PETUGAS TATA TERTIB Petugas tata tertib ertugas nampati kam. Ikutilah petunjuk kalak e kerna ingan parkir, masuk ku gedung ras ndarat gedung nari, muat ingan kundul man kalak si deban, ras si debanna.

ACARA PERIDIN Ingan kundul man si nandangi iperidiken nggo isikapken i ruang utama arah lebe panggung. Si nandangi iperidiken aruslah kundul i je sanga khotbah peridin lenga imulai bas wari Sabtu erpagi-pagi. Tiap kalak perlu maba anduk ras baju ganti si sopan.

SUMBANGEN Cukup melala biaya si iperluken man ingan kundul, tata suara, ras si debanna guna nikapken kebaktin enda si erban kita reh deherna ras Jahwe. Sumbangenndu banci ikut nutupi kerina biaya, janah ndukung pendahin sebelang doni. Enggo itamaken i bas erbage ingan i gedung enda kotak-kotak sumbangen. Iergai kel kerina sumbangenndu. Badan Pinpinen ngataken bujur perban nggit kam mere man organisasi Jahwe.

P3K Ingetlah maka enda guna KEADAN DARURAT SAJA.

BARANG SI BENE RAS SI IDAT Kerina barang si idat aruslah ibaba ku Departemen Barang si Bene ras si Idat. Adi kebenen kam, dahilah departemen enda janah kataken kai barangndu si bene. Anak-anak si sirang ras orang tuana janah papak banci ibaba ku jenda. Tapi, departemen enda labo ingan penitipen anak. Jagailah anak-anakndu janah pastiken ia terus ras kam.

INGAN KUNDUL Ermediatelah kam man kalak si deban. Ingetlah, ingan kundul banci isikapkenndu man si sada rumah, sada kendaraan, ntah pe man kalak si erlajar Pustaka ras kam. Tolong ula amparken barang-barang i bas ingan kundul si la ipakendu.

SUKARELAWAN Adi nampati atendu guna ndukung kebaktin, banci katakenndu ku departemen enda.

SEKOLAH MAN PERBERITA KERAJAN Perintis si umurna 23 seh ku 65 tahun, si atena mpebelang pelayanenna iundang gelah reh ku pertemuan man kalak si atena ngikuti Sekolah man Perberita Kerajan i bas wari Minggu ciger. Ingan ras waktuna iumumken kari.