Boi do ibalosi nasiam sungkun-sungkun on humbani Ambilan na Madear 2019?

Aha do artini janji ni Naibata, “Sinjata na tinopa mangimbang ho, seng anjai mangasi”? (Jes. 54:17)

Pos do uhurta anggo Naibata boi manlinggomi hita humbani “ondam-ondam ni halak sipangodoh-odoh”. (Jes. 25:4, 5) Lang boi munsuhta manaluhon hita.​—w19.01, alm. 6-7.

Sonaha Jahowa patuduhkon hapintoron-Ni hubani halak Kanaan ampa halak Israel?

Uhuman ni Naibata do sidea na mangkorjahon pelecehan seksual bani naboru na galek atap bani dakdanak. Tapi ipasu-pasu Ia do halak na unduk hu Bani ampa na mambahen na pintor hubani halak na legan.​—w19.02, alm. 22-23.

Porini bani sada acara dong sahalak na lang Saksi mambobahon tonggo, aha ma na laho bahenonta?

Hita boi totap sip ampa hormat. Tapi ulang ihatahon hita “amen” atap marsijoloman tangan pakon sidea. Ibagas uhur ma hita martonggo.​—w19.03, alm. 31.

Mase pelecehan seksual bani dakdanak ihatahon dousa na banggal?

Halani parjahat ai domma mardousa hubani korban, kuria, pamarentah, ampa bani Naibata. Anggo pamarentah sihol manguhum parjahat ai, sintua lang boi manlanglangi.​—w19.05, alm. 9-10.

Sonaha ham boi mambahen hamubahon humbani uhur ampa parlahou?

Carani: Martonggo ma bani Jahowa. Rimangi ma atap na dong do na porlu iubah ibagas uhur ampa pingkiranmu. Maruhur ma mamilih hasoman.​—w19.06, alm. 11.

Aha do na porlu bahenonta paima iparburu?

Patoguh ma parhasomananta dompak Jahowa. Pos ma uhurta ihaholongi Ia do hita, anjaha seng ongga tadingkonon-Ni hita. Basa ma Bibel tiap ari, totap ma martonggo. Porsaya ma bani pasu-pasu na ijanjihon Naibata marhitei Harajaon-Ni. Hafal ma piga-piga ayat Bibel ampa doding.​—w19.07, alm. 2-4.

Sonaha hita boi mangurupi kaluarganta ase maluah?

Ponting do patuduhkon uhur na sapangahapan, parlahou na madear, sabar, totap bujur, janah toguh.​—w19.08, alm. 15-17.

Sonaha Jesus pasonangkon hita songon janjini bani Mateus 11:28?

Dong pengawas na bujur, hasoman ampa horja na sidearan.​—w19.09, alm. 23.

Sonaha Jahowa mangurupi hita ase sihol janah margogoh mangkorjahon harosuh-Ni? (Pil. 2:13)

Anggo ibasa janah irimangi hita Bibel, iurupi Naibata ma hita ase sihol janah margogoh mangkorjahon harosuh-Ni. Iurupi tonduy-Ni do hita ase lambin pandei mangkorjahon tugas hun Bani.​—w19.10, alm. 21.

Aha do na porlu bahenonta paima mambahen haputusan?

Dong lima cara: Bahen riset. Martonggo mangindo hapentaran. Pingkirhon mase ibahen ham haputusan ai. Pingkirhon sonaha mandalankon haputusan ai. Maningon masuk akal.​—w19.11, alm. 27-29.

Ai dong do iajarhon Sibolis hubani si Hawa anggo halak na matei ai manggoluh ope tonduyni?

Lang. Sibolis mangkatahon lang matei ia, lang ihatahon pitah dagingni do na matei. Sanggah roh Bah na Sumbang, dihut do masap ganup ajaran palsu. Ra do ajaran ai manrarat sanggah ipaerap Naibata ganup halak na pajongjongkon menara Babel.​—w19.12, p. 15.