ARTIKEL PARLAJARAN 52
Ajari ma Niombah Ase Mangkaholongi Jahowa
“Silayak-layak ni Jahowa do [niombah].”—PS. 127:3.
DODING 134 Niombah, Silayak-layak ni Jahowa
NA LAHO IULAS *
1. Tanggung jawab aha do na ibere Jahowa hubani namatoras?
HUMBANI mungkahni ibere Jahowa do ase dong sura-sura ni jolma laho marniombah. Bibel mangkatahon, “Silayak-layak ni Jahowa do [niombah].” (Ps. 127:3) Aha do artini ai? Bayangkon ma adong hasomanta na mangindo ase hita manimpan duitni. Tontu malas do uhurta halani porsaya ia hubanta laho manjaga duitni ai. Tapi ra do haru homa uhurta sonaha manjaga duit ai. Sonai ma homa, ibere Jahowa do sibere-bere na harganan marimbangkon duit hubani namatoras. Ibere Ia do tanggung jawab bani namatoras laho pagodangkon niombahni janah mambahen sidea martuah.
2. Sungkun-sungkun aha do na laho iulas hita?
2 Jadi ise ma na maningon mamutuskon marniombah do atap lang? Janah sonaha namatoras mangurupi niombahni ase martuah ronsi magodang? Ulas hita ma piga-piga prinsip ni Bibel na boi mangurupi namatoras ase boi mambahen haputusan na madear.
HARGAI MA HAPUTUSAN NI NA MARHAJABAUAN
3. (a) Ise ma na mamutuskon laho marniombah do atap lang? (b) Prinsip Bibel na ija do na maningon idingat kaluarga atap hasoman?
3 Bani piga-piga ianan somal do halak na baru marhajabuan iojur ase podas marniombah. Anjaha ra do kaluarga atap hasoman ni sidea na mangkatahon sonai. Sanina Jethro hun Asia mangkatahon, “I kuria dong do homa sanina botou na mangojur pasangan na baru marhajabuan ase marniombah.” Dong homa Sanina Jeffrey hun Asia mangkatahon, “Ra do adong piga-piga halak na ijon mangkatahon bani halak na marhajabuan ai, anggo lang dong niombah ni sidea lang dong Gal. 6:5) Jadi maningon ihargai sidea ma haputusan ni pasangan ai.—1 Tes. 4:11.
holi na mangurus sidea dob matua.” Tongon bahat do kaluarga ampa hasoman na sihol ase pasangan ai martuah. Tapi pasangan ai do na maningon mamutuskon laho marniombah atap lang. Janah tanggung jawab ni sidea do ai. (4-5. Pasal aha do na maningon iulas halak na marhajabuan, anjaha attigan do na sidearan laho mangulas ai?
4 Anggo pasangan ai mamutuskon laho marniombah, maningon ipingkirhon sidea ma dua sungkun-sungkun on: Na parlobei, attigan do sidea marniombah? Na paduahon, piga halak ma rencana ni sidea? Tapi, attigan do dearan iulas sidea pasal ai? Anjaha mase maningon iulas sidea ai?
5 Bahat do pasangan na manriahkon pasal ai paima sidea marhajabuan. Mase? Ase sapanriahan sidea. Porlu do homa ipingkirhon sidea ai sirsir do sidea marniombah atap lang. Piga-piga pasangan mamutuskon paimahon satahun atap dua tahun dobkonsi marhajabuan baru pe marniombah. Pangahap ni sidea domma sungkup panorang mambahen penyesuaian ibagas parhajabuan. On boi mambahen sidea lambin orot, halani anggo domma marniombah, bahatan do holi gogoh ampa panorang ni sidea laho mangurus niombah.—Ep. 5:33.
6. Halani sonari ari hasunsahan, haputusan aha ma na ibahen piga-piga pasangan?
6 Hinan, hatolusi anak pakon parumaen ni si Noak lang mintor marniombah. (1 Mus. 6:18; 9:18, 19; 10:1; 2 Ptr. 2:5) Sonari, bahat do pasangan Kristen na mangusihi sidea. Isarupahon Jesus do “panorang ni si Noak” ai pakon panorangta sonari. Janah domma iahapkon hita anggo sonari hita manggoluh bani “ari hasunsahan”. (Mat. 24:37; 2 Tim. 3:1) Halani ai, piga-piga pasangan mamutuskon lang marniombah lobei ase boi sidea mambere gok panorang laho mangidangi Jahowa.
