DONG dua anak boru na mardalan manlopusi rak beroda i kota Baguio, i Filipina. Ididah sidea do namin rak beroda ai. Tapi lopus dassa sidea. Sanggah ai, botounta si Helen do na manjaga rak beroda ai. Janah tarsirom ma ia hubani sidea. Tapi totap do mardalan anak boru ai. Hassi pe sonai, idingat sidea do si Helen halani tarsirom ai.

Dob ai, naik bus ma sidea laho mulak hu rumahni. Sanggah i pardalanan, ididah sidea ma sada Balei Harajaon, anjaha dong logo jw.org banggal ijai. Gabe idingat sidea ma dong do homa logo sisonai i rak beroda na ididah sidea nongkan ai. Turun ma sidea janah itonggor sidea ma jadwal partumpuan na ipasang i Balei Harajaon ai.

Jadi, roh ma sidea hu partumpuan. Sanggah masuk sidea hu Balei Harajaon, tarsonggot ma sidea mangidah si Helen. Mintor idingat sidea ma si Helen ai do na tarsirom hubani sidea sanggah manjaga gerai ia. Nini si Helen ma, “Sanggah roh sidea manjumpahi ahu, gabe gobir do ahu. Nini uhurhu ma mase ijumpahi sidea ahu.” Jadi ipatorang sidea ma bani si Helen, anggo sidea domma mangidahsi sanggah manjaga gerai.

Malas tumang uhur ni sidea boi dihut martumpu janah marsaor pakon sanina botou. Sanggah ididah sidea na legan mamborsihkon Balei Harajaon dob salosei martumpu, ipindo sidea ma ase sidea pe boi dihut mangurupi. Sada humbani anak boru ai lang be tading i Filipina. Tapi na sada nari roh ope hu partumpuan janah domma marlajar Bibel. Jadi, dear tumang do hasilni halani basar hasomanta bani sidea!