ARTIKEL PARLAJARAN 21
Ulang Ra Ioto-otoi “Hapentaron ni Dunia On”
“Ai hapentaron ni dunia on, haotoon do in i lobei ni Naibata.”—1 KOR. 3:19.
DODING 98 Bibel—Sinahapkon ni Naibata
NA LAHO IULAS *
1. Aha do gunani Hata ni Naibata hubanta?
HALANI iurupi Jahowa, boi do hita totap martahan lang soal aha pe parsoalanta. Ia do Guru na Sibanggalan. (Jes. 30:20, 21) Hata-Ni boi mangurupi hita ase gabe “gokan dear” janah “mangasup bani sagala horja na madear”. (2 Tim. 3:17) Anggo idalankon hita podah ni Bibel, gabe pentaran ma hita marimbangkon halak na mangihutkon “hapentaron ni dunia on”.—1 Kor. 3:19; Ps. 119:97-100.
2. Bani artikel on, aha ma na laho iulas hita?
2 Songon na ididah hita, bahat do halak i dunia on na mamingkirhon hisap-hisap ni dagingni. Halani ai, ra do gabe tarihut-ihut hita songon sidea. Jadi topat ma na ihatahon Bibel, “Jaga ma nasiam, ase ulang adong halak na mangagou nasiam marhitei hapentaron dunia ampa sipaoto-oto na lumei, na maronjolan bani tonah-tonah ni jolma.” (Kol. 2:8) Bani artikel on, ulas hita ma sonaha do mungkahni halak porsaya bani ladung na ihatahon Sibolis. Sanggah mangulas ai, taridah ma haotoon do hapentaran ni dunia on. Gabe ibotoh hita ma mase dearan do Hata ni Naibata marimbangkon ai.
PANDAPOT NI DUNIA ON PASAL SEKS
3-4. Humbani tahun 1900 ronsi 1930, parubahan aha do na tarjadi i Amerika Serikat?
3 Humbani tahun 1900 ronsi 1930, domma mubah pandapot ni halak i Amerika Serikat pasal seks. Anggo hinan, ibotoh sidea pitah halak na marhajabuan do na boi berhubungan seks. Anjaha pantang do iulas pasal ai i lobei ni halak na mabuei. Tapi sonari lang be iihutkon sidea aturan ai.
4 Humbani tahun 1920 ronsi 1929 tarjadi ma parubahan na banggal. Dobkonsi Perang Dunia I, mubah do 2 Tim. 3:4.
pangahap ni buei halak pasal seks. Sahalak peneliti mangkatahon, “Bahat do film, doding, novel, pakon iklan, na marisi pasal seks.” Joget-joget ijia pe mambahen halak lalab mamingkirhon pasal seks janah parpakeianni pe lang suman. Tongon do na ihatahon Bibel pasal panorang parpudi. Bahat do halak na “holongan bani hisap ni daging”.—Juakjuak ni Jahowa lang ra mangihutkon parlahou ni dunia on (Tonggor ma paragrap 5) *
5. Sonaha do parlahou ni jolma humbani tahun 1960-an?
5 Bani tahun 1960-an, lambin bahat do halak na marjabu uhur-uhur, homoseksual, ampa na marsirang. Bahat do homa hiburan na torang-torang patuduhkon pasal seks. Aha ma akibatni? Sahalak panurat mangkatahon sambor do ujungni ganupan ai. Umpamani, bahat do kaluarga na lang martuah janah urah-urah mando halak marsirang. Bahat do homa halak na mandolei. Dong na hatagihan mangidah pornografi. Anjaha bahat do na hona AIDS halani mangkorjahon na sambor. Ganupan on patuduhkon haotoon do hapentaran ni dunia on.—2 Ptr. 2:19.
6. Aha do na iharosuhkon Sibolis humbani dunia on?
6 Aha na ihorjahon dunia on sosok do pakon harosuh ni Sibolis. Sasintongni sibere-bere ni Naibata do seks ai hubani halak na dob marjabu, ase sidea boi marniombah. (Ep. 2:2) Tapi marosuh do Sibolis ase lang ihargai halak sibere-bere ai. Anggo dong na mangkorjahon na butak, on patuduhkon anggo sidea lang mangkargai sibere-bere ai anjaha lang talup mandapot hagoluhan sisadokah ni dokahni.—1 Kor. 6:9, 10.
NA IHATAHON BIBEL PASAL SEKS
7-8. Mase daoh do dearan ajaran ni Bibel pasal seks marimbangkon ajaran ni dunia on?
