Nandai Buku-Buku Pustaka
Video-video e njelasken kerna latar belakang ras inti tiap buku si lit bas Pustaka. Tontonlah video-video e gelah reh riahna akapndu sanga erlajar Pustaka.
Nandai Isi Pustaka si Badia
Perdiateken uga tiap buku ndukung tema utama Pustaka eme gelah gelar Jahwe ipebadia. E terjadi arah Kerajan Dibata si iperentah Jesus Kristus.
Nandai Buku Kejadin
Arah buku Kejadin banci siteh uga tangtangna lit manusia janah uga tangtangna lit kiniseran ras kematen.
Nandai Buku Keluaren
Bebasken Dibata kalak Israel arah perbudaken i Mesir janah banNa kalak e jadi sada bangsa guna ngelayani Ia.
Nandai Buku Imamat
Bas buku Imamat ijelasken maka Dibata e badia janah engkai maka penting kel gelah kita pe badia.
Nandai Buku Bilangen
Seh kel pentingna patuh man Jahwe janah siergai kalak si ilantikNa guna minpin kita.
Nandai Buku Ulangen
Daramilah sipat-sipat Jahwe si banci sipelajari arah Undang-Undang si iberekenNa man kalak Israel mbarenda.
Nandai Buku Josua
Mari sinen uga bangsa Israel naluken ras mbagi-mbagiken negri si ijanjiken Dibata man kalak e.
Nandai Buku Hakim-Hakim
Buku e igelari Hakim-Hakim sesuai ras perbahanen dilaki-dilaki si perpang ras erkiniteken. Kalak e igunaken Dibata mbebasken kalak Israel arah musuh-musuhna.
Nandai Buku Rut
Buku Rut nceritaken kerna kekelengen sekalak janda si nguda denga man bibi simetuana si enggo ka mbalu janah uga Jahwe masu-masu kalak e duana.
Nandai Buku 1 Samuel
Nenlah uga sejarah kalak Israel berubah arah jaman hakim-hakim ku jaman raja-raja.
Nandai Buku 2 Samuel
Perdiateken uga sipat Daud si meteruk ukur ras erkiniteken erban ia ikelengi kalak ras jadi tokoh Pustaka si terkenal.
Nandai Buku 1 Raja-Raja
Perdiatekenlah uga keadan kalak Israel si dame ras makmur bas pemerentahen Raja Salomo seh ngasa situasina berubah sanga kerajan e terbagi jadi dua, Israel ras Juda.
Nandai Buku 2 Raja-Raja
Perdiatekenlah uga kalak si murtad reh buena bas kerajan Israel bagin utara, janah perdiateken ka uga Jahwe masu-masu kalak si setia nembah Ia.
Nandai Buku 1 Kronika
Arah buku e banci siteh ise saja si termasuk bas garis keturunen Raja Daud. Banci ka siteh uga kegeluhen Daud mulai ia jadi raja Israel seh ngasa kematenna.
Nandai Buku 2 Kronika
Arah raja-raja Juda banci siteh maka penting kel setia man Dibata.
Nandai Buku Esra
Jahwe nepati janjiNa guna mbebasken umatNa arah pembuangen i Babilon bage pe guna mpekena ibadah situhu-tuhu i Jerusalem.
Nandai Buku Nehemia
Buku Nehemia mereken pelajaren si penting man umat Dibata gundari.
Nandai Buku Ester
Alu mbaca buku Ester, reh tekna me kita ngasup Jahwe nampati umatNa gundari.
Nandai Buku Jop
Kerina kalak si ngkelengi Jahwe pasti icubai. Pengalamen Jop mpetetap ukurta maka banci sipertahanken kesetiannta ras mbenarken hak Jahwe guna merentah.
Nandai Buku Masmur
Buku Masmur ndukung kedolaten Jahwe, nampati ras ngapuli kalak si ngkelengi Ia, janah ncidahken uga KinirajanNa pagi ngubah doni enda.
Nandai Buku Kuan-kuanen
Buku Kuan-kuanen negu-negu kita bas kerina bagin kegeluhenta, mulai arah masalah bisnis seh ku masalah keluarga.
