PELAJAREN 44
Meriah nge Ukur Dibata Ngidah Kerina Perayan?
Ate Jahwe meriah min siakap ndalani kegeluhenta, janah banci ka sirayaken acara tertentu. Tapi meriah nge ukur Jahwe ngidah kerina perayan? Uga kita banci ncidahken kekelengen man Jahwe sanga siban keputusen kerna si e?
1. Engkai maka melala perayan si la ngena ate Jahwe?
Banci saja la isangkandu melala perayan si la sesuai ras Pustaka si Badia, janah lit si rehna arah ajaren agama palsu. Lit perayan si lit hubungenna ras malekat-malekat jahat ntah pe ajaren si ngataken maka tendi manusia la banci mate. Lit perayan si rehna arah takhayul ntah pe kepercayan man keberuntungen. (Jesaya 65:11) Ipersingeti Jahwe umatNa, “Pisahkenlah diri kena . . . ula nai kuit kai si najis.”—2 Korinti 6:17. a
2. Uga nge perasan Jahwe ngidah perayan si mereken kemulian man manusia?
Ipersingeti Jahwe kita gelah ula “tek man manusia.” (Baca Jeremia 17:5.) Lit perayan si mereken kemulian man penguasa-penguasa ntah pe pahlawan. Lit ka perayan si tujunna ngerayaken wari kemerdekan janah iberekenna kemulian man lambang negara, contohna bendera. (1 Johanes 5:21) Selain si e, lit ka perayan si ndukung organisasi politik ntah pe sosial. Uga nge perasan Jahwe adi simuliaken manusia ntah pe sada organisasi, apai ka organisasi e ndukung kai si ertentangen ras sura-sura Dibata?
3. Kai saja nge si la mehuli si biasana ilakoken bas piga-piga perayan?
Bas Pustaka si Badia ikataken ula min kita “mabuk-mabuk, pesta pora, [ras] pesta minem-minem.” (1 Petrus 4:3) Bas piga-piga perayan, ate-ate kalak perbahanenna bas perayan e, janah lakokenna ka perbahanen seks si salah. Gelah banci kita tetap jadi teman Jahwe, arus kita ndauh arah perbahanen si la bersih e.
PELAJARI TERBAGESEN
Sibahas kari uga carana gelah banci banndu meriah ukur Jahwe arah keputusenndu si bijaksana kerna perayan.
4. Tulaklah perayan si la ngena ate Jahwe
Bacalah Epesus 5:10, kenca si e bahas penungkunen enda:
-
Kai nge si perlu pastikenndu lebe sope putuskenndu ikutkenndu sada perayan ntah lang?
-
Perayan kai saja nge si biasa irayaken kalak bas daerahndu?
-
Menurutndu, meriah nge ukur Jahwe ngidah perayan-perayan e?
Contohna, pernah nge kam tersungkun-sungkun uga perasan Jahwe kerna perayan ulang tahun? Bas Pustaka si Badia, la lit iceritakenna umat Jahwe si ngerayaken ulang tahun. Tapi, lit icatat dua perayan ulang tahun. Duana perayan e irayaken kalak si la nembah Jahwe. Bacalah Kejadin 40:20-22 ras Matius 14:6-10. Kenca si e bahas penungkunen enda:
-
Kai si seri arah duana perayan ulang tahun e?
-
Kenca bacandu duana kejadin si lit bas Pustaka si Badia e, menurutndu uga nge perasan Jahwe kerna perayan ulang tahun?
Tapi banci saja tersungkun-sungkun denga kam, ‘Tuhu nge la meriah ukur Jahwe adi ikut aku bas perayan ulang tahun ntah pe perayan si deban si la sesuai ras Pustaka si Badia?’ Bacalah Keluaren 32:1-8. Kenca si e, putar VIDEO janah bahas penungkunen enda:
-
Engkai maka perlu terus sipastiken kai si erban meriah ukur Jahwe?
-
Uga cara ngelakokenca?
Janari siteh sada perayan erban meriah ukur Jahwe ntah lang?
