PELAJAREN 28
Ngata Bujurlah Kita Perban Kai si Enggo Lakoken Jahwe ras Jesus
Uga nge perasanndu sanga lit temanndu mereken hadiah? Pasti meriah ukurndu, janah ngata bujur atendu man bana. Jahwe ras Jesus enggo mereken hadiah si mehulina kel asangken kerina hadiah si banci sialoken. Kai e, janah kai si banci silakoken guna ngata bujur perban hadiah e?
1. Uga carana ngata bujur perban kai si enggo lakoken Dibata ras Jesus man banta?
Bas Pustaka si Badia lit ijanjiken maka “ise pe si erkiniteken man [Jesus]” banci nggeluh rasa lalap. (Johanes 3:16) Kai kin maksudna erkiniteken? Erkiniteken labo bias terjeng tek saja man Jesus. Tapi perlu sibuktiken kinitekenta, arah keputusen-keputusenta bage pe arah perbahanenta. (Jakup 2:17) Sanga sibuktiken kinitekenta arah perbahanenta bage pe rananta, reh deherna kita ras Jesus bage pe ras Bapakna eme Jahwe.—Baca Johanes 14:21.
2. Acara istimewa kai si banci mereken kesempaten man banta guna ngata bujur man Jahwe ras Jesus?
Bas berngi sope kematen Jesus, ikataken Jesus man pengikut-pengikutna cara si deban i bas mbuktiken pengerganta man korban tebusen si enggo berekenna. Ipetandakenna sada acara si istimewa si igelari Peringet-ingeten Kematen Kristus. (1 Korinti 11:20) Iban Jesus acara e gelah kerina rasul bage pe kerina kalak Kristen, banci nginget pengorbanenna man banta. Kerna acara e, iperentahken Jesus, “Teruslah lakoken enda jadi peringet-ingeten man bangku.” (Lukas 22:19) Sanga reh kam ku acara Peringet-ingeten, buktikenndu maka ngata bujur kel kam perban kekelengen si mbelin si enggo cidahken Jahwe ras Jesus man banta.
PELAJARI TERBAGESEN
Sibahas kari terbagesen uga carana mbuktiken pengatan bujurta perban kekelengen si mbelin si enggo cidahken Jahwe ras Jesus man banta. Sibahas ka kari engkai maka seh kel pentingna Peringet-ingeten Kematen Kristus.
3. Kai nge si banci silakoken guna mbuktiken pengatan bujurta?
Bayangken lit kalak si nelamatken kam sanga kam hampir tenggelam. Mis nge kam lupa kai si ilakokenna e? Ntah daramindu cara guna mbuktiken pengatan bujurndu perban kai si enggo lakokenna?
Kita rutang kegeluhen man Jahwe. Bacalah 1 Johanes 4:8-10, kenca si e bahas penungkunen enda:
-
Engkai maka korban tebusen Jesus e hadiah si istimewa?
-
Uga nge perasanndu kenca enggo tehndu kai si enggo ilakoken Jahwe ras Jesus man bandu?
Uga nge cara ncidahken pengerganta man kai si enggo lakoken Jahwe ras Jesus man banta? Bacalah 2 Korinti 5:15 ras 1 Johanes 4:11; 5:3. Kenca si e bahas penungkunen enda:
-
Menurut ayat e, uga nge carata ncidahken pengerganta?
4. Usihlah Jesus
Cara si debanna ncidahken pengerganta eme alu ngusih Jesus. Bacalah 1 Petrus 2:21, kenca si e bahas penungkunen enda:
-
Uga carana ngikutken dalan-dalan Jesus alu megermet?
Keleng ate Jesus Kata Dibata, erberita si meriah ia, ras sampatina kalak si deban
5. Rehlah kam ku Peringet-ingeten Kematen Kristus
Uga nge acara Peringet-ingeten Kematen Kristus si tangtangna mbarenda? Guna metehsa bacalah Lukas 22:14, 19, 20. Kenca si e bahas penungkunen enda:
-
Uga nge acarana Peringet-ingeten Kematen Kristus?
-
Kai nge erti roti ras anggur e?—Nen ayat 19 ras 20.
Ate Jesus wari kematenna iperingeti murid-muridna tiap tahun. Emaka tiap tahun Saksi-Saksi Jahwe pulung guna mperingeti kematen Jesus Kristus bagi si enggo perentahken Jesus. Guna meteh kerna acara si penting e, putar VIDEO. Kenca si e bahas penungkunen enda:
-
Uga nge acarana bas Peringet-ingeten Kematen Jesus?
Roti bas acara Peringet-ingeten ngertiken daging Jesus si sempurna si korbankenna man banta, janah anggur ngertiken darehna
LIT SI NGATAKEN: “Adi tek kita man Jesus, enggo pasti kita selamat.”
-
Uga nge nindu njelaskenca maka lit denga nge si arus silakoken sesuai ras Johanes 3:16 ras Jakup 2:17?
KESIMPULEN PELAJAREN ENDA
Sicidahken pengerganta man kai si enggo ilakoken Jesus alu erkiniteken man bana ras reh ku acara Peringet-ingeten kematenna.
Kai si Enggo Sipelajari?
-
Kai maksudna erkiniteken man Jesus?
-
Uga carana ngata bujur perban kai si enggo lakoken Dibata ras Jesus man banta?
-
Engkai seh kel pentingna reh ku acara Peringet-ingeten Kematen Kristus?
DARAMI TERBUEN
Kai nge ateta silakoken perban Jesus nggit mate guna kita?
Pelajarilah terbuen kai maksudna kiniteken, janah uga cara mbuktiken kiniteken e.
“Erkinitekenlah Nandangi Janji Jahwe” (Sora Ermomo Oktober 2016)
Nenlah kai pengaruhna man sekalak diberu kenca erlajar ia kerna tebusen bas pengalamen si judulna, “Saya Bebas dari Rasa Bersalah, dan Bisa Menikmati Kehidupan.”
“Alkitab Mengubah Kehidupan” (Menara Pengawal 1 Agustus 2011)
Engkai maka sitik ngenca si man roti ras minem anggur bas acara Peringet-ingeten Kematen Kristus?
