BANI ari Rabu sogod ni ari, tanggal 24 Januari 2018 itangar kaluarga Betel i Amerika Serikat pakon i Kanada ma sada tingting. Malas do uhur ni sidea sanggah ipatugah anggo hasomanta si Kenneth Cook, Jr., domma ilantik gabe anggota Pangurus Pusat ni Saksi-Saksi Jahowa.

Hasomanta si Cook on, tubuh janah magodang i Pennsylvania, AS. Sanggah laho tamat SMA do ia mananda hasintongan humbani hasoman sakalasni. Bani tanggal 7 Juni 1980 ididi ma ia. Gabe perintis biasa ma ia mulai 1 September 1982. Dobkonsi dua tahun merintis, iontang ma ia hu Betel. Jadi bani tanggal 12 Oktober 1984 mangidangi ma ia i Betel Wallkill, New York.

Sadokah 25 tahun mangidangi Betel, bahat do tugas na dob ihorjahon si Cook. Umpamani marhorja i bagian Parsetakan ampa Kantor Betel. Bani tahun 1996, marhajabuan ma ia pakon si Jamie. Dobkonsi ai dihut ma istrini ai pakonsi mangidangi i Betel Wallkill. Bani bulan Desember 2009, itugaskon ma sidea hu Pusat Pendidikan Menara Pengawal i Patterson, New York. Ijai itugaskon ma ia i Departemen Korespondensi. Dobkonsi ai itugaskon ma use sidea hu Wallkill. Tapi tongkin dassa sidea ijai. Bani bulan April 2016, itugaskon ma sidea hu Brooklyn, New York. Dobkonsi lima bulan ijai, ipapindah ma sidea hu kantor pusat i Warwick, New York. Anjaha bani bulan Januari 2017 ilantik ma si Cook gabe asisten Pangurus Pusat i bagian Panitia Penulisan.