-
Janari nge rehna perayan e, arah ajaren si la sesuai ras Pustaka si Badia nge? Daramilah informasi kerna asal usul perayan e.
-
Ise nge si imuliaken bas perayan e, manusia, sada organisasi, ntah lambang negara nge? Jahwe ngenca si patutna imuliaken, janah Ia ngenca si banci ndungi kerina masalah si lit bas doni enda.
-
Bas perayan e lit nge si ilakoken si la sesuai ras standar Pustaka si Badia? Arus tetap bersih perbahanenta.
5. Usahakenlah gelah ergai kalak kinitekenndu
Memang banci jadi mesera kapndu nulaksa sanga ajak kalak kam ikut bas perayan si la ngena ate Jahwe. Tapi perlu usahakenndu njelasken keputusenndu alu sabar ras mehamat. Guna meteh uga contoh ngelakokenca, putar VIDEO.
Bacalah Matius 7:12, kenca si e bahas penungkunen enda:
-
Arah ayat e, ise nge si arusna erban keputusen kerna ikut nge ntah lang keluargandu si la sada kiniteken i bas sada perayan?
-
Kai nge si banci lakokenndu gelah tek keluargandu maka tetap nge kelengindu ia ras ergaindu ia aminna pe la kam ikut bas perayanna?
6. Ate Jahwe meriah min ukurta
Ate Jahwe kita ermeriah-meriah ras keluargata bage pe teman-temanta. Bacalah Pengerana 8:15, kenca si e bahas penungkunen enda:
-
Kai nina ayat e si mbuktiken maka ate Jahwe meriah min ukurta?
Ate Jahwe meriah min ukur umatNa pulung ras-ras ntah pe bergaul. Putar VIDEO guna meteh uga umat Jahwe meriah kapna bergaul bas pertemuan internasional.
Bacalah Galati 6:10, kenca si e bahas penungkunen enda:
-
Sanga lit perayan saja nge banci silakoken “kai si mehuli” man kalak?
-
Apai nge riahen ukurndu: Berekenndu hadiah perban lit perayan, ntah berekenndu hadiah katawari atendu berekenndu?
-
Melala Saksi Jahwe si sekali-sekali erban acara man anakna janah berekenna hadiah si la isangka-sangka anakna e. Adi lit anakndu, kai saja nge si banci berekenndu ntah lakokenndu gelah meriah ukurna?
LIT SI NGATAKEN: “Asal usul perayan e labo penting. Si penting meriah siakap pulung ras keluarga bage pe teman-temanta.”
-
Uga nge nindu man bana?
KESIMPULEN PELAJAREN ENDA
Ate Jahwe lit waktuta ermeriah-meriah ras keluarga bage pe teman-temanta. Tapi la ateNa kita ikut bas perayan si la ngena ateNa.
Kai si Enggo Sipelajari?
-
Janari tehndu meriah nge ukur Jahwe ngidah sada perayan ntah lang?
-
Uga ninta njelasken man keluargata bage pe teman-temanta kerna alasenta la ikut bas sada perayan?
-
Janari siteh maka meriah min ate Jahwe ukurta janah meriah siakap bergaul?
DARAMI TERBUEN
Perdiatekenlah piga-piga perayan si la irayaken kalak Kristen.
“Mengapa Saksi-Saksi Yehuwa Tidak Merayakan Hari Raya Tertentu?” (Artikel web)
Engkai maka tek kami maka la meriah ukur Dibata ngidah perayan ulang tahun? Bacalah empat alasenna.
“Mengapa Saksi-Saksi Yehuwa Tidak Merayakan Ulang Tahun?” (Artikel web)
Tontonlah uga anak-anak si engkelengi Jahwe banci erban meriah ukur Jahwe sanga lit perayan tertentu.
Jutan kalak Kristen la ngerayaken Natal. Menyesal nge kalak e perban keputusenna e?
“Mereka Menemukan Yang Lebih Baik” (Menara Pengawal 1 Desember 2012)
