PELAJAREN 7
Kai kin Kinirajan Dibata e?
1. Kai Kinirajan Dibata e?
Engkai maka Jesus ngenca Raja si metunggungna?—MARKUS 1:40-42.
Kinirajan Dibata eme sada pemerentahen i surga. Kinirajan enda me si nggantiken pemerentahen manusia ras njadiken peraten Dibata i surga bage pe i doni. Pasti enda sada berita si meriah man banta. Manusia perlu pemerentahen si mehuli, emaka lanai ndekah, Kinirajan Dibata mereken sada pemerentahen si sempurna. Kinirajan e mpersada kerina jelma i doni enda.—Oge Daniel 2:44; Matius 6:9, 10; 24:14.
Kerajan arus me iperentah sekalak raja. Jahwe enggo nangkuhken Jesus Kristus jadi Raja i bas KinirajanNa.—Oge Ketangkasen 11:15.
Tontonlah video Kai kin Kinirajan Dibata e?
2. Engkai maka Jesus ngenca si metunggungna jadi Raja?
Jesus ngenca si metunggung jadi Raja sabap ia perkeleng dingen mehuli ras nteguh mbela kebenaren. (Matius 11:28-30) Selain si e, ia erkuasa nampati kalak sabap surga nari me pagi ia merentah doni. Kenca ipekeke, ia nangkih ku surga ras nimai arah kemuhen Jahwe. (Heber 10:12, 13) Seh paksana, ibereken Jahwe me kuasa man bana guna mulai merentah.—Oge Daniel 7:13, 14.
3. Ise saja pagi si merentah ras Jesus?
Piga-piga kalak si igelari ”Bangsa Dibata si Meganjangna” e me pagi si merentah ras Jesus i Surga. (Daniel 7:27) Si perlebe ipilih jadi bangsa Dibata e me kap rasul-rasul Jesus si setia. Asa genduari, Jahwe sangana milih dilaki bage pe diberu si erkiniteken guna jadi anggota ”Bangsa Dibata si Meganjangna”. Bali bagi Jesus, kalak enda pe ipekeke jadi mahluk roh.—Oge Johanes 14:1-3; 1 Korinti 15:42-44.
Piga kalak nge si nangkih ku sorga? Jesus nggelari kalak enda ”rarasen si kitik”. (Lukas 12:32) Jumlahna 144.000. Kalak enda me raduken Jesus si merentah doni pagi.—Oge Ketangkasen 14:1.
4. Kai nge si terjadi paksa Jesus mulai merentah?
Kinirajan Dibata mulai merentah tahun 1914. * Si tangtangna ilakoken Jesus e me nampetken Setan ras malekat-malekat si ngikutken ia ku doni. Merawa kal Setan emaka asa gegehna ibahanna me mbue kiniseran i doni. (Ketangkasen 12:7-10, 12) Kenca si e, kiniseran pe erkelekna. Perang, kelihen, pinakit ras linur e me jadi bagin ”tanda” maka Kinirajan Dibata enggo ndeher guna merentah doni.—Oge Lukas 21:7, 10, 11, 31.
5. Kai si ilakoken Kinirajan Dibata?
Alu mberitaken berita si meriah i belang-belang doni, Kinirajan Dibata enggo mpersada melala jelma arah kerina bangsa nari. Jutan kalak si meteruk rukur enda banci jadi rayat Jesus. Kinirajan Dibata engkawali kerina kalak e paksa pemerentah si lit genduari ikernepken. Emaka, kerina kalak si ersura ndatken pasu-pasu i bas Kinirajan Dibata arus nggit erlajar patuh man Jesus.—Oge Ketangkasen 7:9, 14, 16, 17.
I bas waktu 1.000 tahun, Kinirajan e njadiken peraten Dibata si ndube. Sebelang doni jadi peken pardis. Kedungenna, ibereken Jesus me Kinirajan e man Bapana. (1 Korinti 15:24-26) Ise nge atendu si ikatakenndu kerna Kinirajan Dibata e?—Oge Masmur 37:10, 11, 29.
^ par. 6 Guna keterangen tambahen si njelasken nubuat Pustaka kerna tahun 1914, nehen halamen 217-220 buku Kai Nina Pustaka si Badia?
