PELAJAREN 39
Uga nge Perukuren Dibata kerna Dareh?
Dareh seh kel pentingna. Adi la lit dareh, la kita banci nggeluh. Perban Dibata Pencipta, Ia si erhak nentuken uga dareh e igunaken. Kai nge nina Dibata kerna dareh? Banci nge kita man dareh ntah pe sialoken transfusi dareh? Uga nge carana gelah banci banndu keputusen si benar kerna si e?
1. Uga nge perukuren Jahwe kerna dareh?
Nina Jahwe man umatNa si mbarenda, “Kegeluhen kerina si nggeluh lit bas darehna.” (Imamat 17:14) Menurut Jahwe, kegeluhen lit bas dareh. Kegeluhen eme pemere Dibata janah kegeluhen e badia, emaka dareh pe badia.
2. Perentah kai si bereken Dibata kerna dareh?
Sanga runggun Kristen lenga ibentuk, iperentahken Jahwe umatNa gelah ula man dareh. (Baca Kejadin 9:4 ras Imamat 17:10.) Kenca runggun Kristen ibentuk pe, iulihi Jahwe ka perentah e. Ibereken badan pinpinen petunjuk man kalak Kristen, “Pedauhlah diri kena . . . arah dareh.”—Baca Perbahanen Rasul-Rasul 15:28, 29.
Kai kin maksudna mpedauh diri arah dareh? Adi suruh dokter kam mpedauh dirindu arah alkohol, pasti la inemndu. Tapi, panndu nge pangan si lit alkoholna ntah masukkenndu nge alkohol e arah pembuluh darehndu? Pasti lang. Bage ka pe, iperentahken Dibata kita mpedauh diri arah dareh, ertina la sipan ntah pe siinem dareh, bage pe la sipan daging si darehna lenga icurcurken. Kita pe la nggit man kai pe si enggo icampurken ras dareh.
Uga kerna penggunan dareh secara medis? Piga-piga perawaten medis jelas-jelas enggo ngelanggar undang-undang Dibata. Enda termasuk transfusi dareh utuh, bage pe transfusi salah sada bagin utama arah dareh. Misalna, sel darah merah, sel darah putih, trombosit, ras plasma. Tapi lit perawaten medis si lenga tentu ngelanggar undang-undang Dibata. Contohna, perawaten medis si nggunaken fraksi darah arah salah sada bagin utama dareh, bage pe perawaten medis si nggunaken darehta sendiri. Sanga milih perawaten medis si bage, tiap kalak arus erban keputusen sendiri. a—Galati 6:5.
PELAJARI TERBAGESEN
Sibahas kari uga kita banci erban keputusen kerna perawaten medis si nggunaken dareh.
3. Pilihlah perawaten medis si erban meriah ukur Jahwe
Sanga kam arus milih perawaten medis, uga kam banci erban keputusen si sesuai ras perukuren Jahwe kerna dareh? Putar VIDEO, janah bahas engkai maka perlu siikuti petunjuk si lit i teruh enda:
-
Pindolah kepentaren man Dibata.—Jakup 1:5.
-
Daramilah prinsip-prinsip Pustaka si Badia si cocok, janah ukurilah uga cara ndalankenca.—Kuan-kuanen 13:16.
-
Daramilah informasi perawaten medis kai saja si lit bas daerahndu.
-
Tentukenlah perawaten medis si apai si la atendu alokenndu.
-
Pastikenlah pilihenndu e la ngganggu pusuh peratenndu.—Perbahanen Rasul-Rasul 24:16. b
-
Sope kam erban keputusen si lit hubungenna ras pusuh peraten, ingetlah maka la lit kalak si banci erban keputusen man bandu, la soal ia teman geluhndu, pertua, ntah pe si nampati kam erlajar Pustaka si Badia.—Roma 14:12.
-
Kenca banndu keputusen, tulislah keputusenndu e gelah banci teh kalak si deban.
4. Saksi-Saksi Jahwe erusaha ndatken perawaten medis si mehulina
Banci kita patuh man undang-undang Dibata kerna dareh janah tetap ndatken perawaten medis si mehulina si la nggunaken dareh. Putar VIDEO.
Bacalah Titus 3:2, kenca si e bahas penungkunen enda:
-
Sanga kita ngerana ras dokter, engkai maka arus lalap siergai ia janah lembut kita?
|
La banci sialoken |
Keputusen pribadi |
|---|---|
|
A. Plasma darah |
Fraksi arah plasma |
|
B. Sel darah putih |
Fraksi arah sel darah putih |
|
C. Trombosit |
Fraksi arah trombosit |
|
D. Sel darah merah |
Fraksi arah sel darah merah |
5. Perawaten medis si nggunaken fraksi darah
Lit empat bagin utama dareh: sel darah merah, sel darah putih, trombosit, ras plasma. Empatna bagin enda banci ibagi jadi bagin-bagin si terkitiken si biasa ikataken fraksi darah. c Piga-piga fraksi darah igunaken bas bidang kedokteran guna nampati ngelawan penakit ntah pe mpengadi pendarahen.
Sanga erban keputusen kerna perawaten si nggunaken fraksi darah, tiap kalak Kristen arus erban keputusenna sendiri. Keputusenna e arus sesuai ras pusuh peratenna si enggo ilatih prinsip-prinsip Pustaka si Badia. Lit kalak Kristen si la nggit ngaloken perawaten si nggunaken fraksi darah. Tapi, lit ka kalak Kristen si nggit ngaloken fraksi darah perban pusuh peratenna la ngelarang ia.
Sanga erban keputusen si bage, cuba ukuri penungkunen enda:
-
Uga aku banci njelasken man dokter, engkai maka kualoken ntah pe kutulak fraksi darah tertentu?
LIT SI NGATAKEN: “Labo lit salahna transfusi dareh, perban banci selamatkenna geluhta.”
-
Uga nge menurutndu?
KESIMPULEN PELAJAREN ENDA
Ate Jahwe sianggap min dareh e badia.
Kai si Enggo Sipelajari?
-
Engkai maka anggap Jahwe dareh e badia?
-
Janari siteh maka perentah Dibata guna mpedauh diri arah dareh termasuk la banci ngaloken transfusi dareh?
-
Uga kam banci erban keputusen si benar kerna perawaten medis si nggunaken dareh?
DARAMI TERBUEN
Kai saja si perlu ukurindu sanga banndu atendu keputusen alokenndu ntah lang perawaten medis si nggunaken darehndu sendiri?
Kai saja si perlu ukurindu sanga banndu atendu keputusen alokenndu ntah lang fraksi darah?
Kai si erban sekalak dokter tek maka cara rukur Dibata kerna dareh e masuk akal?
“Saya Menerima Pandangan Allah tentang Darah” (Sedarlah! 8 Desember 2003)
Uga pertua-pertua si nampati bas Panitia Penghubung Rumah Sakit nampati turang seninana?
a Nen Pelajaren 35, “Cara Erban Keputusen si Mehuli.”
b Nen nomor 5, “Perawaten Medis si Nggunaken Fraksi Darah,” bage pe Cataten 3, “Perawaten Medis si Lit Hubungenna ras Dareh.”
c Lit piga-piga dokter si anggapna empat bagin utama dareh e fraksi darah. Emaka pastikenlah enggo iangkai dokterndu maka kam la nggit ngaloken transfusi dareh utuh bage pe sel darah merah, sel darah putih, trombosit, ras plasma darah.
