Banci. Dibata ermediate man kerina umatNa si sakit. Nina Pustaka, “Sanga sakit ia, pegegehi Jahwe ia.” (Masmur 41:3) Adi lit penakitndu si enggo ndekah la malem-malem, pasti erguna kel man bandu adi ilakokenndu si telu enda:

1.   Ertotolah mindo gegeh gelah ngasup kam ngadapisa. Banci idatndu “kedamen bas Dibata nari si banci naluken perukuren kai pe.” Dungna lanai kam kuatirsa janah terpegegehi kam.​—Pilipi 4:6, 7.

2.   Tetaplah positif. Nina Pustaka si Badia, “Pusuh si senang eme tambar si mejile, tapi ukur si serbut erban bene semangat.” (Kuan-kuanen 17:22) Pebelinlah selera humorndu, e banci erban meriah ukurndu janah sehat kam.

3.   Teklah kam maka lit masa depan si cerah. Arapen si jelas banci erban kam tetap ermeriah ukur, amin gia lit penakitndu si enggo ndekah la malem-malem. (Roma 12:12) Nina Pustaka kerna masa depan, “Lanai pagi lit si ngataken, ‘Sakit aku.’” (Jesaya 33:24) Sanga si e pagi, ipepalem Dibata kerina penakit si lenga banci ipepalem ilmu kedokteran gundari. Misalna, bas Pustaka lit janji si ngataken maka manusia banci nguda ngulihi. Nina, “Reh sehatnalah ia, sehaten asangken sanga ia nguda denga, mulihilah ia megegeh bagi sanga ia nguda denga.”​—Jop 33:25.

 Cataten: Saksi-Saksi Jahwe tek man penampat Dibata. Amin gia bage, sanga sakit ertambar kang kami. (Markus 2:17) Tapi la isaranken kami pengobaten tertentu. Tiap kalak arus erban keputusen sendiri.