Nandai Buku Pengerana
Raja Salomo ncidahken si apai situhu-tuhu penting bas geluh enda ras si apai si sia-sia.
Nandai Buku Enden-enden Salomo
Ate ngena beru Sulam si la erkeri-kerin man permakan ipeseri bagi “gara api Jahwe.” Engkai?
Nandai Buku Jesaya
Buku Jesaya risiken nubuaten si banci mpegegehi kinitekenndu man Jahwe si rusur nepati janji ras jadi Dibata si nelamatken kita.
Nandai Buku Jeremia
Jeremia terus setia ngelakoken pendahinna selaku nabi aminna pe lit tentangen. Ukuri uga kalak Kristen banci ngusih Jeremia.
Nandai Buku Perngandungen
Itulis nabi Jeremia, buku Perngandungen risiken ceda ate kenca pengkernepen Jerusalem ras uga kalak si robah ndatken perkuah ate.
Nandai Buku Esekiel
Esekiel kalak si meteruk rukur ras perpang bas ndalanken tugas si ibereken Dibata man bana, la soal uga pe tentangenna. Ia usihen si mejile man kita gundari.
Nandai Buku Daniel
Daniel ras teman-temanna tetap setia man Jahwe amin pe ngadapi tentangen. Usihen si ibereken kalak e erguna man banta si nggeluh bas wari-wari pendungi.
Nandai Buku Hosea
Nubuat Hosea risiken pelajaren penting man banta gundari kerna perkuah ate Jahwe man kalak si nggit robah bage pe kerna cara si benar i bas nembah Ia.
Nandai Buku Joel
Inubuatken Nabi Joel maka wari Jahwe nandangi reh janah turikenna uga carana gelah kita selamat. Nubuat e reh pentingna gundari.
Nandai Buku Amos
Ipake Jahwe kalak si meteruk rukur guna ngelakoken dahin si penting. Kai si banci sipelajari arah Amos?
Nandai Buku Obaja
Enda me buku si gendekna bas Kitap-Kitap Heber. Buku enda nuriken kerna arapen ras janji maka kekuasan Jahwe tahan pagi rasa lalap.
Nandai Buku Juna
Nabi Juna ngaloken persinget, dungina tugasna, janah datna pelajaren kerna kekelengen ras perkuah ate Dibata. Pengalamenna banci kena ku pusuhndu.
Nandai Buku Miha
Nubuat Jahwe banci mpegegehi kinitekenta maka kerina si ipindo Jahwe masuk akal ras erguna man banta.
Nandai Buku Nahum
Nubuat erban kita tek maka pasti tepati Jahwe kerina janjiNa janah pegegehiNa kerina kalak si ndarami kedamen ras keselamaten arah KerajanNa.
Nandai Buku Habakuk
Banci kita tek maka lalap nge iteh Jahwe waktu ras cara si tepatna guna nelamatken umatNa.
Nandai Buku Sepanya
Engkai maka arus sipedauh perukuren maka wari pengukumen Jahwe labo reh?
Nandai Buku Hagai
Nubuat si ncidahken uga pentingna mpelebe ibadat man Dibata asangken kepentingen dirinta.
Nandai Buku Sakaria
Piga-piga pengenehenen arah Dibata ras nubuat-nubuat si mpegegehi umat Dibata bas jaman si nai. Nubuat-nubuat enda erban kita tek maka isampati Dibata kita seh asa gundari.
Nandai Buku Maleaki
Nubuat si ngutamaken patoken Jahwe si la berubah, perkuah ate, ras kekelengen. Nubuat e pe mereken pelajaren si penting man keadanta gundari.
Nandai Buku Matius
Pelajarilah kebenaren si lit i bas buku enda, buku pertama arah empat Injil.
Nandai Buku Markus
Buku Markus eme Injil si gendekna, si nceritaken kerna pemerentahen Jesus i masa depan selaku Raja i bas Kerajan Dibata.
Nandai Buku Lukas
Kai keterangen si beda arah cataten Rasul Lukas?