Sanggah mamutuskon laho marniombah, dear do suami istri “mangetong na porlu hujai” (Tonggor ma paragrap 7) *
7. Sonaha prinsip bani Lukas 14:28, 29 pakon Podah 20:18 boi mangurupi pasangan?
7 Paima pasangan ai mamutuskon laho marniombah janah piga halak rencanani, dear do anggo sidea “mangetong na porlu hujai”. (Basa Lukas 14:28, 29.) Buei do namatoras na mangkatahon bahat do bois duit laho pagodangkon niombah. Tapi lang pitah ai, bahat do homa bois panorang ampa gogoh hujai. Jadi ponting tumang do ase irimangi sidea sungkun-sungkun on: ‘Maningon haduasi do hita marhorja laho manggoki haporluan ni kaluarga? Ai dos do riahta pasal aha na ihaporluhon kaluarga? Anggo haduasi hita holi marhorja, ise ma na manjaga niombah? Ise ma holi na gabe itiru sidea?’ Sanggah iulas sidea sungkun-sungkun ai, porlu do sidea mandalankon Podah 20:18.—Basa.
Iurupi suami na parholong do istri manjaga niombah (Tonggor ma paragrap 8)
8. Tantangan aha do na maningon ipingkirhon namatoras, janah aha do na porlu ibahen suami na parholong?
8 Maningon ibere namatoras do panorang ampa gogohni laho mansarihon niombahni. Tapi anggo rapat-rapat do niombahni, lang urah bani namatoras laho mansarihon tiap niombah. Piga-piga namatoras na sonai situasini mangkatahon gabe lojatu do sidea halani ai. Sahalak inang na lojatu, ra do gabe lang dong be gogohni laho marlajar, martonggo, ampa marbarita. Ra do gabe lang urah homa ia mampardiateihon acara i partumpuan. Tontu sahalak suami na parholong ra mangurupi istrini laho manjaga niombahni sanggah i rumah ampa i partumpuan. Umpamani, iurupi ia do istrini mangkorjahon tugas-tugas i rumah. Marusaha do ia ase ganup anggota kaluargani mandapot guna hun parlajaran Bibel kaluarga. Janah iarahkon ia do homa ase ganup kaluargani taratur marbarita.
MANGAJARI NIOMBAH MANGKAHOLONGI JAHOWA
9-10. Aha do na maningon ibahen namatoras laho mangurupi niombahni mangkaholongi Jahowa?
9 Sonaha namatoras mangurupi niombahni ase boi mangkaholongi Jahowa? Sonaha sidea boi manlinggomi niombahni humbani dunia na jahat on? Pardiateihon ma piga-piga cara na dob ibahen bahat namatoras.
10 Martonggo ma bani Jahowa. Pardiateihon ma siusihan humbani si Manoah pakon istrini, namatoras ni si Simson. Sanggah ibotoh sidea laho dong mando anakni, martonggo do si Manoah laho mangindo sonaha do holi pagodangkon anakni ai.
11. Domu bani Panguhum 13:8, sonaha si Manoah gabe siusihan bani namatoras?
11 Si Nihad pakon si Alma hun Bosnia ampa Herzegovina mangusihi si Manoah. Sidea mangkatahon, “Martonggo do hanami bani Jahowa ase iurupi gabe namatoras na bujur. Anjaha ibalosi Jahowa do tonggonami ai marhitei bahat cara. Umpamani: Bibel, publikasi, partumpuan, ampa kebaktian.”—Basa Panguhum 13:8.
