Piga nge Gelar Dibata?
Jawapen Pustaka si Badia
Sada ngenca gelar Dibata. Gelar Dibata itulis bas empat hurup Heber eme יהוה (YHWH), janah bas bahasa Karo gelar e iterjemahken jadi “Jahwe.” a Ikataken Dibata arah Nabi Jesaya, “Aku kap Jahwe. E me gelarKu.” (Jesaya 42:8) Gelar e lit kira-kira 7.000 kali itulis bas tulisen-tulisen ntah pe naskah Pustaka si Badia si enggo ndekah. Bas Pustaka si Badia, gelar Dibata nge si melalana itulis asangken penggelarenNa ntah pe gelar si deban. b
Lit nge si deban gelar Jahwe?
Bas Pustaka si Badia ikataken maka sada ngenca gelar Dibata tapi melala penggelarenNa. Enda me piga-piga penggelaren man Jahwe. Bas tiap penggelaren banci siteh uga sipat Jahwe.
Penggelaren |
Ayat |
Erti |
|---|---|---|
Allah |
(La lit) |
Kata “Allah” asalna arah bahasa Arab nari. E labo gelar tapi penggelaren si ertina “Dibata.” Bas Pustaka si Badia si iterjemahken ku bahasa Arab bage pe bahasa si deban, kata “Allah” ipeseri ras kata “Dibata.” |
Si Madakuasa |
Kuasa Dibata la lit batasna. Kata El Shaddai bas bahasa Heber si iterjemahken jadi “Dibata Si Madakuasa,” lit pitu kali itulis bas Pustaka si Badia. |
|
Alpa ras Omega |
“Si pertama ras si terakhir,” ntah pe “si pemena ras si pendungi,” ertina la lit Dibata Si Madakuasa selain Jahwe. (Jesaya 43:10) Alpa ras omega eme hurup pertama ras terakhir bas abjad Junani. |
|
Ia Si Enggo Lit Nai Nari |
Dibata la lit permulanna. Ia enggo lit sanga kai pe lenga lit. Ia lit rasa lalap.—Masmur 90:2. |
|
Si Nciptaken |
Ia si nciptaken kerinana. |
|
Bapak |
Ia si mereken kegeluhen. |
|
Dibata |
Si isembah, Si Madakuasa. Kata Elohim arah bahasa Heber maksudna Jahwe e mulia, terhormat, ras luar biasa. |
|
Dibata arah kerina dibata |
Ia Dibata si meganjangna, labo bagi “dibata-dibata si la erguna” si isembah piga-piga kalak.—Jesaya 2:8. |
|
Guru Si Mulia |
Ngajari kita ras mereken petunjuk si erguna.—Jesaya 48:17, 18. |
|
Pencipta Si Mulia |
Ia si erban kerinana jadi lit.—Ketangkasen 4:11. |
|
Dibata si ermeriah ukur |
Ia lalap ermeriah ukur.—Masmur 104:31. |
|
Si Megiken toto |
Ia sendiri si megiken toto kalak si erkiniteken man baNa. |
|
Aku Banci Jadi Kai Pe AteKu |
Ia banci jadi kai pe si iperluken gelah seh sura-suraNa. Istilah e nampati kita meteh kai erti gelar Jahwe si lit bas ayat berikutna.—Keluaren 3:15. |
|
Ia saja ateNa isembah |
La bereNa lit si isembah selain Ia. |
|
Raja si rasa lalap |
PemerentahenNa lit rasa lalap. |
|
Tuhan |
Si mpuna ntah pe majiken. Bas kata Heber eme Adhohn ras Adhonim. |
|
Dibata Si Meganjangna |
Keduduken Dibata me si meganjangna. |
|
Dibata Si Badia |
Ia me si badiana (bersih ras murni). |
|
Si Mbentuk kita |
Ia si erkuasa man kerina manusia bage pe man kerina bangsa, bali bagi tukang kudin si erkuasa nandangi taneh liat.—Roma 9:20, 21. |
|
Si Nebus, Si Ngkelini |
Jesaya 41:14; Pustaka si Badia ras Ende-enden Edisi ke-4 © LAI 2003 |
Tebus Jahwe kerina manusia arah dosa ras kematen alu korban tebusen Jesus Kristus.—Johanes 3:16. |
Gunung Batu |
Ingan si aman guna erlindung janah banci mereken keselamaten. |
|
Si Nelamatken |
SelamatkenNa kita arah bahaya ras kehancuren. |
|
Permakan |
PerdiatekenNa umatNa. |
|
Tuhan Si Meganjangna |
KuasaNa me si meganjangna. Arah kata Heber eme Adhonai. |
Gelar-gelar ingan bas Kitap-Kitap Heber
Bas Pustaka si Badia lit piga-piga gelar ingan si nggunaken gelar Jahwe. Tapi e labo gelar Dibata.
