PELAJAREN 21
Ise si Mberitaken Berita si Meriah?
Lanai ndekah, igunaken Jahwe KerajanNa guna nasapken kerina masalahta. Kerina kalak perlu meteh berita si meriah enda. Ate Jesus kerina muridna mpeseh berita si meriah e man kerina kalak. (Matius 28:19, 20) Kai si ilakoken Saksi-Saksi Jahwe guna matuhi perentah Jesus enda?
1. Uga Matius 24:14 terjadi gundari?
Mbarenda enggo ikataken Jesus, “Berita si meriah kerna Kerajan e iberitaken pagi man manusia i belang-belang doni.” (Matius 24:14) Meriah ukur Saksi-Saksi Jahwe ngelakoken tugas si penting e. Beritaken kami berita si meriah e i belang-belang doni bas lebih 1.000 bahasa. Mbelin kel pendahin e, emaka perlu kel pengaturen ras iusahaken kel ngelakokenca. Berita si meriah e la mungkin seh ku sebelang doni adi la kin isampati Jahwe.
2. Kai si ilakoken kami gelah banci erberita man kalak si deban?
Beritaken kami berita si meriah i japa pe. Bagi kalak Kristen abad pertama, kami erberita “arah rumah ku rumah.” (Perbahanen Rasul-Rasul 5:42) Erberita arah rumah ku rumah erban kami banci njumpai jutan kalak tiap tahun. Tapi labo lalap banci kalak ijumpai i rumah. Emaka erberita ka kami bas ingan si enterem jelma. Lalap darami kami kesempaten gelah banci ceritaken kami man kalak si deban kerna Jahwe bage pe kerna tujunNa.
3. Tanggung jawap ise nge mberitaken berita si meriah?
Kerina kalak Kristen situhu-tuhu ertanggung jawap mberitaken berita si meriah. Serius kel akap kami tanggung jawap enda. Emaka erberita kami asa bancina perban teh kami enda banci erban kalak selamat. (Baca 1 Timotius 4:16.) Kami labo igaji, sebap nina Pustaka si Badia, “Aloken kena alu la nggalar, emaka bereken ka alu la ngaloken penggalaren.” (Matius 10:7, 8) Amin pe la kerina kalak nggit megiken berita kami, tetap kami erberita. Perban e buktina patuh kami man Jahwe janah e erban meriah ukurNa.
PELAJARI TERBAGESEN
Sipelajari kari kai saja si ilakoken Saksi-Saksi Jahwe gelah banci erberita ku sebelang doni janah uga Dibata Jahwe nampati kalak e.
Erberita si meriah i belang-belang doni: (A) Kosta Rika, (B) Amerika Serikat, (C) Benin, (D) Thailand, (E) Yap, (F) Swedia
4. Usahaken kami kel njumpai kerina kalak
Usahaken Saksi-Saksi Jahwe kel mberitaken berita si meriah ku japa pe. Putar VIDEO, kenca si e bahas penungkunen enda:
-
Kai kapndu si menarik kerna usaha Saksi-Saksi Jahwe guna erberita si meriah?
Bacalah Matius 22:39 ras Roma 10:13-15, kenca si e bahas penungkunen enda:
-
Engkai maka banci sikataken mberitaken berita si meriah e, bukti keleng ate kami kalak si deban?
-
Uga nge perasan Jahwe man kalak si mberitaken berita si meriah?—Nen ayat 15.
5. Kami teman erdahin Dibata
Melala pengalamen si mbuktiken maka Jahwe nampati pendahin erberita. Contohna, bas Selandia Baru lit turang senina si gelarna Paul. Sanga erberita ia arah rumah ku rumah bas ciger wari, jumpa ia ras sekalak diberu. Bas wari e, sanga erpagi-pagi ertoto diberu e man Dibata, gunakenna gelar Dibata eme Jahwe. Pindona gelah lit kalak si reh ndahi ia guna nampati ia nandai Dibata. Nina Paul, “Telu jam kenca si e, enggo seh aku i lebe-lebe pintuna.”
Bacalah 1 Korinti 3:9, kenca si e bahas penungkunen enda:
-
Uga pengalamen ndai bage pe pengalamen si deban mbuktiken maka Jahwe nampati pendahin erberita?
Bacalah Perbahanen Rasul-Rasul 1:8, kenca si e bahas penungkunen enda:
-
Engkai maka perlu kami penampat Jahwe guna erberita si meriah?
Tehndu nge?
Tiap minggu bas perpulungen tengah pekan, dat kami pelatihen gelah reh beluhna kami mberitaken berita si meriah. Adi enggo pernah kam reh ku perpulungen e, uga nge menurutndu pelatihen e?
6. Patuhi kami perentah Dibata guna erberita
Bas abad pertama, enterem kalak si erusaha gelah pengikut Jesus ngadi erberita si meriah. Tapi kalak Kristen abad pertama, ‘pakena undang-undang guna mbela berita si meriah.’ (Pilipi 1:7) Gundari pe bage ka nge si ilakoken Saksi-Saksi Jahwe. a
Bacalah Perbahanen Rasul-Rasul 5:27-42, kenca si e bahas penungkunen enda:
-
Engkai maka la kami nggit ngadi erberita?—Nen ayat 29, 38, ras 39.
LIT SI NUNGKUN: “Engkai maka Saksi-Saksi Jahwe reh ku rumah-rumah?”
-
Uga nge nindu njawapsa?
KESIMPULEN PELAJAREN ENDA
Jesus nuruh kerina pengikutna guna mberitaken berita si meriah man kerina bangsa. Jahwe nampati umatNa guna ngelakoken pendahin e.
Kai si Enggo Sipelajari?
-
Ise si mberitaken berita si meriah?
-
Engkai maka banci sikataken mberitaken berita si meriah e, bukti keleng ate kami kalak si deban?
-
Menurutndu banci nge meriah ukurta adi siberitaken berita si meriah? Engkai?
DARAMI TERBUEN
Tontonlah uga Saksi-Saksi Jahwe erberita bas kota-kota besar.
Kai si ilakoken Saksi-Saksi Jahwe gelah banci erberita man pengungsi?
Tontonlah video si nceritaken kerna sekalak diberu si meriah ukurna perban ngelayani jadi perberita sepenuh waktu.
Bacalah piga-piga keputusen penting pengadilen si erbanca reh nukahna mberitaken berita si meriah.
“Perberita Kinirajan Maba Perkarana ku Pengadilen” (Kinirajan Dibata Merentah! pasal 13)
a Dibata si nuruh kami erberita, emaka labo lit hak pemerentah manusia ngelarang Saksi-Saksi Jahwe erberita si meriah.