12. Siusihan aha do na ipatuduh si Josep pakon si Maria bani niombahni?
12 Patuduh ma siusihan na madear. Bani niombah banggalan do pengaruhni na ihorjahon marimbangkon na ihatahon nasiam. Hinan ipatuduh si Josep pakon si Maria 5 Mus. 4:9, 10) Sasintongni lang maningon “siap tahun” iboban ia ganup kaluargani hu Jerusalem laho marpesta Paskah, tapi ihorjahon ia do ai. (Luk. 2:41, 42) Ijia, ra do bahat bapa na marpangahap lang urah mangkorjahon ai, halani daoh tumang anjaha bahat porlu duit laho hujai. Si Josep lang sonai. Ihargai ia do parhasomananni pakon Jahowa anjaha iajari do ganup niombahni ase mangkorjahon sisonai. Sonai homa si Maria, ibotoh ia do Hata ni Naibata. Marhitei parsahap ampa parlahou, iajari do niombahni ase mangkarosuhkon Hata ni Naibata.
do siusihan na madear bani ganupan niombahni tarmasuk Jesus. Pongkut do si Josep marhorja laho manggoki haporluan kaluargani. Tapi iojur do ase kaluargani mangkargai parhasomanan dompak Naibata. (13. Sonaha si Nihad pakon si Alma mangusihi si Josep pakon si Maria?
13 Si Nihad pakon si Alma na ipatugah nongkan ai, sihol mangusihi si Josep pakon si Maria. Sonaha ai boi mangurupi sidea laho mangajari anakni ase mangkaholongi janah mangidangi Naibata? Sidea mangkatahon, “Marhitei parlahou, marusaha do hanami patuduhkon bahat do gunani anggo hita mangihutkon Titah ni Naibata.” Nini si Nihad use, “Marusaha ma nasiam jadi halak na bujur, anggo sihol niombahmu bujur.”
14. Mase porlu ibotoh namatoras pakon ise niombahni marhasoman?
14 Urupi ma niombah mamilih hasoman. Porlu do inang ampa bapa mambotoh pakon ise niombahni marhasoman, janah aha na ihorjahon sidea. Tarmasuk ma on mambotoh pakon ise sidea marhasoman i media sosial. Mase? Halani dong do pengaruh ni hasomanni hubani pingkiran ampa parlahou ni sidea.—1 Kor. 15:33.
15. Sonaha namatoras boi mangsihi si Jessie?
15 Sonaha porini namatoras lang mambotoh manggunahon komputer atap pe tablet? Si Jessie sada bapa hun Filipina mangkatahon, “Otik tumang do na ibotoh hanami pasal teknologi. Tapi marusaha do hanami mangajarhon aha bahayani teknologi ai bani niombahnami.” Jadi, hassi pe lang ibotoh si Jessie manggunahon alat-alat sisonai, lang ilarang ia niombani manggunahon ai. Ia patorangkon, “Huojur do sidea ase manggunahon tabletni laho marlajar bahasa na legan, pasirsirhon partumpuan, ampa mambasa Bibel ganup ari.” Nasiam namatoras, ai ongga do ibasa ampa iulas nasiam pakon niombahmu sipasingat pasal SMS atap mamposting foto i internet? Hatorangan sisonai dong i jw.org® bagian “Anak Muda”. Ai ongga do iulas nasiam video Apakah Kamu Kecanduan Alat Elektronik? pakon Maruhur ma Manggunahon Jejaring Sosial? * Dear do anggo igunahon nasiam bahan sisonai laho mangajari niombahmu ase maruhur sidea manggunahon alat elektronik.—Pod. 13:20.
16. Aha do na domma ibahen bahat namatoras, janah aha hasilni?
16 Bahat do namatoras na mangatur ase niombahni marsaor pakon halak na mambere siusihan na madear ibagas pangidangion. Sonai ma na ibahen si N’Déni pakon si Bomine, suami istri hun Côte d’Ivoire. Gati do iontang sidea sintua kaliling ase manginap i rumahni. Si N’Déni mangkatahon, “Dear tumang do pengaruhni ai bani anaknami. Mulai ma ia marintis janah sonari domma gabe sintua kaliling pengganti ia.” Ai boi do homa ibahen nasiam sonai bani niombahmu?
17-18. Humbani attigan do namatoras mangajari niombahni?
