BAGIN 7
Ise kin Jesus e?
Dibata Jahwe nuruh Jesus ku doni. 1 Johanes 4:9
Ndauh sope Dibata Jahwe nciptaken Adam ras Hawa, enggo ciptakenNa sada malekat si megegeh. Malekat e eme Jesus. Adi sibegiken Jesus, meriah ukur Jahwe.
Bas pudi wari, suruh Jahwe ia ku doni. Lahir ia i Betlehem arah sekalak singuda-nguda si gelarna Maria.—Johanes 6:38.
Sanga jadi manusia i doni, cidahken Jesus maka seri kel sipatna ras sipat-sipat Dibata. Ia bujur, perkeleng, ras nukah ndeherisa. Pang ia ngajarken kai si benar kerna Dibata Jahwe man jelma si enterem.
Jesus ngelakoken kai si mehuli tapi segat ate kalak ia. 1 Petrus 2:21-24
Pepalem Jesus kalak sakit ras pegeluhna mulihi piga-piga kalak mate.
Segat kel ate peminpin-peminpin agama man Jesus, perban cidahken Jesus ajaren kalak e si la tuhu ras perbahanenna si jahat.
Ikataken peminpin-peminpin agama kai si la tuhu man kalak Roma gelah banci pekpeki kalak e Jesus ras bunuhna.
