Kenca Banjir si Mbelin, lahir me kempu-kempu Nuah. Reh teremna keluargana janah pindah ia ku daerah-daerah si deban guna ndemi doni enda bagi si isuruh Jahwe.

Tapi piga-piga kalak e la patuh man Jahwe. Nina, ‘Jenda sajalah kita tading. Sibangun sada kuta nce sibangun menara si ganjangna seh ku langit, gelah terkenal kita.’

 La senang Jahwe man rencana kalak e, emaka ipengadiNa ateNa. Uga caraNa mpengadisa? I ban Jahwe kalak enda lanai siangkan perban nggo beda-beda bahasa kalak e. Emaka kalak enda ngadi mbangun menara e. Kota si ibangun kalak e igelari Babil, si ertina ‘Kacau.’ Kalak enda pe lawes ku sebelang doni, tapi bas ingan si mbaru pe jahat denga kalak e. Adi bage lit denga si keleng atena man Jahwe? Jawapenna lit bas pasal seterusna.