7 Bahat do halak na mangejek aturan ni Bibel. Pangahap ni sidea lang masuk akal ai. Dong na mangkatahon, ‘Mase ma ibere Naibata harosuh laho berhubungan seks hubani manisia, hape lang boi ihorjahon sidea ai?’ Ihatahon sidea sonai halani pandapot ni sidea anggo jolma boi do mangkorjahon ganup harosuhni. Tapi lang sonai na iajarhon Bibel. Bani Bibel ihatahon maningon iorom hita do hisap-hisap ni dagingta. (Kol. 3:5) Leganni ai, sibere-bere ni Naibata do parhajabuan. Jadi lang salah anggo na dob marhajabuan berhubungan seks, halani ai do aturan na itotapkon Naibata. (1 Kor. 7:8, 9) Na manlinggomi suami-istri do aturan ai janah parohkon malas ni uhur. Gabe lang dong panosalan ni sidea songon na iahapkon halak na mangkorjahon seks na so patut.
8 Jadi, legan do na iajarhon dunia on pakon na iajarhon Bibel pasal seks. Tongon, seks ai boi do parohkon malas ni uhur. (Pod. 5:18, 19) Tapi ihatahon Bibel do homa, “Ase ganup ma nasiam mambotoh marbinuat ibagas hapansingon ampa hahormaton, ulang ma mangihutkon hisap-hisap na garang, songon sipajuh begu-begu, na so mananda Naibata.”—1 Tes. 4:4, 5.
9. (a) Humbani tahun 1900 ronsi 1930, sonaha juakjuak ni Jahowa iurupi mangihutkon Hata-Ni? (b) Sipasingat aha ma na isurat bani 1 Johannes 2:15, 16? (c) Humbani Rom 1:24-27, horja na butak aha do na maningon ipadaoh hita?
9 Humbani tahun 1900 ronsi 1930, lang be iihutkon juakjuak ni Naibata parlahou ni dunia on na ‘lang mambotoh maila’. (Ep. 4:19) Tapi marusaha do sidea mangihutkon aturan ni Jahowa. Bani Menara Pengawal 15 Mei 1926 ihatahon anggo “dalahi maningon borsih do pambahenan ampa pingkiranni hubani naboru. Sonai homa naboru hubani dalahi”. Marusaha do juakjuak ni Jahowa mangihutkon aturan ni Bibel, lang soal aha pe na masa. (Basa 1 Johannes 2:15, 16.) Malas do uhurta halani Hata ni Naibata boi mangurupi hita. Martarima kasih do homa hita halani domma ipasirsir Jahowa publikasi na boi mangurupi hita, ase ulang mangihutkon hapentaran ni dunia on. *—Basa Rom 1:24-27.
DUNIA ON MANGOJUR HALAK ASE MAMONTINGKON DIRI
10-11. Aha do na ihatahon Bibel pasal panorang parpudi?
10 Bibel mangkatahon bani panorang parpudi bahat do halak na “mangkaholongi dirini”. (2 Tim. 3:1, 2) Anjaha tongon do ai. Dunia on mangojur halak ase mamingkirhon dirini sandiri. Sada ensiklopedia mangkatahon bani tahun 1970-an manrarat ma buku-buku na mangojur halak ase sukses. Domu bani ensiklopedia ai, piga-piga buku mangkatahon anggo halak lang porlu mambahen hamubahon. Umpamani, bani buku sisonai dong ihatahon, “Haholongi ma dirimu halani ham do sijengesan anjaha na sidearan.” Bani buku ai pe ihatahon anggo “sasada halak boi manontuhon ija na sintong bani dirini sandiri ampa mangkorjahon aha pe na iharosuhkonsi”.
11 Sasintongni domma dokah dong ojuran sisonai. Hinan, sonai do homa na iojur Sibolis hubani si Hawa. Ihatahon do anggo si Hawa boi ‘doskon Naibata, mambotoh na madear pakon na masambor’. (1 Mus. 3:5) Sonari pe, bahat do halak na mangahap ia do na sipandeinan. Pandapotni, lang adong na boi manontuhon pasal na dear atap na sambor bani dirini, tarmasuk ma ai Naibata. Anjaha taridah do pingkiran sisonai ibagas parhajabuan ni halak sonari on.
Ipingkirhon halak Kristen do haporluan ni halak na legan, tarlobih ma pasanganni (Tonggor ma paragrap 12) *
12. Sonaha do pandapot ni dunia on pasal parhajabuan?
12 Umpamani, dunia on mangkatahon halak na marhajabuan maningon mamingkirhon na porlu bani dirini sandiri marimbangkon haporluan ni pasanganni. Sada buku na mangulas pasal parsirangan mangkatahon, “Bani piga-piga 1 Mus. 2:24.
nagori, dong do na mangubah padan parhajabuan ai. Somalni ihatahon maningon ‘marsada do sidea sadokah sidea manggoluh’. Tapi igantih sidea ma ai gabe ‘marsada do sidea sadokah sidea marsihaholongan’”. Ai ma na mambahen gabe urah-urah halak marsirang, janah lang be martuah kaluargani. Hunjon taridah ma haotoon do hapentaran ni dunia on. Tapi bani Bibel, iparentahkon do ase na marhajabuan hormat bani pasanganni. Maningon idalankon sidea do homa padan partongah jabuanni. Maningon marsada do sidea songon na ihatahon bani ayat on, “Tadingkonon ni dalahi do bapa pakon inangni laho mangkasomani parinangonni, gabe sada daging ma sidea.”—13. Mase magigi Jahowa mangidah halak na margijang ni uhur?
