ACARA PERIDIN Adi la lit petunjuk si deban, ingan kundul man si nandangi iperidiken enggo isikapken i ruang utama arah lebe panggung. Si nandangi iperidiken arus kundul i je sope khotbah peridin lenga imulai bas wari Sabtu erpagi-pagi. Tiap kalak perlu maba anduk ras baju ganti si sopan.

BARANG SI BENE RAS SI IDAT Kerina barang si idat arus ibaba ku Departemen Barang si Bene ras si Idat. Adi kebenen kam, dahilah departemen enda janah kataken kai barangndu si bene. Anak-anak si sirang ras orang tuana janah papak banci ibaba ku jenda. Tapi, gelah ula sempat enda terjadi, jagailah anak-anakndu janah pastiken ia terus ras kam.

INGAN KUNDUL Ermediatelah kam man kalak si deban. Ingetlah, ingan kundul banci isikapkenndu man anggota keluargandu saja, si sada kendaran ras kam, sada rumah, ntah pe man kalak si erlajar Pustaka ras kam. Tolong ula amparken barang-barang bas ingan kundul si la ipakendu.

P3K Ingetlah maka enda guna keadan darurat saja.

PETUGAS TATA TERTIB Petugas tata tertib ertugas nampati kam. Ikutilah petunjuk kalak e kerna ingan parkir, masuk ku gedung ras ndarat gedung nari, muat ingan kundul man kalak si deban, ras si debanna.

SUKARELAWAN Adi nampati atendu guna ndukung pertemuan regional, banci katakenndu ku Departemen Informasi ras Dinas Sukarela.

SUMBANGEN Cukup melala biaya si iperluken guna nikapken ingan kundul, tata suara, peralaten video, ras si debanna bas pertemuan regional enda si banci erban kita reh deherna ras Jahwe. Sumbangenndu banci ikut nutupi kerina biaya janah ndukung pendahin sebelang doni. Kotak-kotak sumbangen enggo itamaken bas erbage ingan i gedung enda. Banci ka iberekenndu sumbangen secara online alu mbuka situs donate.pr418.com. Iergai kel kerina sumbangenndu. Badan Pinpinen ngataken bujur perban nggit kam mere guna ndukung pendahin Kerajan.