Jahwe eme Dibata si teratur. (1 Korinti 14:33) Emaka ateNa umatNa pe teratur. Uga carana runggun Kristen iaturken? Kai si perlu silakoken i bas ndukung pengaturen e?

1. Ise nge kepala runggun?

‘Kristus kap kepala runggun.’ (Epesus 5:​23) Jesus minpin dahin umat Jahwe si lit i sebelang doni arah surga nari. Lantik Jesus piga-piga pertua si enggo erpengalamen jadi “budak si setia ras pentar” si igelari ka Badan Pinpinen. (Baca Matius 24:45-​47.) Badan Pinpinen mereken petunjuk man kerina runggun, bali bagi rasul-rasul ras pertua-pertua i Jerusalem sanga abad pertama mbarenda. (Perbahanen Rasul-Rasul 15:2) Tapi Badan Pinpinen e labo peminpin organisasi kami. Baca kalak e Pustaka si Badia gelah teh kalak e kai kin ate Jahwe si lakoken kalak e, janah nggit kalak e ngikutken petunjuk arah Jesus.

2. Kai maksudna pertua janah kai tugas kalak e?

Pertua eme kalak Kristen si dilaki si enggo terbukti setia. Pertua ngajari umat Dibata nggunaken Pustaka si Badia, sampatina janah pegegehina kalak e. Pertua la igaji. Tapi kalak e ngelayani “alu ukur meriah i lebe-lebe Dibata, labo alu ndarami keuntungen si la jujur tapi alu semangat.” (1 Petrus 5:1, 2) Lit ka dilaki-dilaki si nampati pertua bas runggun. Kalak e eme sinampati runggun. Kenca piga-piga waktu, sinampati runggun pe banci ka memenuhi syarat jadi pertua.

Badan Pinpinen ngelantik piga-piga pertua jadi pertua keliling. Dahi pertua keliling runggun guna mereken petunjuk man turang senina janah pegegehina kalak e. Lantik pertua keliling dilaki-dilaki jadi pertua ras sinampati runggun. Kalak si ilantik e arus memenuhi syarat-syarat si lit bas Pustaka si Badia.​—1 Timotius 3:1-10, 12; Titus 1:5-9.

3. Kai tugas tiap Saksi Jahwe?

Tiap Saksi Jahwe ‘muji gelar Jahwe’ bas perpulungen. Contohna mere komentar, mpeseh khotbah, ikut bas pelatihen erberita ras ngajar, bage pe rende. Puji kalak e ka Jahwe alu erberita asa ngasupna.​—Baca Masmur 148:12, 13.

 PELAJARI TERBAGESEN

4. Jesus eme peminpin si mehuli

Bereken Jesus undangen gelah kita jadi bagin runggun si ipinpinna. Bacalah Matius 11:28-30, kenca si e bahas penungkunen enda:

• Peminpin si uga kin Jesus e, janah uga nge atena perasanta ngidah ia?

5. Pertua-pertua jadi usihen si mehuli

1. Pertua erusaha gelah paguh kinitekenna ras keluargana

2. Pertua ermediate man kerina turang senina bas runggun

3.   Pertua teratur erberita

4. Pertua ngajarken Pustaka si Badia, tapi ikut ka ia mbersihken ingan perpulungen ras ndahiken tugas si deban

6. Kerja samalah kita ras pertua

Bas Pustaka si Badia ikataken engkai maka penting kita kerja sama ras pertua. Bacalah Heber 13:17, kenca si e bahas penungkunen enda:

• Engkai maka ikataken bas Pustaka si Badia kita arus patuh janah ngikutken kalak si minpin? Uga nge pendapatndu kerna si enda?

Bacalah Lukas 16:10, kenca si e bahas penungkunen enda:

• Engkai maka arus lalap kita patuh man pertua termasuk bas hal-hal si kitik?

 KESIMPULEN PELAJAREN ENDA

Jesus kap kepala runggun. Meriah ukurta kerja sama ras pertua perban kalak e patuh man Jesus, mehuli man banta, janah ajarina kita arah usihen si mehuli.

Kai si Enggo Sipelajari?

• Ise kepala runggun?

• Kai si lakoken pertua i bas nampati turang senina?

• Kai tugas tiap Saksi Jahwe?