Ai domma ibasa nasiam majallah Ambilan na Madear bani tahun on? Anggo sonai, balosi ma sungkun-sungkun i toruh on:

Sonaha ma namin pambahenanta bani halak na iminaki?

Tontu ihargai hita do haporsayaon ni sidea. Tapi, ulang ma palobihtu hita mamuji sidea. (Jud. 16) Ulang homa isungkuni hita pasal pangarapan ni sidea.​—w20.01, alm. 29.

Mase porsaya ham ipardiateihon Jahowa do ham?

Bibel mangkatahon paima tubuh pe, domma ipardiateihon Ia ham. Anjaha itangar Ia do tonggomu. Ibotoh Ia do homa sonaha pangahap ampa sura-sura ni uhurmu. Ipardiateihon Ia do parlahoumu. (1 Kron. 28:9; Pod. 27:11) Ia do na manogu ham hu Bani.​—w20.02, alm. 12.

Attigan do hita porlu marsahap janah attigan do porlu sip?

Malas uhurta sanggah mambaritahon pasal Jahowa. Sanggah dong hasoman na mulai manlembang, pasingat ma ia. Sintua pe porlu do mambere podah na sosok. Tapi lang ra hita manungkun atap pe patugahkon pasal horja parambilanonta i nagori na manlarang ai. Anjaha lang ra hita patugahkon pasal rusia i kuria.​—w20.03, alm. 20-21.

Aha ma bedani balang na ipatugah bani Joel bindu 2 pakon na ipatugah bani Pangungkabon bindu 9?

Bani Joel 2:20–3:2 ipatugah ipadaoh atap iusir Naibata do holi ganup balang ai. Marjanji do Jahowa igantih Ia do ganup harugian na ibahen balang ai. Dobkonsi ai, iuseihon Jahowa ma tonduy-Ni. Saud do ai sanggah roh halak Babel mamorangi Israel. Balang na ipatugah bani Pangungkabon 9:1-11 manggambarhon halak na iminaki na pag mambaritahon panguhuman ni Naibata. Gabe sunsah ma pangahap ni halak na mangihutkon dunia on.​—w20.04, alm. 3-6.

Ise do raja utara sonari on?

Rusia pakon sekutuni. Masogam do sidea bani juakjuak ni Naibata janah ilarang sidea do horja parambilanonta. Dob ai, torus do marsilawanan raja utara pakon raja selatan.​—w20.05, alm. 13.

Ai pitah sifat-sifat na ipatugah bani Galatia 5:22 dassa “buah ni tonduy”?

Lang. Iurupi tonduy na pansing do homa hita ase patuduhkon sifat-sifat na legan, songon hapintoron. (Ep. 5:8, 9)—w20.06, alm. 17.

Aha ma bahayani anggo gati hita mamosting poto-potonta?

Humbani postinganta, ra do iagan halak anggo hita halak na pajuntul-juntulhon diri, sedo halak na toruh maruhur.​—w20.07, alm. 6-7.

Aha ma na boi iparlajari hita humbani sijala dengke?

Ibotoh sidea do ija bahat dengke janah sadihari panorang na sosok laho manjala. Pandei do sidea manggunahon ugas-ugasni. Barani do sidea hassi pe dong haba-haba. Tiru hita ma sidea sanggah marbarita.​—w20.09, alm. 5.

Sonaha hita boi mangurupi parlajar Bibel ase lambin mangkaholongi Jahowa?

Ojur hita ma sidea ase mambasa Bibel bani ganup ari janah manrimangi isini. Anjaha ajari ma homa sidea martonggo.​—w20.11, alm. 4.

Ise do na tarmasuk ‘haganup na laho ipagoluh ibagas Kristus’?​—1 Kor. 15:22.

Ijon sedo maksudni si Paulus ganup halak na matei ipapuho. Tapi na imaksud ia ai ma halak Kristen na iminaki “na dob pinapansing ibagas Kristus Jesus”. (1 Kor. 1:2; 15:18)​—w20.12, alm. 5-6.

Aha do na laho ihorjahon halak na ipapuho hu surga?​—1 Kor. 15:51-53.

Rap do sidea pakon Jesus laho mamparmahani biribiri na legan marhitei tungkot bosi. (Pangk. 2:26, 27)—w20.12, alm. 12-13.