Anggo kerja sama suami istri, dos do sidea songon pilot pakon kopilot na kompak. Age pe adong masalah, ipingkiri suami istri do aha na porlu bani sidea na dua sedo bani dirini sandiri.

BIBEL MANGKATAHON: “Seng be dua sidea ai, tapi sada daging do.”​—Mateus 19:6.

“Lang boi suami atap istri dassa mambahen martuah parhajabuan. Tapi maningon kerja sama do sidea na dua.”​—Si Christopher.

Anggo lang sapanriahan suami istri, ra do gabe pasanganni na isalahkon sanggah dong parsoalan, sedo masalah ai na isaloseihon. Ujungni, masalah na otik pe ra do gabe banggal.

“Ponting tumang do kerja sama ase martuah parhajabuan. Anggo lang kompak ahu pakon suamiku, boi ihatahon sarumah tumang dassa hanami sedo suami istri. Jadi age pe hanami sarumah, tapi lang sapanriahan hanami sanggah laho mambahen haputusan na ponting.”​—Si Alexandra.

PINGKIRHON MA ON

• Ai huanggap do gajiku gabe “duitku sandiri”?

• Ai maningon lang i rumah do pasanganku ase boi tenang huahap?

• Ai na so ra do ahu kompak hubani hade-hade ni pasanganku, hape kompak do ia hubani hade-hadeni?

RIAHKON MA PAKON PASANGANMU

• Sanggah mangkorjahon aha do hita sapanriahan?

• Aha ope na porlu ipadear hita?

• Aha do na boi ibahen hita ase lambin dear hita kerja sama?

COBA NASIAM MA ON

• Anggo lang kompak ham pakon pasanganmu, dos do ai pakon pemain bulu tangkis na sihol manaluhon lawanni. Anggo sonai, aha ma na boi ibahen ham ase boi nasiam na dua gabe sada tim?

• Ulang ma marpingkir, ‘Sonaha ase boi ahu monang?’ tapi pingkirhon ma, ‘Sonaha ase hanami na dua boi monang?’

“Lang ponting mambotoh ise na sintong atap ise na salah. Na sipontingan hita pakon pasanganta boi totap damei janah kompak.”​—Si Ethan.

BIBEL MANGKATAHON: “Ulang ma na porlu bani nasiam paruhurhon nasiam, tapi dihut ma na bani hasoman!”​—Pilippi 2:3, 4.