PELAJAREN 18
Cara Meteh Apai Kalak Kristen Situhu-tuhu
Miliaren kalak ngaku Kristen. Tapi ajarenna ras standarna labo seri. Emaka uga carana meteh apai kalak Kristen situhu-tuhu?
1. Kai maksudna kalak Kristen?
Kalak Kristen eme murid ntah pe pengikut Jesus Kristus. (Baca Perbahanen Rasul-Rasul 11:26.) Janari banci siteh maka sekalak jelma tuhu-tuhu murid Jesus? Nina Jesus, “Adi terus inget kena kai si kuajarken, tuhu-tuhu kena murid-muridku.” (Johanes 8:31) Emaka kalak Kristen situhu-tuhu arus ngikuti ajaren Jesus. Dasar ajaren Jesus eme Pustaka si Badia, emaka ajaren kalak Kristen pe arus arah Pustaka si Badia.—Baca Lukas 24:27.
2. Uga kalak Kristen situhu-tuhu ncidahken kekelengen?
Nina Jesus man pengikutna, “Sikeleng-kelengenlah kena, bagi aku enggo engkelengi kena.” (Johanes 15:12) Uga cara Jesus ncidahken kekelengen man murid-muridna? Sediakenna waktuna ras murid-muridna, pegegehina, janah sampatina kalak e. Selain si e, iberekenna kegeluhenna guna kalak e. (1 Johanes 3:16) Bage ka pe, kalak Kristen situhu-tuhu kekelengenna labo terjeng biber saja. Cidahken kalak e kekelengenna arah ranan bage pe perbahanen.
3. Kai tugas kalak Kristen situhu-tuhu?
Ibereken Jesus tugas man murid-muridna. “Suruhna kalak e mberitaken Kerajan Dibata.” (Lukas 9:2) Kalak Kristen i bas abad pertama mbarenda, labo erberita bas rumah pertoton saja. Kalak e erberita i bas ingan enterem jelma, bage pe arah rumah ku rumah. (Baca Perbahanen Rasul-Rasul 5:42; 17:17.) Gundari pe, kalak Kristen situhu-tuhu mberitaken kebenaren si lit bas Pustaka si Badia ku japa pe. Keleng ate kalak e kalak si deban, emaka nggit kalak e nggunaken waktu ras gegehna guna mbagiken arapen si lit i bas Pustaka si Badia.—Markus 12:31.
PELAJARI TERBAGESEN
Sibahas kari kai bedana kalak Kristen situhu-tuhu ras kalak si la ngikutken ajaren bage pe contoh si ban Jesus.
4. Pelajarina kebenaren si lit i bas Pustaka si Badia
Kalak Kristen i bas abad pertama ngergai Kata Dibata
Piga-piga kalak si ngaku Kristen la kapna penting ngangkai ras ndalanken kebenaren si lit i bas Pustaka si Badia. Putar VIDEO, kenca si e bahas penungkunen enda:
-
Kai si ilakoken gereja-gereja si erban lanai teh kalak ajaren Jesus?
Kebenaren si ajarken Jesus rehna arah Kata Dibata. Bacalah Johanes 18:37, kenca si e bahas penungkunen enda:
-
Menurut Jesus, uga nge ciri-ciri kalak Kristen si “ngikutken kebenaren”?
5. Beritakenna kebenaren si lit bas Pustaka si Badia
Kalak Kristen i bas abad pertama erberita man kalak si deban
Sope Jesus naik ku surga, iberekenna tugas si arus ilakoken pengikutna seh asa gundari. Bacalah Matius 28:19, 20 ras Perbahanen Rasul-Rasul 1:8, kenca si e bahas penungkunen enda:
-
Seh ja berita si meriah e arus iberitaken?
6. Dalankenna kai si iajarkenna
Kai si erban Tom yakin maka ia enggo i bas agama Kristen situhu-tuhu? Putar VIDEO, kenca si e bahas penungkunen enda:
-
Arah video e, kai si erban Tom kecewa nandangi agamana?
-
Kai si erban Tom yakin maka ia enggo bas agama situhu-tuhu?
Cakap saja labo bias. Bacalah Matius 7:21, kenca si e bahas penungkunen enda:
-
Apai nge akap Jesus si pentingna, ngaku tek saja ntah sibuktiken arah perbahanen?
7. Sikeleng-kelengen ia kerina
Kalak Kristen i bas abad pertama sikeleng-kelengen
Nggit nge kalak Kristen situhu-tuhu ngorbanken kegeluhenna guna turang seninana si sada kiniteken? Putar VIDEO, kenca si e bahas penungkunen enda:
-
Bas video e, kai si erban Lloyd nggit ngorbanken kegeluhenna guna Johansson?
-
Adi menurutndu, la kin bagi perbahanen Lloyd enda ndai nge perbahanen kalak Kristen situhu-tuhu?
Bacalah Johanes 13:34, 35, kenca si e bahas penungkunen enda:
-
Uga nge perbahanen murid-murid Jesus (kalak Kristen situhu-tuhu) nandangi kalak si beda suku ntah pe si beda bangsa ras ia?
-
Uga nge kalak Kristen situhu-tuhu enda ncidahken kekelengen sanga terjadi perang?
LIT SI NGATAKEN: “La soal Kristen kai kita, si pentingna tek kita man Jesus.”
-
Ayat si apai nge si ipakendu guna ncidahken ciri-ciri kalak Kristen situhu-tuhu?
KESIMPULEN PELAJAREN ENDA
Kalak Kristen situhu-tuhu ngikutken ajaren Pustaka si Badia, sikeleng-kelengen ras nggit erkorban, janah mberitaken kebenaren si lit bas Pustaka si Badia.
Kai si Enggo Sipelajari?
-
Kai nge dasar ajaren kalak Kristen situhu-tuhu?
-
Sipat kai nge si jadi tanda kalak Kristen situhu-tuhu?
-
Kai nge tugas kalak Kristen situhu-tuhu?
DARAMI TERBUEN
Pelajarilah terdauhen kerna sada kelompok si erusaha kel ngikutken usihen si bereken Jesus bage pe ajarenna.
Bacalah pengalamen sekalak diberu si mbarenda pernah jadi biarawati, tapi dungna jadi bagin arah kalak Kristen situhu-tuhu.
“Mereka Menjawab Semuanya dengan Alkitab!” (Menara Pengawal 1 April 2014)
Pelajarilah uga kalak Kristen situhu-tuhu ncidahken kekelengen man turang seninana sada kiniteken si merluken penampat.
Membantu Saudara-Saudari Saat Terjadi Bencana —Cuplikan (3:57)
Bacalah uga kalak Kristen si mbarenda ras kalak Kristen si gundari ncidahken tanda bagi si ikataken Jesus.
“Apa Ciri-Ciri Kekristenan Sejati?” (Menara Pengawal 1 Maret 2012)