Gelar ingan |
Ayat |
Erti |
|---|---|---|
Jahwe-jireh |
“Isediaken Jahwe Pagi.” |
|
Jahwe-nissi |
“Jahwe kap Tiangku si Mereken Tanda man Bangku,” ntah pe “Panji-panjingku.” (Pustaka si Badia ras Ende-enden Edisi ke-4 © LAI 2003) Jahwe me Dibata si banci lalap ngelindungi ras nampati umatNa.—Keluaren 17:13-16. |
|
Jahwe-syalom |
“Jahwe Eme Kedamen.” |
Engkai maka arus siteh janah sigunaken gelar Dibata?
Pasti penting kel iakap Dibata gelarNa eme Jahwe perban lit ribun kali itulis bas Pustaka si Badia.—Maleaki 1:11.
Jesus, Anak Dibata, mulih-ulih ikatakenna maka penting kel gelar Dibata e. Contohna, Jesus pernah ertoto man Jahwe. Nina, “Ipebadia min gelarNdu.”—Matius 6:9; Johanes 17:6.
Sanga siteh janah sigunaken gelar Dibata, mulai me kita erteman ras Ia. (Masmur 9:10; Maleaki 3:16) Jahwe erjanji maka kalak si erteman ras Ia pasti ndatken pasu-pasu. Nina, “Perban keleng atena Aku, Kuselamatken pagi ia. Perban tandaina gelarKu, Kulindungi pagi ia.”—Masmur 91:14.
Nina Pustaka si Badia, “I surga bage pe i doni lit si igelari dibata-dibata, janah tuhu lit melala ‘dibata’ bage pe melala ‘tuan.’” (1 Korinti 8:5, 6) Tapi ikataken ka bas Pustaka si Badia ise Dibata si benar, eme Dibata si gelarNa Jahwe.—Masmur 83:18.
a Piga-piga penerjemah bahasa Heber, nerjemahken gelar Dibata jadi “Yahweh.”
b Gelar Jahwe si isingkatken eme “Jah.” Kata “Jah” lit sekitar 50 kali itulisken bas Pustaka si Badia termasuk kata “Haleluya” si ertina “Pujilah Jah.”—Ketangkasen 19:4; Pustaka si Badia ras Ende-enden Edisi ke-4 LAI © 2003.
Mungkin Menarik Ka Kapndu
PENUNGKUNEN SI IJAWAP PUSTAKA
Ise kin Jahwe?
Dibata man sada bangsa saja kin Ia, contohna man bangsa Israel?
AJAREN PENTING ARAH PUSTAKA
Lit kin Gelar Dibata?
Dibata mbue penggelarenna, misalna Si Mada Kuasa, Si Nepa, ras Tuhan. Tapi, gelar Dibata tersurat kira-kira 7.000 kali i bas Pustaka si Badia.
KERNA KAMI
Dahi Kenalah Aku
Banci datndu jawapen penungkunenndu arah Pustaka si Badia, janah banci ka pelajarindu terbuen kerna Saksi-Saksi Jahwe.