Kai si Terjadi Adi Kita Mate?
Jawapen Pustaka
Nina Pustaka, “Kalak si nggeluh denga tehna maka mate nge ia dungna. Tapi kalak mate la tehna kai pe.” (Pengerana 9:5; Masmur 146:4) Emaka adi kita enggo mate, kita lanai lit. Kalak si enggo mate lanai banci rukur, lanai banci lakokenna kai pe, janah lanai banci gejapkenna kai pe.
“Mulihken ka pagi kam ku taneh”
Jelasken Dibata uga keadan kalak mate man manusia si pertama eme Adam. Perban Adam la patuh, kataken Dibata man bana, “Kam arah taneh, mulihken ka pagi kam ku taneh.” (Kejadin 3:19) Sope Adam iciptaken Dibata “arah abu taneh,” Adam la lit. (Kejadin 2:7) Bage ka pe sanga Adam mate, mulihken ia ku taneh janah lanai ia lit.
Bage ka me si terjadi man kalak si enggo mate gundari. Ikataken Pustaka kerna manusia ras binatang, “Kerinana asalna arah abu nari janah mulihken ka pagi ku abu.”—Pengerana 3:19, 20.
Kematen labo kedungen kerinana
Rusur peseri Pustaka kalak mate bagi kalak medem. (Masmur 13:3; Johanes 11:11-14; Perbahanen Rasul-Rasul 7:60) Kalak si ntabeh kel perpedemna la tehna kai si terjadi i sekelilingna. Bage me kalak mate, la tehna kai pe. Tapi, ajarken Pustaka maka ngasup Dibata mpekeke kalak si enggo mate bali bagi ngingeti kalak si medem, janah nggeluh ia mulihi. (Jop 14:13-15) Kematen labo kedungen kerinana man kalak si ipekeke Dibata.
Mungkin Menarik Ka Kapndu
SORA ERMOMO
Kai Nina Pustaka kerna Kegeluhen ras Kematen
Lit nge sada bagin bas kita si tetap nggeluh kenca kita mate? Lit nge bas kita tendi si la banci mate? Ku ja perlawesna kalak mate?
AJAREN PENTING ARAH PUSTAKA
Uga nge Keadan Kalak Mate?
Pustaka erjanji maka bas waktuna pagi nterem kalak ipekeke arah si mate nari, seri bagi si terjadi man Lasarus.
AJAREN PUSTAKA
Cubakenlah Kursus Pustaka ras Kami
Ikutilah kursus Pustaka si Badia gratis ras sekalak guru si ngajarisa.