur, ihatahon Jesus do anggo hita marbarita, gabe malas do uhurta. (Basa Johannes 15:11.) Mase boi sonai? Dingat ma, Jesus do na igambarhon hayu anggur ai. Dob ai, susianni ma na gabe rantingni. Jadi sadokah rantingni ai lang iponggolhon, gabe boi ma rantingni ai martunas. Sonai homa ma hita. Anggo idalankon hita parentah ni Jesus, gabe boi ma hita marmalas ni uhur songon Jesus na marmalas ni uhur mangkorjahon harosuh ni Jahowa. (Joh. 4:34; 17:13; 1 Ptr. 2:21) On ma na iahapkon si Hanne na dob marintis sadokah 40 tahun. Nini do, “Dobkonsi mulak marbarita, malas do uhurhu. Ai ma na mambahen ahu gabe ringgas marbarita.” Jadi hita pe boi do totap marmalas ni uhur marbarita hassi pe bahat halak lang ra manangar.—Mat. 5:10-12.
15. (a) Bani Johannes 14:27, aha do na boi mangurupi hita ase totap marbarita? (b) Anggo damei pangahapta, mase ai mambahen hita totap ringgas marbarita?
15 Hadameion. (Basa Johannes 14:27.) Bani borngin sanggah Jesus lape matei, ihatahonni do bani susianni, ‘Damei na adong bangku do hubere bannima.’ Sonaha do damei na ibere Jesus boi mangurupi hita ase totap marbarita? Sanggah hita marbarita, ibotoh hita do ai mambahen malas uhur ni Jahowa pakon Jesus. Jadi gabe damei ma pangahapta. (Ps. 149:4; Rom 5:3, 4; Kol. 3:15) On ma na iahapkon si Ulf na marintis sadokah 45 tahun. Nini do, “Hassi pe loja do huahap marbarita, tapi damei do pangahapku.” Jadi hita pe boi do mangahapkon hadameion sanggah marbarita!
16. (a) Bani Johannes 15:15, aha do na boi mangurupi susian ni Jesus ase totap marbarita? (b) Aha do na porlu ibahen ase totap gabe hasoman ni Jesus?
16 Gabe hasoman ni Jesus. Dob ai ihatahon Jesus do homa ase susianni maningon do patuduhkon holong. (Joh. 15:11-13) Dob ai, ihatahonni ma use, ‘Huan-huan do hanima huhatahon.’ Tontu malas do uhur boi gabe hasoman ni Jesus! Tapi sonaha do sidea boi totap gabe hasoman ni Jesus? Ihatahon Jesus do, ‘Laho ma hanima marbuah.’ (Basa Johannes 15:14-16.) Artini maningon totap do sidea marbarita. Anjaha ongga do homa ihatahon Jesus bani sidea, “Laho ma hanima mangambilankon, paboa domma dohor Harajaon nagori atas in.” (Mat. 10:7) Halani ai ma bani borngin paima Jesus matei, iojurni do ase susianni ai tongtong marbarita. (Mat. 24:13; Mrk. 3:14) Anggo ibahen sidea sonai, totap ma sidea gabe hasoman ni Jesus. Tapi ibotoh Jesus do lang sai urah ai. Jadi aha ope na boi mangurupi susianni?
17, 18. (a) Bani Johannes 15:7, aha do na boi mangurupi hita ase totap marbarita? (b) Halani martonggo, sonaha do ai mangurupi susian ni Jesus? (c) Sonari on, aha do na boi mangurupi hita?
17 Itangihon do tonggonta. Ihatahon Jesus do bani susianni, “Jumpah hanima do barang aha pe ipindo uhurnima.” (Joh. 15:7, 16) Tontu malas do uhur ni sidea manangar janji ai! * Sasintongni lang ibotoh sidea na laho matei ma Jesus. Tapi hassi pe matei Jesus, totap do sidea iurupi. Sirsir do Jahowa manangihon tonggo ni sidea janah mangurupi sidea ase totap marbarita. Buktini, dobkonsi matei Jesus, martonggo do susianni ase pangkar sidea marbarita. Janah mintor ibalosi Jahowa do tonggo ni sidea ai.—Lah. 4:29, 31.
Pos ma uhurta itangihon Jahowa do tonggonta (Tonggor ma paragrap 18)
18 Sonai homa sonari on. Anggo hita totap ringgas marbarita, boi ma hita gabe hasoman ni Jesus. Anjaha pos ma uhurta ibalosi Jahowa do tonggonta ase hita boi totap marbarita. (Pil. 4:13) Tontu malas do uhurta halani ai. Jadi ai ma na ibere Jahowa banta ase hita totap marbarita hassi pe dong parlajouan.—Jak. 1:17.
19. (a) Mase hita maningon totap ringgas marbarita? (b) Aha do na ibere Jahowa banta ase hita boi totap marbarita?
19 Jadi domma iulas hita ompat alasanni hita marbarita, ai ma: laho pasangapkon Jahowa ampa papansingkon goranni, patuduhkon holong bani Jahowa pakon Jesus, pasingatkon halak, anjaha patuduhkon holong bani halak na legan. Dob ai domma ibotoh hita dong ompat na ibere Jahowa banta ase hita totap marbarita, ai ma: malas ni uhur, hadameion, boi marhasoman pakon Jesus, ampa tonggo. Jadi anggo ‘ramos buahta’ atap pe totap hita ringgas marbarita, malas tumang do uhur ni Jahowa!
^ par. 17 Sanggah marsahapi Jesus pakon susianni, dong do piga-piga hali ipatugahni na laho ibalosi Jahowa do tonggo ni sidea.—Joh. 14:13; 15:7, 16; 16:23.