Ise kin Nabi Daniel?

MAINKEN

Jawapen Pustaka si Badia

Nabi Daniel e kalak Jahudi. Ia nggeluh kira-kira 600 tahun sope lahir Jesus Kristus. Iban Dibata Daniel ngasup ngelakoken erbage-bage hal si luar biasa. Misalna bagi nuriken erti nipi, ndatken pengenehenen kerna kai si terjadi bas wari si pepagi, janah ia salah sada nabi si nulis salah sada buku si lit bas Pustaka.—Daniel 1:17; 2:19.

Ise kin Daniel e?

Daniel ipebelin bas Juda. Ibu kota kerajan e eme Jerusalem janah i je lit rumah pertoton kalak Jahudi. Bas tahun 617 SM, raja Babilon eme Nebukadnesar, talukenna Jerusalem janah ibabana “kalak si penting i negri e” jadi tabanen ku Babilon. (2 Raja-Raja 24:15; Daniel 1:1) Bas masa si e, Daniel remaja denga janah ia pe ikut ibaba ku Babilon.

Daniel ras anak-anak muda si debanna (bagi Saderah, Mesah, ras Abednego) ibaba ku istana Babilon guna iajari gelah banci jadi pejabat pemerentah. Bas istana e, kalak e ipaksa ngelakoken kai si la sesuai ras kinitekenna. Tapi, Daniel ras teluna temanna e tetap setia man Dibatana eme Jahwe. (Daniel 1:3-8) Kenca kalak enda iajari telu tahun dekahna, ipujiken Raja Nebukadnesar maka kalak enda seh kel beluhna ras pentar. Ianggap raja kalak e “sepuluh kali ulin asangken kerina si beluh ilmu gaib ras peramal si lit bas kerajanna.” Ibereken raja ka man Daniel ras telu temanna dahin si penting bas istana.—Daniel 1:18-20.

Puluhen tahun kenca si e, sanga umur Daniel kira-kira 90 tahun, ilebuh ia ku istana. Paksa si e, Raja Belsasar si merentah bas Babilon. Ipindona Daniel gelah nuriken erti arah tulisen si rempet-rempet lit bas dingding. Alu penampat Dibata, banci ituriken Daniel ertina. Ikatakenna maka italuken kerajan Media-Persia pagi Babilon. Janah kai si katakenna e terjadi bas berngi e.—Daniel 5:1, 13-31.

Kenca si e, ilantik me Daniel jadi pejabat tinggi bas pemerentahen Media-Persia. Ibereken Raja Darius ka atena jabaten si terganjangen man bana. (Daniel 6:1-3) Cian ate pejabat si deban man Daniel janah usahaken kalak e gelah Daniel ipecat. Ban kalak e ka rencana gelah Daniel ibenterken ku lubang singa. Tapi, iselamatken Jahwe Daniel. (Daniel 6:4-23) Ijumpai malekat Daniel, lit dua kali ipegegehi malekat ia janah ikatakenna maka Daniel “tuhu-tuhu kalak si ikelengi” Dibata.—Daniel 10:11, 19.

Adi merhat kam meteh kerna kegeluhen Daniel, tontonlah video si erjudul Daniel: Erkiniteken Ia Segedang Geluhna bagin 1 ras 2.

Sesuai nge kai si itulis Daniel ras sejarah?

Itulis Daniel: Iban Nebukadnesar patung si seh kel galangna janah isuruhna rakyatna guna nembah patung e. Ise si la nggit nembah patung e mis ibenterken ku ingan api si gurlah.—Daniel 3:1-6.

Bukti sejarah: Menurut Encyclopædia Britannica, iban Nebukadnesar erbage-bage proyek pembangunen si galang i Babilon, tujunna “labo saja gelah ia imuliaken, tapi termasuk guna ngergai dewa-dewi. Akuina ka maka ia si nentuken kata-kata kai si arus ibelasken rakyat guna muji ras ngergai dewa-dewi.”

Erbage-bage tulisen si nai si lit i Babilon nuriken kerna penghukumen si lit bas ingan api si gurlah. Piga-piga tulisen e nuduhken maka hukumen e iperentahken kalak si erkuasa. Sada tulisen si lit bas jaman pemerentahen Nebukadnesar nuriken kerna, hukumen man pejabat-pejabat si ituduh la ngergai dewa-dewi Babilon. Bagenda me isi tulisen e, “Bunuh kalak e, tutung kalak e, panggang, . . . i bas ingan kalak erdakan . . . ban asapna erdipul, janah tutung kalak e seh ngasa mate bas api si gurlah.” a

Itulis Daniel: Ibangga-banggaken Raja Nebukadnesar kel kerina si enggo ibangunna.—Daniel 4:29, 30.

Bas salah sada batu bata si lit denga i Babilon, tertulis i je gelar Nebukadnesar

Bukti sejarah: “Kata-kata si itulis Raja Nebukadnesar kerna dirina nuduhken maka ia akapna raja si mehulina ras si hebatna.” b Contohna bas sada bangunen itulis Nebukadnesar bagenda, “Alu aspal ras batu bata, kubangun tembok si seh kel galangna si la banci ipindahken, paguh bagi gunung . . . Kubangun ka tembok-tembok Esagila ras Babilon gelah inget kalak pemerentahenku seh rasa lalap.” c Bas reruntuhen batu bata i Babilon, melala tertulis gelar Nebukadnesar.

Itulis Daniel: Ikataken Raja Belsasar man Daniel maka iberekenna pagi “kuasa si peteluken” man bana i Babilon.—Daniel 5:1, 13-16.

Silinder (tabung) si itulis alu paku arah tahun 550 SM, lit i je itulis gelar Raja Nabonidus ras anakna Belsasar

Bukti sejarah: Sanga terjadi peristiwa si icatat bas Daniel pasal 5, raja Babilon paksa si e eme Nabonidus. Tapi, sedekah masa pemerentahen Nabonidus, dekahen ia bas daerah Arab, labo bas Babilon. Adi bage, ise dage si merentah bas Babilon sanga la ia je? “I bas salah sada tulisen paku nuduhken maka Belsasar anak sintua arah Nabonidus si merentah paksa si e i Babilon,” nina sejarawan Raymond Philip Dougherty bas bukuna Nabonidus and Belshazzar. “Kerina tugas-tugas raja si ndalankenca eme Belsasar perban ia wakil bapakna.” Perban posisi si pertama ras si peduaken si lit bas kerajan Babilon enggo lit bas Nabonidus ras Belsasar, emaka posisi si peteluken me si itawarken man Daniel.

a Journal of Biblical Literature, Jilid 128, Nomor 2, halamen 279, 284.

b Babylon—City of Wonders, itulis Irving Finkel ras Michael Seymour, halamen 17.

c Archæology and the Bible, itulis George Barton, halamen 479.

Artikel si Lit Hubungenna

Pustaka Penungkunen si Ijawap Pustaka

Mungkin Menarik Ka Kapndu

AJAREN PENTING ARAH PUSTAKA

https://cms-imgp.jw-cdn.org/img/p/500100125/univ/art/500100125_univ_sqr_xl.jpg

ijwbq artikel 193

Saksi-Saksi Jahwe

Ise kin Nabi Daniel?

Jawapen Pustaka si Badia

Ise kin Daniel e?

Artikel si Lit Hubungenna

Mungkin Menarik Ka Kapndu

Engkai maka kita tek isi Pustaka si Badia e benar?

Cubakenlah Kursus Pustaka ras Kami