PELAJAREN 22
Uga Carana gelah Banci Kam Ikut Erberita si Meriah?
Kenca kam erlajar Pustaka si Badia, banci saja merhat kam gelah kalak pe meteh kai si enggo pelajarindu e. Payo, kerina kalak perlu meteh kebenaren. Tapi, banci saja lit sitik biarndu nceritaken kai si enggo pelajarindu e. Mari sibahas uga carana gelah lanai kam mbiar ntah pe gugup janah meriah ukurndu mbagiken berita si meriah arah Pustaka si Badia.
1. Uga carana nceritaken kai si enggo pelajarindu man kalak si enggo tandaindu?
Nina murid-murid Jesus, “La terngadiken kami ngerana kerna kai si enggo idah kami ras si begi kami.” (Perbahanen Rasul-Rasul 4:20) Meherga kel akap kalak e kai si enggo pelajarina arah Jesus. Emaka merhat kalak e nceritakenca man kerina kalak. Bage ka nge perasanndu? Adi bage, daramilah kesempaten gelah banci ceritakenndu kai si enggo pelajarindu man keluarga bage pe man temanndu alu cara si mehamat.—Baca Kolose 4:6.
Si banci lakokenndu
-
Sanga ngerana-ngerana kam ras keluargandu, ceritakenlah sada topik arah Pustaka si Badia. Contohna nindu: “Lit kupelajari si menarik minggu enda.”
-
Bagikenlah sada ayat si mpegegehi man temanndu si sangana sakit ntah pe sangana kuatir.
-
Adi lit teman sada dahinndu si nungkun kai saja si lakokenndu bas minggu e, banci ceritakenndu kai si enggo pelajarindu sanga kam erlajar Pustaka si Badia ntah pe sanga kam reh ku perpulungen.
-
Tuduhken man temanndu situs web jw.org.
-
Sanga kam erlajar Pustaka si Badia, ajak kalak si deban gelah ikut erlajar ras kam ntah pe cidahken man bana uga carana mindo guna erlajar Pustaka si Badia arah jw.org.
2. Engkai maka perlu banndu tujunndu guna erberita radu ras turang senina?
Murid-murid Jesus erberita labo man kalak si enggo tandaina saja. ‘Isuruh Jesus kalak e dua-dua ngelebei ia ku tiap kota’ guna erberita. (Lukas 10:1) Dahin erberita si enggo iaturken e erban melala kalak dat kesempaten guna megiken berita si meriah. Janah meriah kel ukur kalak e perban ras-ras erberita. (Lukas 10:17) Emaka banlah erberita radu ras turang senina jadi tujunndu.
PELAJARI TERBAGESEN
Sibahas kari uga carana gelah la kam mbiar erberita janah meriah ukurndu ngelakokenca.
3. Pasti kam sampati Jahwe
Lit kalak si erberita atena tapi mbiar ia uga kari ning kalak.
-
Gugup nge kam nceritaken kai si enggo pelajarindu? Adi ue, engkai? Adi lang, engkai?
Putar VIDEO, kenca si e bahas penungkunen enda:
-
Engkai maka dungna Saksi Jahwe si nguda denga e lanai mbiar?
Bacalah Jesaya 41:10, kenca si e bahas penungkunen enda:
-
Engkai maka perlu kam ertoto sanga mbiar kam erberita?
Tehndu nge?
Enterem Saksi Jahwe si la kapna mungkin ia erberita man kalak si deban. Contohna Sergey. La akapna erguna bana janah mesera akapna ngerana ras kalak si deban. Tapi, kenca erlajar Pustaka si Badia ia, bagenda nina, “Amin pe mbiar aku, tapi mulai kuceritaken man kalak si deban kai si enggo kupelajari. Luar biasa kel kuakap. Kepeken sanga kuceritaken kai si enggo kupelajari arah Pustaka si Badia, dungna jadi lebih percaya diri aku janah kinitekenku pe reh paguhna.”
4. Mehamatlah kam
Sanga erberita kam man kalak si deban, ukurilah lebe kai atendu si katakenndu ras uga cara ngatakenca. Bacalah 2 Timotius 2:24 ras 1 Petrus 3:15, kenca si e bahas penungkunen enda:
-
Kai nge si perlu lakokenndu gelah sesuai carandu erberita ras ayat e?
-
Piga-piga keluargandu ntah pe temanndu banci saja la setuju ras kai si katakenndu. Kai si banci lakokenndu? Kai si la perlu lakokenndu?
-
Engkai maka ulin tukar pikiren asangken sipaksaken kinitekenta man kalak?
5. Erberita si meriah erban meriah ukurta
Suruh Jahwe Jesus mberitaken berita si meriah. Uga nge akap Jesus pendahin e? Bacalah Johanes 4:34, kenca si e bahas penungkunen enda:
-
Adi sipan pangan si entabeh ras si ergizi, banci kita nggeluh janah meriah ukurta. Engkai maka peseri Jesus ngelakoken peraten Dibata, termasuk mberitaken berita si meriah, bali bagi man pangan?
-
Keriahen ukur kai nge si banci sidat adi erberita si meriah kita?
Saran
-
Sanga reh kam ku perpulungen tengah pekan, perdiatekenlah uga saja carana mbenai percakapen.
-
Sungkunilah man si ngajari kam erlajar Pustaka si Badia uga carana gelah banci kam jadi siswa bas perpulungen tengah pekan. Pelatihen si datndu i je banci nampati kam gelah reh beluhna nceritaken kai si enggo pelajarindu man kalak si deban.
-
Bas buku enda lit bagin “Lit si Ngataken” ntah pe “Lit si Nungkun.” Latihenlah kam nggunaken bagin e gelah tehndu uga cara njawap penungkunen ntah pe pendapat si biasa kataken kalak.
LIT SI NUNGKUN: “Uga beritandu?”
-
Uga nge kam nggunaken kesempaten e gelah banci ceritakenndu kai si enggo pelajarindu arah Pustaka si Badia?
KESIMPULEN PELAJAREN ENDA
Mberitaken berita si meriah erban meriah ukurta janah labo mesera ngelakokenca.
Kai si Enggo Sipelajari?
-
Engkai maka perlu siberitaken berita si meriah?
-
Uga cara si mehamat i bas mberitaken berita si meriah?
-
Kai si banci lakokenndu gelah lanai kam mbiar ntah pe gugup sanga erberita?
DARAMI TERBUEN
Tontonlah empat cara erberita si meriah nggunaken kartu kontak jw.org.
Bacalah empat sipat si banci nampati kita erberita.
“Enggo nge Akapndu Kam Ngasup Jadi Penjala Manusia?” (Sora Ermomo September 2020)
Tontonlah contoh si lit bas Pustaka si Badia si banci nampati kita pang erberita si meriah amin gia nguda denga.
Perdiatekenlah uga carana erberita man keluarga si lenga nandai Jahwe.
“Menyentuh Hati Kerabat yang Tak Seiman” (Menara Pengawal 15 Maret 2014)