Pod. 22:6) Dingat ma pangalaman ni si Timoteus. Dob magodang, dihut do ia mangkasomani apostel Paulus ibagas pangidangion. Mase boi sonai? Halani si Oinike inangni, ampa si Lois ompungni, domma mangajarisi ‘humbani haetek-etekonni nari’.—2 Tim. 1:5; 3:15.
17 Ajari ma niombah humbani etek-etek nari. Lambin dear do hasilni anggo namatoras mulai mangajari niombah sanggah etek-etek ope sidea. (18 Si Jean-Claude pakon si Peace hun Côte d’Ivoire marhasil pagodangkon onom niombahni ase mangkoholongi ampa mangidangi Jahowa. Aha ma na mangurupi sidea? Itiru sidea do si Oinike pakon si Lois. Sidea mangkatahon, “Lang piga dokah dobkonsi tubuh niombahnami, mintor iajarhon hanami do Hata ni Naibata bani sidea.”—5 Mus. 6:6, 7.
19. Sonaha mangajarkon Hata ni Naibata bani niombah?
19 Sonaha “mangajarhon” Hata ni Naibata bani niombahmu? Bani sahap Heber, hata “mangajarhon” na dong bani 5 Musa 6:7 patuduhkon “maningon marulak-ulak do mangajarhon ai”. Sipata, ra loja pangahap ni namatoras mangkorjahon ai. Tapi totap ma nasiam marusaha mangurupi niombah laho mangarusi anjaha mandalankon Hata ni Naibata.
Maningon marusaha do namatoras mangajari tiap niombah (Tonggor ma paragrap 20) *
20. Sonaha prinsip bani Psalmen 127:4 boi mangurupi namatoras laho pagodangkon niombahni?
20 Paruhurhon ma haporluan ni tiap niombah. Bani Psalmen 127 isarupahon do niombah ai songon lingkit atap panah. (Basa Psalmen 127:4.) Marragam do ukuran ni panah, sonai homa niombah lang dong na sarupa. Jadi maningon ibotoh namatoras do sonaha mangajari tiap niombahni. Sapasang suami istri i Israel marhasil mangurupi dua niombahni laho mangidangi Jahowa. Ipatugah sidea do aha na mangurupi sidea. Nini do, “Pulig do ibahen hanami marlajar Bibel pakon tiap anak.” Jadi kopala kaluarga maningon manontuhon ai porlu do mambahen sisonai atap lang.
IURUPI JAHOWA DO NASIAM
21. Sonaha Jahowa mangurupi namatoras?
21 Sipata ra lang urah pangahap ni namatoras laho mangajari niombahni. Tapi dingat
ma sibere-bere humbani Jahowa do niombah ai. Tontu sirsir do Ia mangurupi nasiam. Janah ra do Ia manangihon tonggo ni nasiam. Ibalosi do ai marhitei Bibel, publikasi, podah, ampa pangalaman ni sanina botou i kuria.22. Aha do na boi ibere namatoras bani niombah?
22 Piga-piga halak mangkatahon porlu do 20 tahun bani namatoras laho pagodangkon niombahni. Tapi sasintongni totap do nasiam gabe namatoras. Jadi na sidearan na boi ibere nasiam bani niombah ai ma holong, panorang, ampa mangajarhon Hata ni Naibata bani sidea. Tongon, marragam do cara ni dakdanak manjalo pangajaran ai. Si Joanna Mae hun Asia, na ipagodang namatoras na mangkaholongi Jahowa mangkatahon, “Anggo hudingat use sonaha namatorasku pagodangkon ahu, martarima kasih tumang do ahu halani iajari ase mangkaholongi Jahowa. Sedo pitah hagoluhan na ibere sidea, tapi sonaha ase martuah goluhku.” (Pod. 23:24, 25) Sonai do homa pangahap ni marjuta sanina botounta.
DODING 59 Riap ma Hita Mamuji Jahowa
^ par. 5 Anggo dong na baru marhajabuan, ai maningon marniombah do sidea? Anggo sidea mamilih marniombah, piga ma niombahni? Janah sonaha do sidea mangajari niombahni ase mangkaholongi Jahowa? Bani artikel on iulas hita ma contoh humbani sanina botou ampa prinsip ni Bibel na boi mangurupi hita laho mambalosi sungkun-sungkun ai.