Pasangen si mbaru erjabu pasti meriah kel ukurna bas wari perjabunna. Atena keriahen ukurna e tahan min rasa lalap. Situhuna enda banci terjadi. Enterem pasangen Kristen si terus nggejapken keriahen ukur bas perjabunna perban usahakenna ndalanken nasehat Pustaka si Badia.

1. Kai nasehat Pustaka si Badia man perbulangen?

Itetapken Jahwe perbulangen jadi kepala keluarga. (Baca Epesus 5:23.) Emaka perbulangen si erban keputusen, janah ate Jahwe keputusen si ibanna erguna man keluargana. Ikataken Pustaka si Badia man perbulangen, “Teruslah kelengi ndehara kena.” (Epesus 5:25) Kai maksudna? Perbulangen arus engkelengi ndeharana, la soal kalak e sangana dua-dua saja ntah pe sanga lit kalak si deban. Selain si e, berekenna kebutuhen ndeharana janah pastikenna ndeharana aman ras ermeriah ukur. (1 Timotius 5:8) Si pentingna, sampatina ndeharana gelah tetap ndeher ras Jahwe. (Matius 4:4) Contohna, perbulangen banci ras-ras mbaca Pustaka si Badia bage pe ertoto ras ndeharana. Adi kelengi perbulangen ndeharana, e banci nampati perbulangen tetap ndeher ras Dibata Jahwe.​—Baca 1 Petrus 3:7.

2. Kai nasehat Pustaka si Badia man ndehara?

Bas Pustaka si Badia ikataken maka ndehara “arus tuhu-tuhu mehamat man perbulangenna.” (Epesus 5:33) Uga carana ngelakokenca? Banci ukurina sipat-sipat perbulangenna si mehuli bage pe kerja keras perbulangenna guna mereken kebutuhen keluargana. Mehamat ka ia man perbulangenna alu ndukung keputusen si iban perbulangenna. Selain si e, ngerana ia man perbulangenna alu mehuli ras lembut, janah la cakapkenna kekurangen perbulangenna man kalak si deban, amin pe perbulangenna e la nembah Jahwe.

3. Uga perbulangen ras ndehara banci mpepaguh perjabunna?

Kerna kalak si erjabu, nina Pustaka si Badia, “Duana jadi sada.” (Matius 19:5) E ertina, la pediat kalak e kai pe erban hubungen kalak e reh dauhna. Emaka melala banna waktuna ras-ras. Janah turikenna perukurenna ras perasanna alu terbuka ras perkeleng. La pediatna kai pe ntah ise pe selain Jahwe, si pentingen asangken teman geluhna. Selain si e, perlu kalak e hati-hati gelah ula sempat lit hubungenna si la pantas ras ise pe selain pasangenna.

 PELAJARI TERBAGESEN

4. Perbulangen, kelengilah ndeharandu janah bereken kebutuhenna

5. Ndehara, kelengilah perbulangenndu janah mehamatlah kam man bana

Ikataken Pustaka si Badia maka ndehara arus mehamat man perbulangenna la soal perbulangenna e nembah Jahwe ntah lang. Bacalah 1 Petrus 3:1, 2, kenca si e bahas penungkunen enda:

• Adi perbulangenndu lenga nembah Jahwe, pasti merhat kam gelah ia pe nembah Jahwe. Menurutndu, cara si apai nge sikapen nampati ia: lalap kam erberita man bana ntah lalap mehuli perbahanenndu man bana janah mehamat kam man bana? Engkai?

Kalak si enggo erjabu banci ras-ras erban keputusen. Tapi, mon-mon pendapat perbulangen la cocok akap ndeharana. Adi bage, banci peseh ndehara pendapatna alu tenang ras mehamat. Tapi arus ingetna  maka enggo bereken Jahwe man perbulangen tanggung jawap guna erban keputusen si mehulina man keluarga. Emaka, perlu dukungna keputusen si iban perbulangenna. Hasilna, suasana rumahna banci dame. Bacalah 1 Petrus 3:3-5, kenca si e bahas penungkunen enda:

• Uga nge perasan Jahwe adi ndehara mehamat man perbulangenna?

6. Pasti banci dungindu masalah bas perjabunndu

 KESIMPULEN PELAJAREN ENDA

Perbulangen ras ndehara banci meriah ukurna adi sikeleng-kelengen ia, mehamat man sada ras si debanna, janah terus dalankenna prinsip Pustaka si Badia.

Kai si Enggo Sipelajari?

• Kai si banci ilakoken perbulangen gelah bahagia perjabunna?

• Kai si banci ilakoken ndehara gelah bahagia perjabunna?

• Adi kam enggo erjabu, prinsip Pustaka si Badia si apai nge si banci erban perjabunndu reh paguhna?