Nandai Buku Johanes
Cataten Johanes nuriken kerna kekelengen Jesus man manusia, usihen si iberekenna kerna meteruk ukur, ipetandakenna maka ia Mesias—Raja bas Kerajan Dibata pagi.
Nandai Buku Perbahanen Rasul-Rasul
Erusaha kel kalak Kristen si pertama gelah kalak arah kerina bangsa jadi murid. Buku Perbahanen banci erban kam reh semangatna erberita.
Nandai Buku Roma
Kerna Dibata Jahwe si la erpilihen ras kerna pentingna erkiniteken man Jesus Kristus.
Nandai Buku 1 Korinti
Isi surat Paulus termasuk nasehat si rehna arah Dibata nari, kerna persadan, perbahanen si bersih, kekelengen, ras erkiniteken nandangi kekeken.
Nandai Buku 2 Korinti
Jahwe eme “Dibata sumber kerina Pengapul” si mpegegehi ras si ndukung umatNa.
Nandai Buku Galati
Surat Paulus man runggun Galati erguna denga gundari bagi sanga tangtangna surat e itulis. E banci nampati kalak Kristen gelah tetap setia.
Nandai Buku Epesus
Buku Epesus eme surat si mbahas kerna sura-sura Dibata gelah erdame ras ersada erkelangken Jesus Kristus.
Nandai Buku Pilipi
Adi setia kita amin pe ianiaya, banci sipegegehi kalak si deban gelah tetap paguh.
Nandai Buku Kolose
Banci siban Jahwe senang adi silakoken kai sipelajari, alu bulat ukur ngampuni sada ras si debanna, alu ngakui keduduken bage pe kuasa Jesus.
Nandai Buku 1 Tesalonika
Perlu kita tetap sadar secara rohani, ‘mastiken kerinana,’ ‘terus ertoto,’ janah mpegegehi sada ras si debanna.
Nandai Buku 2 Tesalonika
Ikataken Paulus uga situhuna kerna kerehen wari Jahwe, janah ipegegehina turang senina gelah setia.
Nandai Buku 1 Timotius
Itulis Paulus 1 Timotius guna mereken peraturen bas runggun, mereken persinget kerna ajaren-ajaren palsu bage pe kerna merangap nandangi sen.
Nandai Buku 2 Timotius
Paulus mpegegehi Timotius gelah tutus ngelakoken pelayanenna.
Nandai Buku Titus
Surat Paulus man Titus mbahas kerna masalah bas runggun i Kreta bage pe kerna syarat-syarat gelah banci jadi pertua.
Nandai Buku Pilemon
Amin pe gendek, surat enda ngajarken kita kerna meteruk ukur, melias, janah nggit ngampuni.
Nandai Buku Heber
Dasar ibadah kalak Kristen ndauh hebaten asangken bangunen rumah pertoton ntah pe korban binatang.
Nandai Buku Jakup
Igunaken Jakup perumpaman si jelas guna njelasken ajaren Pustaka si penting.
Nandai Buku 1 Petrus
Surat Petrus si pertama ngiahken kita gelah sigunaken geluhta ngelakoken peraten Dibata janah sibenterken kerina kekuatirenta man Dibata.
Nandai Buku 2 Petrus
Buku 2 Petrus mpegegehi kita gelah setia janahta nimai langit si mbaru ras doni si mbaru.
Nandai Buku 1 Johanes
Surat Johanes mpersingeti kita kerna musuh Kristus janah gelah siteh kai si arus keleng ateta bage pe kai si arus segat ateta.
Nandai Buku 2 Johanes
Surat 2 Johanes ngiahken kita gelah terus erdalan bas kebenaren janah perlu hati-hati gelah ula itipu.
Nandai Buku 3 Johanes
Surat telu Johanes ngajarken pentingna nggit mere ras ngalo-ngalo tamu.
Nandai Buku Judas
Ijelasken Judas uga licikna kalak si erusaha nipu kalak Kristen.
Nandai Buku Ketangkasen
Pengenehenen si luar biasa si lit bas buku Ketangkasen ncidahken uga Kerajan Dibata erban terjadi peraten Dibata nandangi manusia ras doni enda.