Sanga ciptaken Jahwe kita, bereNa man banta sada pemere si luar biasa eme kengasupen ngerana. Penting nge akap Jahwe carata nggunaken pemereNa e? Ue! (Baca Jakup 1:26.) Jadi uga carana nggunaken kengasupen ngerana alu cara si erban meriah ukurNa?

1. Uga arusna carata ngerana?

Nina Pustaka si Badia, “Teruslah kena siiah-iahen janah mpegegehi sada ras si debanna.” (1 Tesalonika 5:11) Lit nge keluarga ntah pe temanndu si perlu ipegegehi? Uga carandu mpegegehisa? Katakenlah man bana maka meherga kel akapndu ia. Banci pujikenndu sipat-sipatna si mehuli. Banci ka bacakenndu ayat si mpegegehi ia. Situhuna melala kel ayat si banci pilihndu. Selain si e, ingetlah, carandu ngerana pe banci mpegegehi kalak. Emaka usahakenlah mehuli carandu ngerana janah lembut.​—Kuan-kuanen 15:1.

2. Ranan si uga nge si ula min sibelasken?

Nina Pustaka si Badia, “Ula pediat ranan si la mehuli ndarat arah babah kena nari.” (Baca Epesus 4:29.) Kai maksudna? Enda maksudna la sigunaken kata-kata kotor, kasar, ntah pe erban kalak si deban sakit hati. La ka sicikurakken kalak ntah pe sipitnah kalak si deban.​—Baca Kuan-kuanen 16:28.

3. Uga carata mpegegehi kalak arah rananta?

Biasana kai si lit bas pusuh ras perukurenta, e teridah arah rananta. (Lukas 6:45) Emaka perlu siusahaken ngukuri hal-hal si positif. Enda maksudna siukuri kai si benar, kai si penting, kai si ngena ate Dibata, bage pe si patut ipuji. (Pilipi 4:8) Gelah banci siukuri si e kerina, arus pentar kita milih hiburen bage pe temanta. (Kuan-kuanen 13:20) Selain si e, perlu ka rukur kita lebe maka ngerana. Siukuri kai pengaruhna rananta man kalak si deban. Nina Pustaka si Badia, “Ranan si la iukuri lebe bali bagi kena tebak pedang, tapi ranan kalak si pentar mpepalem.”​—Kuan-kuanen 12:18.

 PELAJARI TERBAGESEN

4. Jagalah rananndu

Mon-mon banci saja sibelasken ranan si dungna sisesali. (Jakup 3:2) Bacalah Galati 5:22, 23, kenca si e bahas penungkunen enda:

• Arah sipat-sipat si lit bas ayat ndai, sipat si apai nge atendu pindondu man Jahwe gelah reh nukahna kapndu njaga rananndu? Engkai?

Bacalah 1 Korinti 15:33, kenca si e bahas penungkunen enda:

• Kai pengaruh hiburen bage pe temanta ku pengeranata?

Bacalah Pengerana 3:1, 7, kenca si e bahas penungkunen enda:

• Bas situasi kai nge pangen kita sinik ntah pe sitimai waktu si cocok guna ngerana?

 5. Ula cakapken si la mehuli kerna kalak si deban

6. Mehulilah kam ngerana man keluargandu

 KESIMPULEN PELAJAREN ENDA

Rananta banci mpegegehi kalak si deban janah banci ka erban sakit hati. Perlu siukuri lebe kai ateta sikataken, uga cara ngatakenca, ras ndigan waktu si cocok ngatakenca.

Kai si Enggo Sipelajari?

• Ranan si uga nge si banci belaskenndu guna mpegegehi kalak si deban?

• Ranan si uga nge si ula belaskenndu?

• Kai si banci nampati kita gelah mehuli lalap rananta janah banci mpegegehi?