Suami istri dob marjanji totap setia sadokah goluhni. Anggo ibahen sidea sonai, gabe toguh ma parhajabuan ni sidea anjaha pos ma uhurni hubani pasanganni. Marusaha do sidea totap marsada age pe adong parsoalan.

Dong do suami istri na lang marsirang ase ulang pusok uhur ni kaluarga pakon hasomanni. Tapi dearan do sidea totap marsada halani marsihaholongan janah mangkargai parhajabuanni.

BIBEL MANGKATAHON: ‘Seng bulih sirangkononni paramangon parinangonni.’​—1 Korint 7:11.

“Anggo marjanji hita totap setia bani pasanganta, tontu lang urah borit uhurta sanggah ia mambahen hasalahan. Mintor podas do isalpuhon hita hasalahanni ai. Maningon ra do homa hita minta maaf hu bani. Anggo adong masalah, anggap ma ai tantangan sedo alasan laho marsirang.”​—Si Micah.

Halani sanggah dong parsoalan lang urah-urah suami istri mangkatahon lang sosok be hanami. Janah lang marusaha sidea mambahen sidalian laho marsirang.

“Sanggah laho marhajabuan, bahat do halak marpingkir anggo lang martuah kaluargani boi do holi sidea marsirang. On patuduhkon lang iriahkon sidea humbani mungkahni sonaha ase toguh parhajabuanni.”​—Si Jean.

PINGKIRHON MA ON

Sanggah dong parsoalan . . .

• Manosal do ham halani domma marhajabuan pakon pasanganmu ai?

• Gabe ibayangkon ham do dalahi atap naboru na legan?

• Gabe ihatahon ham do sonon “Hutadingkon ma ho” atap “Rahanan ma hutorihi halak na legan”?

Anggo adong sonai pingkiranmu, on artini maningon podas ma ham patoguhkon parhajabuanmu.

RIAHKON MA PAKON PASANGANMU

• Ai domma lupa hita bani padan parhajabuanta? Aha do na mambahen sonai?

• Aha ma na boi ibahen hita laho patoguhkon parhajabuanta?

COBA NASIAM MA ON

• Bahen ma surat na patugahkon anggo ham mangkaholongi pasanganmu

• Patuduh ma foto nasiam nadua i ianan na urah ididah halak

• Tiap ari ma telepon pasanganmu, sanggah marhorja ham, atap sanggah lang rup nasiam

BIBEL MANGKATAHON: “Na dob pinadomu ni Naibata, seng bulih sirangon ni jolma.”​—Mateus 19:6.