13 Bibel mangkatahon, “Hagigi ni Jahowa do halak sigijang uhur.” (Pod. 16:5) Mase magigi Jahowa mangidah halak na margijang ni uhur? Halani dos songon Sibolis do parlahou ni halak na gijang uhur ai. Bayangkon ma, marosuh Sibolis ase Jesus marsombah hu bani. Hape marhitei Jesus do Jahowa manompa sagala na adong. (Mat. 4:8, 9; Kol. 1:15, 16) Anggo adong halak na margijang ni uhur, haotoon do ai i lobei ni Naibata.
BIBEL MANGOJUR HITA ASE ULANG MAMONTINGKON DIRI
14. Domu bani Rom 12:3, sonaha ma namin pangahapta bani dirinta sandiri?
14 Bibel mangurupi hita ase mangarusi sonaha do namin pangahapta bani dirinta sandiri. Sasintongni, lang salah anggo ihaholongi hita dirinta. Jesus pe mangkatahon, “Haholongi ma hasomanmu songon dirimu.” (Mat. 19:19) On patuduhkon maningon ipardiateihon hita do haporluanta. Hassi pe sonai ihatahon Bibel do homa ase ulang iahap hita gijangan do dirinta marimbangkon na legan. Tapi iojur do hita, “Ibagas toruh ni uhur hira nasiam ma hasoman nasiam lobihan humbani nasiam sandiri!”—Pil. 2:3; basa Rom 12:3.
15. Mase ham porsaya sintong do podah ni Bibel na mangkatahon ase hita ulang mamontingkon diri?
15 Sonari on, bahat do halak tarmasuk ilmuwan mangkatahon anggo podah ni Bibel ai lang masuk akal. Sidea mangkatahon anggo ibahen hita gijangan halak na legan humbani dirinta, gabe lalab ma ioto-otoi halak hita. Tapi, sonaha do hasilni halani sidea mamontingkon diri? Sonaha do na ididah nasiam? Ai martuah do sidea? Martuah do kaluargani? Ai dong do hasomanni na tongon-tongon mangkaholongi sidea? Ai orot do parhasomanan ni sidea pakon Naibata? Ija do dearan hasilni na ididah nasiam, mangihutkon dunia on do, atap mangihutkon Hata ni Naibata?
16-17. Aha do na mambahen malas uhurta, janah mase?
16 Halak na mangihutkon dunia on usih songon turis na kahou na manungkun hubani hasomanni, hape hasomanni ai pe lang mambotoh dalan. Pasal halak na “pentar” i lobei ni dunia on, ihatahon Jesus do, ‘Pambobai na mapitung do sidea. Anggo na mapitung manogu na mapitung, tarrobung ma sidea haduasi.’ (Mat. 15:14) Tangkas ma haotoon do hapentaran ni dunia on i lobei ni Naibata.
Kaluarga na martuah halani mangihutkon Hata ni Naibata (Tonggor ma paragrap 17) *
17 Domma tarbukti anggo podah ni Bibel tongon-tongon do “marguna mamodahi, maminsang, pauli-ulihon ampa manogu-nogu hu hapintoron”. (2 Tim. 3:16) Tontu martarima kasih do hita halani domma ibere Naibata tugah-tugah marhitei organisasi-Ni, na boi manlinggomi hita humbani hapentaran ni dunia on. (Ep. 4:14) Ipasirsir do homa bahat publikasi na mangurupi hita ase boi mangihutkon aturan ni Bibel. Malas tumang uhur halani ibere Jahowa hubanta podah na sidearan humbani Bibel!
DODING 54 “On ma Dalan”
^ par. 5 Bani artikel on, iurupi do hita ase porsaya pitah Jahowa do na boi mambere podah na sidearan. Janah ibotoh hita ma sambor do ujungni hapentaran ni dunia on. Tapi marguna do anggo ra hita mandalankon Hata ni Naibata.
^ par. 9 Umpamani, tonggor ma buku Pertanyaan Kaum Muda—Jawaban yang Praktis, Jilid 1, psl. 24-26, pakon Jilid 2, psl. 4-5.
^ par. 50 HATORANGAN GAMBAR: Pangalaman ni suami-istri Saksi Jahowa. Tahun 1960-an sanggah sidea marbarita.
^ par. 52 HATORANGAN GAMBAR: Tahun 1980-an, sanggah istrini boritan, dear do suamini mangurus ia janah ipardiateihon boruni do ai.
^ par. 54 HATORANGAN GAMBAR: Dob matua sidea, itonggor-tonggor sidea ma foto-foto sanggah sidea mangidangi. Dihut do homa boruni, helani, ampa pahompuni. Malas do uhur ni sidea ganupan.