Contoh bas Pustaka:

• Luk 9:46-48​—Ipersingeti Jesus rasul-rasulna perban idahna maka bas pusuh kalak e lit sura-sura guna jadi kalak si pentingna

Contoh bas Pustaka:

• Kej 6:5-7​—Perban jahat isi pusuh manusia, perbahanenna pe jahat. Emaka, iban Dibata me terjadi Banjir si Mbelin

• 1Raj 11:1-10​—La ijaga Raja Salomo pusuhna. Empoina melala diberu asing si erban lanai bulat ukurna man Jahwe

• Mrk 7:18-23​—Ijelasken Jesus maka kerina sura-sura si salah rehna arah pusuh nari janah e banci erban kita ngelakoken kai si la ngena ate Jahwe

Contoh bas Pustaka:

• Ep 6:14-18; 1Tes 5:8​—Ijelasken Rasul Paulus maka patoken Jahwe kerna kai si benar, kiniteken, ras kekelengen banci ngelindungi pusuhta bali bagi pelindung dada si ngelindungi jantung sekalak prajurit

Contoh bas Pustaka:

• 2Kro 25:1, 2, 17-27​—Bas sada paksa, ilakoken Raja Amasia kai si ngena ate Dibata tapi la bulat ukurna. Dungna, sombong ia, la patuh man Jahwe, janah datna akibatna

• Mat 7:17-20​—Icidahken Jesus maka bali bagi batang si la mejile pasti ngasilken buah si la mejile, bage ka pe pusuh si jahat pasti ngasilken perbahanen si jahat

Contoh bas Pustaka:

• 2Raj 20:1-6​—Raja Hiskia setia janah bulat ukurna ngelayani Jahwe. Emaka, sanga ia sakit janah nandangi mate, pindona perkuah ate Jahwe

• Mat 21:28-32​—Iban Jesus sada perumpaman si ncidahken maka isi pusuh kalak teridah arah kai si ilakokenna, labo arah kai si ikatakenna saja

Contoh bas Pustaka:

• 1Sam 16:1-13​—Iteh Nabi Samuel maka si pentingna iakap Jahwe eme kai si lit bas pusuh sekalak jelma, labo penampilenna

• 2Kro 6:28-31​—Toto Raja Salomo sanga ngeresmiken rumah pertoton ncidahken maka tuhu-tuhu iangkai Dibata kai si lit bas pusuhta janah iperdiatekenNa kita