Halloween eme perayan si biasana irayaken tiap tanggal 31 Oktober. Amin pe labo langsung ilarang Pustaka kita ngerayakenca, tapi asal-usul Halloween ras kerina si lit hubungenna ras perayan e situhuna la sesuai ras ajaren Pustaka.

Si ibahas bas artikel enda:

•  Asal-usul Halloween bage pe erbage-bage kebiasanna

•  Perlu kin siukuri asal-usul Halloween?

•  Engkai maka igelari Halloween?

•   Samhain: Menurut The World Book Encyclopedia, asal-usul Halloween lit hubungenna ras Samhain. Samhain eme “perayan si irayaken kalak Kelt lebih 2.000 tahun si lewat.” Buku e pe ngataken maka “kalak Kelt si nembah dewa-dewi, tek kalak e sanga [perayan Samhain], kalak mate banci jumpa ras kalak si nggeluh denga janah banci kalak e ngerana-ngerana.”​—Nen kotak “ Engkai maka Igelari Halloween?”

•   Baju Halloween, bon-bon, ras trick or treat: Menurut sada buku, piga-piga kalak Kelt make baju si seram. Tujunna gelah kalak e pe “ianggap begu” janah la kalak e iganggu roh-roh jahat. Lit ka si mereken bon-bon man roh-roh si jahat e gelah ula ia iganggu. a

   I bas abad pertengahen, peminpin-peminpin agama Katolik bas Eropa mulai ngikutken kebiasan agama-agama si lit bas daerah e. Salah sada contohna, isuruh kalak e jemaatna lawes ku rumah-rumah kalak make baju si seram guna mindo hadiah.

•   Begu-begu, vampir, manusia srigala, tukang sihir, ras zombi: Kerina enda rusur ihubungken ras roh-roh jahat. Bas buku Halloween Trivia, mahluk-mahluk e igelari “monster-monster gaib si rusur ihubungken ras kematen, kalak mate, bage pe perasan mbiar man kematen.”

•   Jambe Halloween, ntah pe jack-o’-lantern: Bas abad pertengahen bas Inggris, piga-piga kalak “idahina rumah-rumah guna mindo upah eme pangan perban enggo itotoken kalak e kalak si enggo mate.” Biasana baba kalak e “lobak si kibul si enggo ilubangi janah tamana lilin si gara bas lobak e. Enda nggambarken tendi kalak si sangana terkurung i bas api penyucian.” (Halloween—From Pagan Ritual to Party Night) Piga-piga buku sejarah ngataken maka lampu lobak e igunaken guna mpelawes roh-roh jahat. I bas tahun 1800-en i Amerika Utara, lobak si kibul e iganti alu jambe perban lebih nukah ndatkenca janah lebih nukah ka ngelubangisa bage pe mbentuksa.

 Perlu. Lit kalak si erpendapat maka perayan Halloween e guna meriah-riah saja ngenca, labo perayan si berbahaya. Tapi kai si ilakoken bas perayan e la sesuai ras kai si iajarken Pustaka. Emaka, perayan Halloween e ndukung ajaren si salah kerna keadan kalak mate ras roh-roh jahat.

 Uga nge akap Dibata kerna ajaren si bage? Perdiatekenlah piga-piga ayat enda:

•   ‘Ola pelepas bangsandu ertendung, ntah mpergunaken mangmang (sihir) janah ola pediat ia nungkun man begu kalak si enggo mate.’​—Ulangen 18:10-12, Pustaka si Badia ras Ende-enden Edisi ke-4 © LAI 2003.

   Ertina: Segat ate Dibata adi kita ngerana-ngerana ras kalak si enggo mate, ntah pe siban-ban tempa-tempa kita ngerana-ngerana ras ia.

•   “Kalak si enggo mate kai pe lanai itehna.”​—Pengerana 9:5, Pustaka si Badia ras Ende-enden Edisi ke-4 © LAI 2003.

   Ertina: Kalak si enggo mate lanai banci ngerana-ngerana ras kalak si nggeluh, perban kalak mate lanai tehna kai pe.

•   “Ola kam ersada ras [roh-roh jahat] e. La banci kam minem tare calung Tuhan jenari minem ka tare calung [roh-roh jahat].”​—1 Korinti 10:20, 21, Pustaka si Badia ras Ende-enden Edisi ke-4 © LAI 2003.

   Ertina: Kalak si atena nembah Dibata, la banci ilakokenna kai pe si lit hubungenna ras roh-roh jahat.

•   ‘Lawanlah akal Iblis si jahat e. Sabap si man lawanenta, kesah si jahat i bas ingan si meganjang.’​—Epesus 6:11, 12, Pustaka si Badia ras Ende-enden Edisi ke-4 © LAI 2003.

   Ertina: Kalak Kristen arus ngelawan roh-roh jahat, labo erban perayan ntah pe erpesta ras roh-roh jahat e.