Bagi si enggo sibahas bas pelajaren sebelumna, labo kerina agama erban meriah ukur Dibata. Tapi banci siban meriah ukur Dibata adi sisembah Ia alu cara si erban meriah ukurNa. Uga kin “agama” si erban meriah ukur Dibata? (Jakup 1:27) Perdiateken uga nina Pustaka si Badia.

1. Janari banci siteh uga cara si benar nembah Dibata?

Banci sipelajari bas Pustaka si Badia. Nina Jesus man Dibata, “KataNdu kap kebenaren.” (Johanes 17:17) Mbue agama la ngikutken kebenaren si lit bas Kata Dibata, Pustaka si Badia. Tapi si ajarken kalak e pikiren ras tradisi manusia. La meriah ukur Jahwe ngidah kalak si “nulak perentah Dibata.” (Baca Markus 7:9.) Tapi meriah ukurNa adi sisembah Ia sesuai ras ajaren bage pe nasehat si lit bas Pustaka si Badia.

2. Uga cara si benar nembah Jahwe?

Jahwe saja si arus sisembah perban Ia Penciptata. (Ketangkasen 4:11) Enda ertina arus keleng ateta Ia ras Ia saja ngenca sisembah. La banci sigunaken patung ntah pe si debanna i bas nembah Ia.​—Baca Jesaya 42:8.

Carata nembah Jahwe arus ‘badia, janah ngena ateNa.’ (Roma 12:1) Enda ertina arus siikutken perentah-perentahNa bas kegeluhenta. Contohna, kalak si engkelengi Jahwe arus patuhina perentah Jahwe kerna perjabun. Selain si e, la kalak e nggit ngelakoken kai pe si ncedai kesehaten bagi ngisap, nontil mbako, ras nalah gunaken narkoba ntah pe alkohol. a

3. Engkai maka arus sisembah Dibata Jahwe radu ras turang senina si sada kiniteken?

Sanga kita pulung tiap minggu, banci ‘sipuji Jahwe . . . bas perpulungen.’ (Masmur 111:1, 2) Salah sada carana eme alu rende muji Dibata. (Baca Masmur 104:33.) Suruh Jahwe kita reh ku perpulungen perban keleng ateNa kita. TehNa maka perpulungen banci nampati kita nggeluh ermeriah ukur seh rasa lalap. Janah bas perpulungen, banci kita mpegegehi sada ras si debanna.

 PELAJARI TERBAGESEN

4. La banci sisembah Dibata nggunaken patung

5. Banci kita bebas arah ajaren-ajaren si salah adi Jahwe ngenca sisembah

 6. Sisembah Dibata Jahwe i perpulungen

Sanga rende kita ras sibereken komentar bas perpulungen, sipuji Jahwe janah sipegegehi turang seninata. Bacalah Masmur 22:22, kenca si e bahas penungkunen enda:

• Meriah nge akapndu megiken komentar-komentar si ipeseh bas perpulungen?

• Nggit nge kam erban persiapen gelah kam pe banci mereken komentar?

7. Meriah ukur Jahwe sanga siceritaken man kalak si deban kerna kai si enggo sipelajari

Melala kesempatenta guna nceritaken kebenaren si lit bas Pustaka si Badia. Bacalah Masmur 9:1 ras 34:1, kenca si e bahas penungkunen enda:

• Arah kai si enggo pelajarindu bas Pustaka si Badia, kai nge atendu si ceritakenndu man kalak si deban?

 KESIMPULEN PELAJAREN ENDA

Meriah siban ukur Penciptata adi Ia saja ngenca sisembah, sipuji Ia bas perpulungen janah siceritaken man kalak si deban kerna kai si enggo sipelajari.

Kai si Enggo Sipelajari?

• Janari siteh uga cara si benar nembah Dibata?

• Engkai maka Dibata Jahwe saja si arus sisembah?

• Engkai maka arus ras kalak si deban kita nembah Dibata?