Pangarapan Sanggah ibagas Hasunsahan

“Na roh ma hasunsahan bani panorang parpudi.”​—2 TIMOTEUS 3:1.

ONGGA do nasiam manangar atap mangidah na masa songon on?

● Bahat halak na matei halani panahit.

● Bahat halak matei halani hurang sipanganon.

● Bahat do halak na matei halani gempa bumi anjaha bahat homa na magou rumahni sidea.

Bani artikel on, iulas hita ma piga-piga hasunsahan na masa sonari on. Anjaha aha na masa sonari on sosok pakon aha na dob ihatahon Bibel pasal “panorang parpudi”.

Ra do domma ididah nasiam bahat situasi na mambahen hita sunsah sonari on. Jadi tujuan artikel on laho mambere nasiam pangarapan. Holi iulas hita do onom panjahaion ibagas Bibel pasal “panorang parpudi”. Parsaud ni panjahaion ai patuduhkon anggo panorang parpudi laho salpu anjaha roh ma hagoluhan na madear. Leganni ai, piga-piga alasan na mambahen halak lang porsaya tapi aha do buktini na mambahen hita boi porsaya.