Ai Ibotoh Nasiam Do?
Mase Titah pasal Burung Anduhur ampa Burung Asas Marguna bani Halak Israel?
BANI Titah ni si Musa halak Israel boi do mambere anduhur pakon asas atap merpati bahen galangan bani Jahowa. Dua masam burung ai gati do rap isobut bani Titah ni si Musa. Jadi humbani dua masam burung ai, boi do ipilih sidea sada na gabe galangan. (3 Mus. 1:14; 12:8; 14:30) Aha ma gunani pangaturan ai? Sada alasanni ai ma, halani anduhur lang totap adong i Israel. Mase sonai?
Burung anduhur
Burung na marpindah-pindah do anduhur. Jadi sadokah musim panas, bahat ma anduhur i Israel. Tapi bani bulan Oktober sanggah mulai musim dingin, pindah ma burung ai hu nagori na legan. Janah mulak ma use hu Israel anggo domma roh musim semi. (Doding 2:11, 12; Jer. 8:7) Halani ai, bani musim dingin gabe sunsah ma halak Israel mandapot anduhur bahen galangan.
Burung asas
Tapi legan do anggo asas. Sai totap do dong asas janah lang marpindah-pindah. (Bandingkon Johannes 2:14, 16.) Songon na ihatahon buku Bible Plants and Animals, (Suan-suanan ampa Binatang na dong i Bibel) “Bahat do asas i kota-kota, sonai homa i huta-huta na dong i Palestina. Anjaha somalni, bani tiap rumah adong do lubang bani dingding bahen sangkar ni asas.”—Bandingkon Jesaya 60:8.
Burung asas i lubang dingding ni rumah
Jadi humbani dua masam burung ai, na ija pe na boi igalangkon halak Israel ijalo Jahowa do ai. Hunjai tangkas ma taridah Naibata parholong do Jahowa ai.
