Contoh bas Pustaka:

• Peng 12:1-8​—Ijelasken Raja Salomo kai saja si banci terjadi sanga kita enggo metua alu nggunaken perumpaman, misalna pengidahna lanai jelas (“diberu si ngenen arah jendela tapi gelap nari ngenca idahna”) janah pemegina enggo kurang (“sora rende anak diberu menam lanai terbegi”)

Contoh bas Pustaka:

• 1Sam 12:2, 23​—Iteh Nabi Samuel si enggo metua maka penting kel terus notoken umat Dibata

• 2Sam 19:31-39​—Ngata bujur kel Raja Daud perban setia Barsilai ndukung Daud. Sanga ipindo ia guna ngelayani Daud i Jerusalem, la ia nggit perban tehna lanai ia ngasup

• Ms 71:9, 18​—Mbiar kel Raja Daud lanai ia erguna sanga ia enggo metua. Ipindo Daud man Jahwe gelah ula ibuangken Jahwe ia. Ipindona ka gelah ibereken Jahwe gegeh man bana guna nceritaken kerna Jahwe man keturunen si nandangi reh

• Luk 2:36-38​—Nabiah si gelarna Hanna eme sekalak janda si enggo metua. Ia ipasu-pasu perban enggo setia ngelayani Jahwe

Contoh bas Pustaka:

• Kej 12:1-4​—Sanga umur Abraham 75 tahun, datna tugas si mbelin arah Jahwe. Arus tadingkenna kutana

• Dan 10:11, 19; 12:13​—Sanga umur Nabi Daniel 90-en, ijumpai sada malekat ia. Ikataken malekat e maka Daniel tuhu-tuhu ikelengi Jahwe janah ipasu-pasu ia perban ia setia

• Luk 1:5-13​—Ipasu-pasu Jahwe me Sakaria ras Elisabet si enggo metua alu mereken sekalak anak dilaki, gelar anak e Johanes

• Luk 2:25-35​—Ibereken Jahwe man Simeon kesempaten si istimewa guna ngenen bayi si jadi Mesias pagi. Ernubuat Simeon kerna bayi e

• Perb 7:23, 30-36​—Sanga umur Nabi Musa 80 tahun, ibereken Jahwe tugas man bana guna minpin umatNa eme Israel

Contoh bas Pustaka:

• Kej 45:9-11; 47:12​—Iajak Jusup bapakna si enggo metua eme Jakup guna tading i taneh Gosen gelah ndeher ras ia. Ibereken Jusup ka keperlun Jakup seh ngasa Jakup mate

• Rut 1:14-17; 2:2, 17, 18, 23​—Isampati Rut simetuana si enggo metua eme Naomi arah kata-kata ras perbahanenna

• Joh 19:26, 27​—Sope Jesus mate, ipindona gelah iurus Rasul Johanes mamakna si enggo metua eme Maria