BAGIN 3
Uga kin Kegeluhen bas Pardis?
Dibata Jahwe mereken kerina si perluken Adam ras Hawa. Kejadin 1:28
Dibata Jahwe nciptaken diberu si pertama eme Hawa, janah berekenNa ia man Adam jadi diberuna.—Kejadin 2:21, 22.
Kalak e iciptaken Jahwe alu sempurna, pikirenna ras dagingna la lit cacatna.
Kalak e tading bas Taman Eden. Taman Eden ntah pe Pardis ingan si seh kel jilena, lit i je lau si maler, batang kayu si buahna banci ipan, ras binatang-binatang.
Dibata Jahwe langsung ngerana man kalak e janah ajariNa kalak e. Adi begiken kalak e Ia, banci kalak e nggeluh rasa lalap bas Pardis i doni.
Buah arah sada batang kayu saja ngenca si larang Dibata pan kalak e. Kejadin 2:16, 17
Adam ras Hawa ilarang Dibata Jahwe man buah sada batang kayu si lit i taman e. Adi pan kalak e buah e, pasti kalak e mate.
Lit sada malekat si mberontak ngelawan Dibata. Malekat si jahat e eme Setan si Iblis.
Ate Setan, Adam ras Hawa la matuhi Dibata Jahwe. Emaka arah sada nipe katakenna man Hawa, adi pan Hawa buah batang kayu e, labo ia mate tapi seri kari ia ras Dibata. Situhuna kata-kata Setan e labo tuhu.—Kejadin 3:1-5.
Mungkin Menarik Ka Kapndu
AJAREN PENTING ARAH PUSTAKA
Engkai maka Iban Dibata Doni Enda?
Mejile kel doninta enda. Jarakna ku matawari pas kel, kemiringenna pe pas, perputaren ras kecepatenna pe tepat. Engkai maka iban Dibata melala kel si mehuli i doni enda?
