DIBATA SI MADA KUASA eme Penguasa langit ras doni. Kegeluhenta, si gundari ras wari si pepagi, i bas tanNa. Bas Dibata lit kuasa guna mereken upah ras mereken ukumen. Bas Ia lit kuasa guna mereken ras muat kegeluhen. Adi ngena ateNa kita, mehuli me geluhta; adi lang, nandangi gulut me geluhta. Penembahen si ngena ate Dibata seh pentingna!

Cara kalak nembah Dibata erbage-bage. Adi agama iumpamaken bagi dalan, tuhu kin kerina dalan agama e ngena ate Dibata? Lang. Jesus, ntah pe Isa Almasih, si iutus Dibata, ncidahken maka dua ngenca dalan. Nina Jesus, ”Mbelang me pintun dingen mbelang pe dalan ku naraka, janah nterem kalak arah e erdalan. Pintun si kitik dingen dalan si mesera nuju ku kegeluhen si rasa lalap, janah piga-piga kalak ngenca ngasup arah e erdalan.”​—Matius 7:13, 14.

Dua erbage ngenca agama: sada nuju kegeluhen, ras sada nari nuju ku naraka, eme kematen. Tujun brosur enda guna nampati kam ndatken dalan nuju ku kegeluhen si rasa lalap.