PELAJAREN 4
Meriah Ibanna Ukur Bapana ras Jahwe
Kai janji Jepta man Jahwe?
Anak Jepta nggit nampati bapana nepati janjina man Jahwe, aminna pe e la menukah
Idahndu nge anak diberu si lit i bas gambar?— Ia anak Jepta. Pustaka si Badia la mpebetehken gelar anak e, tapi ikatakenna maka ibanna meriah ukur bapana ras Jahwe. Mari sioge cerita kerna Jepta ras anakna.
Jepta sekalak dilaki si mehuli. Rusur iajarina anakna kerna Jahwe. Ia pe dilaki si megegeh ras peminpin si mehuli. Erkiteken si e, ipilih kalak Israel ia jadi peminpin i bas peperangen.
I bas sada wari, Jepta ertoto man Dibata ope denga lawes erperang. Jepta erjanji, adi ia menang, kalak si tangtangna ngalo-ngalo ia sanga ia mulih ku rumah iberekenna pagi man Jahwe. Kalak e tading janah ngelayani i tabernakel Dibata segedang geluhna. Tabernakel eme ingan kalak Israel eribadat man Dibata. Kepeken, Jepta menang! Ise kalak si tangtangna ngalo-ngalo Jepta sanga ia mulih?—
Payo, anakna! Sada ia ngenca anak Jepta, janah gundari arus ipediat Jepta ia lawes. Latih kal ukur Jepta. Tapi, Jepta enggo erjanji man Jahwe. Anakna pe ngatakenca, ’Bapa, kam enggo erjanji man Jahwe, jadi arus itepatindu.’
Tep-tep tahun, teman-teman anak Jepta reh ndahi ia
Anak Jepta pe latih kal ukurna. I tabernakel, la banci ia erjabu ras mupus. Tapi merhat kal ia nampati bapana guna nepati janji ras ibanna atena meriah ukur Jahwe. Pentingen iakapna e asangken erjabu ras mupus. Emaka, ia pe lawes nadingken rumah janah tading i tabernakel segedang geluhna.
Menurutndu, ibanna nge meriah ukur bapana ras Jahwe?— Ue, pasti! Kam pe banci bagi ia. Adi kam patuh janah engkelengi Jahwe, kam pe banci erban meriah ukur orang tuandu ras Jahwe.
