Adi perkeleng kin Dibata e, engkai maka melala kejahaten si ilakoken agama si ngaku nembah Dibata? Perban agama-agama e palsu, janah kai si ikataken ras si ilakokenna erban ceda gelar Dibata. Uga carana agama e erban ceda gelar Dibata? Uga nge perasan Dibata man agama e? Janah kai si nandangi lakoken Dibata man agama e?

1. Uga agama palsu erban ceda gelar Dibata arah ajarenna?

Agama palsu enggo ‘nukarken kebenaren Dibata alu kai si la tuhu.’ (Roma 1:25) Contohna, buen agama si la ngajarken ise gelar Dibata. Padahal ikataken bas Pustaka si Badia, arus sigunaken gelar Dibata. (Roma 10:13, 14) Selain si e, adi lit si la mehuli si terjadi, melala peminpin agama si ngataken maka e sura-sura Dibata. Tapi e labo tuhu, perban Dibata labo pernah erban kai si la mehuli. (Baca Jakup 1:13.) Bual e erban kalak ndauh arah Dibata.

2. Uga agama palsu erban ceda gelar Dibata arah perbahanenna?

Perbahanen agama palsu man kalak la seri bagi Jahwe. Bas Pustaka si Badia ikataken maka dosa-dosa agama palsu “enggo ergun-gun seh ku langit.” (Ketangkasen 18:5) Enggo ratusen tahun dekahna, agama palsu terlibat bas politik, dukungna perang, janah melala perbahanenna si erban enterem kel kalak mate. Enterem peminpin agama entabeh atena pergeluhna. Emaka pindona man pengikutna gelah mereken melala sumbangen. Si e kerina mbuktiken maka labo tandai peminpin agama e Dibata. Janah labo kalak e cocok jadi wakil Dibata.​—Baca 1 Johanes 4:8.

3. Uga perasan Dibata man agama palsu?

Adi kita pe segat ateta ngidah kai saja si enggo ilakoken agama palsu, uga nge kapndu perasan Dibata Jahwe? Amin gia keleng ate Dibata kerina kalak, tapi segat ateNa peminpin-peminpin agama si erban ceda gelarNa janah si la mehuli perbahanenna man anggota agamana. Erjanji Dibata maka agama palsu e “asa ndigan pe ia lanai lit.” (Ketangkasen 18:21) Janah si e, lanai ndekah terjadi.​—Ketangkasen 18:8.

 PELAJARI TERBAGESEN

4. Labo kerina agama aloken Dibata

Enterem kalak si tek maka erbage-bage agama e bali bagi erbage-bage dalan si sada tujunna eme ku Dibata. Tuhu nge bage? Bacalah Matius 7:​13, 14, kenca si e bahas penungkunen enda:

• Kai nge nina Pustaka si Badia kerna dalan si tujunna ku kegeluhen?

Putar VIDEO, kenca si e bahas penungkunen enda:

• Menurut Pustaka si Badia, kerina nge agama erban meriah ukur Dibata?

 6. Bebasken Dibata ateNa kerina kalak arah agama palsu

Bacalah Ketangkasen 18:4, a kenca si e bahas penungkunen enda:

• Kenca tehndu bebasken Dibata ateNa kerina kalak si enggo itipu agama palsu, uga nge perasanndu?

7. Teruslah erlajar kerna Dibata si benar

Engkai maka ula min kam kecewa man Dibata gara-gara agama palsu? Cuba bayangken lit anak perana si la nggit ngikutken kai nina bapakna. Lawes ia rumah nari janah lakokenna si la mehuli. Labo setuju bapakna ngidah perbahanen anakna e. Adi bage, adil nge kapndu adi sisalahken bapakna perban si la mehuli si lakoken anakna?

• Adil nge adi sisalahken Jahwe janah lanai kita nggit erlajar kerna Ia gara-gara si la mehuli si lakoken agama palsu?

 KESIMPULEN PELAJAREN ENDA

Agama palsu enggo erban ceda gelar Dibata arah ajarenna si salah ras perbahanenna si la mehuli. Hapusken Dibata pagi kerina agama palsu.

Kai si Enggo Sipelajari?

• Uga nge perasanndu kerna ajaren ras perbahanen agama palsu?

• Uga nge perasan Jahwe man agama palsu?

• Kai nge pagi si lakoken Dibata man agama palsu?