La ndauh arah Babil nari lit sada kuta gelarna kuta Ur, nterem kalak si tading i je nembah dibata-dibata si deban, labo Jahwe. Tapi lit sekalak dilaki si nembah Jahwe i kuta Ur. Gelarna Abraham.

Ikataken Jahwe man Abraham: ‘Tadingkenlah rumahndu bage pe keluargandu, janah laweslah kam ku ingan si Kutuduhken man bandu.’ Nce, erjanji Dibata, nina, ‘Kam pagi jadi bangsa si mbelin, janah arah kam nterem kalak dat pasu-pasuKu.’

Tek ia man Jahwe amin gia la tehna ku ja ia lawes. Emaka ersikap me Abraham ras Sara diberuna, Terah bapakna, bage pe anak seninana eme Lut, janah berangkat me kalak e.

 Umur Abraham nggo 75 tahun sanga ia ras keluargana seh i ingan si ituduhken Jahwe. Gelar ingan e eme Kanaan. I je me Dibata ngerana man Abraham janah erjanji, nina, ‘Kerina taneh si idahndu e Kubereken pagi man anak-anakndu.’ Tapi Abraham ras Sara nggo metua sanga si e, janah lenga lit anakna. Jadi uga Jahwe nepati janji e?