Pernah nge kam kuatir ngukuri pendahin ntah pe sen? Memang, mon-mon labo menukah ncukupi kebutuhenta sekaligus mereken si mehulina bas ngelayani Jahwe. Tapi, bas Pustaka si Badia lit pedah-pedah si banci nampati kita.

1. Kai nina Pustaka si Badia kerna pendahin?

Ate Dibata, meriah min siakap ndahiken pendahinta. Bas Pustaka si Badia ikataken maka “si mehulina man manusia eme . . . ngenanami kerja kerasna.” (Pengerana 2:24) Jahwe lalap kerja keras. Adi siusih Ia alu rajin erdahin, enda banci erban meriah ukurNa janah kita pe puas siakap.

Pendahin memang penting. Tapi, ula min pentingen siakap e asangken ngelayani Dibata Jahwe. (Johanes 6:27) Adi siutamaken ngelayani Jahwe, erjanji Jahwe maka pasti berekenNa kebutuhenta.

2. Uga nge arusna perukurenta kerna sen?

Bas Pustaka si Badia ikataken maka “sen banci ngelindungi.” Tapi, lit ka persinget maka sen la banci erban kita tuhu-tuhu bahagia. (Pengerana 7:12) Emaka ipersingeti Pustaka si Badia kita gelah ula mata duiten tapi ‘puaslah siakap man kai si lit’ bas kita. (Baca Heber 13:5.) Adi puas kita nandangi kai si lit bas kita, la kita stres ngayaki sen. La ka melala utangta. (Kuan-kuanen 22:7) Selain si e, la kita nggit erjudi, emaka la sigejapken akibat si la mehuli perban erjudi. Janah la kita tertipu man bisnis si njanjiken meter kita bayak.

3. Uga cara nggunaken sen alu la mentingken bana?

Jahwe e Dibata si meriah ukurNa mere, emaka adi ‘nggit kita mere, ras nggit kita erbagi,’ kita enggo ngusih Dibata Jahwe. (1 Timotius 6:18) Banci sipake senta guna ndukung runggun ras nampati kalak si merluken, khususna turang seninata si sada kiniteken. Si pentingna bas Jahwe labo asa kai buena pemereta, tapi kai alasenta mere. Adi meriah ukurta mere, banci sigejapken keriahen ukur janah Jahwe pe senang.​—Baca Perbahanen Rasul-Rasul 20:35.

 PELAJARI TERBAGESEN

4. Muliakenlah Jahwe arah carata erdahin

 5. Kai gunana adi lit perasan puas bas kita?

Enterem kalak si lalap ngayaki sen. Tapi kai nasehat Pustaka si Badia? Bacalah 1 Timotius 6:6-8, kenca si e bahas penungkunen enda:

• Menurut ayat e, uga nge arusna perukurenta?

6. Pasti lalap cukupi Jahwe keperlunta

 KESIMPULEN PELAJAREN ENDA

Pendahin ras sen e penting, tapi ula min pentingen siakap e asangken ngelayani Jahwe.

Kai si Enggo Sipelajari?

• Kai si banci nampati kam gelah benar perukurenndu kerna pendahin?

• Kai nge gunana adi puas akapndu nandangi kai si lit bas kam?

• Kai si banci lakokenndu guna mbuktiken maka tek kam pasti cukupi Jahwe keperlun umatNa?