PELAJAREN 41
Kai Nina Pustaka si Badia kerna Seks?
Enterem kalak mehangke akapna ncakapken kerna seks. Tapi sanga bahas Pustaka si Badia kerna seks, carana terus terang ras mehamat. Kai si kataken Pustaka si Badia e erguna man banta. Enda masuk akal, perban Pustaka si Badia e rehna arah Jahwe. Jahwe e Penciptata janah tehNa kai si mehulina man banta. KatakenNa man banta kai si arus silakoken gelah banci erban meriah ukurNa, janah gelah banci kita nggeluh ermeriah ukur seh rasa lalap.
1. Uga nge perukuren Jahwe kerna seks?
Seks eme pemere Jahwe. AteNa sekalak dilaki ras sekalak diberu si enggo erjabu ndatken keriahen ukur sanga ngelakokenca. Pemere e erban pasangen si enggo erjabu banci lit anakna. Selain si e, arah seks, pasangen si enggo erjabu banci cidahkenna kekelengenna man teman geluhna. E me sebapna bas Pustaka si Badia ikataken, “Mbera-mbera meriah ukurndu ras diberu si empoindu paksa ngudandu.” (Kuan-kuanen 5:18, 19) Ate Jahwe kalak Kristen tetap setia man teman geluhna. Emaka kalak Kristen la nggit erlua-lua.—Baca Heber 13:4.
2. Kai maksudna perbahanen seks si salah?
Nina Pustaka si Badia, ‘kalak si ngelakoken perbahanen seks si salah, la pagi warisina Kerajan Dibata.’ (1 Korinti 6:9, 10) Kata Junani perbahanen seks si salah si igunaken penulis Pustaka si Badia eme porneia. Si termasuk ku bas porneia eme (1) hubungen seks a antara sekalak dilaki ras diberu si labo teman geluhna, (2) hubungen seks sesama jenis, ras (3) hubungen seks ras binatang. Adi ‘sipedauh dirita arah perbahanen seks si salah,’ meriah siban ukur Jahwe janah erguna man banta.—1 Tesalonika 4:3.
PELAJARI TERBAGESEN
Sibahas kari uga carana gelah la silakoken perbahanen seks si salah. Sibahas ka kari kai gunana man banta adi bersih lagu langkahta.
3. Kiamlah arah perbahanen seks si salah
Lit sekalak umat Dibata si gelarna Jusup. Sanga ajak sekalak diberu ia ngelakoken hubungen seks, la ia nggit. Bacalah Kejadin 39:1-12, kenca si e bahas penungkunen enda:
-
Engkai maka kiam Jusup arah diberu e?—Nen ayat 9.
-
Menurutndu, enggo nge benar keputusen Jusup e? Engkai maka bage nindu?
Uga carana kalak si nguda denga banci ngusih Jusup janah kiam arah perbahanen seks si salah? Putar VIDEO.
Ate Jahwe situlak min perbahanen seks si salah. Bacalah 1 Korinti 6:18, kenca si e bahas penungkunen enda:
-
Situasi kai nge si banci erban kalak tergoda ngelakoken perbahanen seks si salah?
-
Kai nge si banci lakokenndu gelah banci kiam arah perbahanen seks si salah?
4. Banci kam berhasil ngelawan godan
Kai si banci erban mesera siakap ngelawan godan guna ngelakoken perbahanen seks si salah? Putar VIDEO, kenca si e bahas penungkunen enda:
-
Bas video e, kenca teh turang seninata e maka pikirenna ras perbahanenna banci erban ia la setia man teman geluhna, kai nge si lakokenna?
Kalak Kristen si setia pe, mon-mon mesera kapna njaga perukurenna tetap bersih. Kai si perlu lakokenndu gelah la terus ukurindu kai pe si lit hubungenna ras perbahanen seks si salah? Bacalah Pilipi 4:8, kenca si e bahas penungkunen enda:
-
Kai saja nge si perlu siukuri?
-
Adi teratur kita mbaca Pustaka si Badia janah sibuk kita ngelakoken pelayanenta man Jahwe, engkai maka e banci nampati kita nulak godan?
5. Standar Jahwe erguna man banta
Iteh Jahwe kai si mehulina man banta. KatakenNa uga carana gelah bersih perukuren ras perbahanenta janah kai gunana adi bersih perukuren ras perbahanenta. Bacalah Kuan-kuanen 7:7-27 janah putar VIDEO, kenca si e bahas penungkunen enda:
-
Uga maka sempat dilaki si nguda e lit bas situasi si menggoda?—Nen Kuan-kuanen 7:8, 9.
-
Menurut Kuan-kuanen 7:23, 26, parah kel akibatna adi ngelakoken perbahanen seks si salah. Adi bersih perukuren ras perbahanenta, kita banci bebas arah masalah kai saja?
-
Adi bersih perukuren ras perbahanenta, engkai maka banci kita nggeluh ermeriah ukur seh rasa lalap?
Lit kalak si erpengakap kai si ikataken Pustaka si Badia kerna homoseks e kejam. Tapi, Jahwe eme Dibata si perkeleng. AteNa kerina kalak nggeluh ermeriah ukur seh rasa lalap. Gelah sidat kegeluhen e, arus siikutken standar Jahwe. Bacalah 1 Korinti 6:9-11, kenca si e bahas penungkunen enda:
-
Sura-sura ngelakoken homoseks saja nge ngenca si la ngena ate Jahwe?
Gelah banci erban meriah ukur Dibata, kita kerina perlu erban perubahen bas geluhta. Lit nge gunana adi siusahaken ngelakokenca? Bacalah Masmur 19:8, 11, kenca si e bahas penungkunen enda:
-
Menurutndu banci nge siikutken standar Jahwe kerna perukuren ras perbahanen? Engkai maka bage nindu?
Enggo enterem kalak si isampati Jahwe ngikutken standarNa kerna lagu langkah. Kam pe pasti banci sampatiNa.
LIT SI NGATAKEN: “Labo salah erhubungen seks, si penting singenan.”
-
Uga nge nindu man bana?
KESIMPULEN PELAJAREN ENDA
Seks e pemere Jahwe. Kalak si enggo erjabu banci datna keriahen ukur sanga ngelakokenca ras teman geluhna.
Kai si Enggo Sipelajari?
-
Kai saja nge si termasuk bas perbahanen seks si salah?
-
Kai si banci nampati kita gelah la silakoken perbahanen seks si salah?
-
Kai nge gunana man banta adi siikutken standar Jahwe kerna perukuren ras perbahanen?
DARAMI TERBUEN
Uga nge perasan Dibata ngidah pasangen si ras-ras tading tapi lenga erjabu?
“Apa Kata Alkitab tentang Tinggal Bersama Sebelum Menikah?” (Artikel web)
Amin pe bas Pustaka si Badia homoseks e ilarang, labo lit suruhna gelah segat ateta kalak si ngelakoken homoseks. Engkai?
Engkai maka undang-undang Dibata kerna seks banci ngelindungi kita?
Bas pengalamen “Saya Merasa Dihargai,” bacalah uga sekalak dilaki dungna banci berubah perban meriah atena banna ukur Dibata, amin pe mbarenda ia homo.
a Hubungen seks si ilarang enda termasuk erbage-bage perbahanen seks, contohna hubungen seks arah babah, hubungen seks arah anus, bage ka pe njemak-njemak ntah pe ngerangsang alat kelamin kalak si deban alu sengaja.
