DODING 117
Paruhuran na Bujur
-
1. Dear layak-Mu Jahowa,
Pamalas uhurnami.
Pintor do ganup dalan-Mu
Anjaha totap bujur.
Banggal idop ni uhur-Mu
Bannami na mardousa.
Humbai gok ni uhurnami,
Rosuh do mamuji Ham.
-
2. Rosuh hanami patuduh
Habujuran-Mu Bapa;
Baritahon Harajaon
Hubani ganup halak.
Dear do pangajaran-Mu,
Mamboan haluahon.
Hanami pindo tonduy-Mu,
Ibagas horjanami.
-
3. Urupi Ham ma hanami,
Mambahen na madear
Hubani sanina-botou
Ampa halak na legan.
Anggo bujur marparlahou,
Sai ipasu-pasu Ham.
Andohar tongtong hanami
Tiru habujuran-Mu.
(Tonggor homa Ps. 103:10; Mrk. 10:18; Gal. 5:22; Ep. 5:9.)