Panjahaion 4. Lang Adong be Holong

“Bahat halak . . . lang be mangkaholongi kaluargani.”​—2 TIMOTEUS 3:1-3, God’s Word Bible.

● Si Chris horja i Lembaga bantuan korban kekerasan dalam rumah tangga (KDRT) i Wales Utara. Ia mangkatahon, “Dong sada naboru na roh manjumpahi ahu, lang hutanda be ia halani domma butong bohini ibogbogi. Dong homa naboru na legan, halani korban KDRT lang maharga dirini pangahapni, gabe lang barani ia mangidah bohini halak.”

AHA NA MASA? I sada nagori i Afrika, hira-hira humbani tolu naboru dong sada na ongga mengalami pelecehan seksual sanggah dakdanak ope. Bani sada survei i nagori na sarupa patuduhkon lobih humbani sapartolu dalahi ijai mangahap lang mahua anggo ibogbogi sidea istrini. Tapi lang pitah naboru na mengalami KDRT, adong do homa dalahi. Umpamani i Kanada, humbani sapuluh dalahi dong tolu na ongga ibogbogi pasanganni.

AHA NA IHATAHON BUEI HALAK? Humbani na hinan domma dong KDRT ai. Tapi bahatan do na mampardiateihon ai sonari on.

TONGON DO NA IHATAHON SIDEA AI? Memang sonari lambin bahat do halak na parduli bani korban KDRT. Age pe sonai lambin tambah do kasus KDRT. On patuduhkon sonari on bahat do halak na lang be mangkaholongi kaluargani.

SONAHA PANDAPOTMU? Ai ididah ham do anggo sonari on bahat halak na lang mangkaholongi kaluargani? Ai domma saud panjahaion na isurat bani 2 Timoteus 3:1-3?

Panjahaion na palimahon markaitan pakon tanoh on. Pardiateihon ma aha na ihatahon Bibel pasal ai.

[Kutipan]

“Humbani na hinan, otik do halak na barani melapor kasus KDRT. Hira-hira 35 hali ianiaya, baru pe sada naboru barani melapor hu polisi.”​—JURU BICARA SALURAN BANTUAN KORBAN KDRT DI WALES.