PELAJAREN 55
Dukunglah Runggunndu
I sebelang doni, jutan umat Jahwe ngelayani Jahwe i runggunna masing-masing. Ngata bujur kel kalak e perban banci datna petunjuk arah runggun, janah semangat kalak e ndukung runggun. Kam pe bage nge?
1. Uga kam banci nggunaken waktu ras tenagandu guna ndukung runggun?
Kerina kita banci nampati runggun. Contohna, banci sampatindu kalak si enggo metua ntah pe si sakit bas runggunndu. Banci sampatindu kalak e reh ku perpulungen. Banci ka sampatindu kalak e belanja ntah pe mbersihken rumahna. (Baca Jakup 1:27.) Selain si e, banci ka kita ikut mbersihken ras ngurus Bale Kerajan. Labo lit si maksa kita guna ngelakoken si e kerina. Tapi ‘meriah ukurta ikut nampati’ perban keleng ateta Dibata bage pe turang seninata.—Masmur 110:3.
Saksi Jahwe si enggo iperidiken banci ka nampati runggun alu cara-cara si deban. Contohna, dilaki-dilaki si enggo memenuhi syarat si itentuken Pustaka si Badia, banci jadi sinampati runggun ntah pe pertua. Turang senina si dilaki bage pe si diberu, banci ikut ndukung dahin erberita alu jadi perintis. Selain si e, lit ka si nampati pembangunen janah lit ka si pindah guna nampati bas ingan si merluken terbuen perberita.
2. Uga kita banci nggunaken sen bage pe ertata guna ndukung runggun?
Banci ‘simuliaken Jahwe alu barang-barangta si merga.’ (Kuan-kuanen 3:9) Meriah ukurta mereken sen bage pe ertata, guna ndukung runggun bage pe pendahin erberita i sebelang doni. (Baca 2 Korinti 9:7.) Sumbangenta pe ipake guna nampati kalak si kena bencana. Enterem turang senina isisihkenna ntah pe ‘iserapkenna senna’ gelah banci mereken sumbangen alu teratur. (Baca 1 Korinti 16:2.) Banci sitamaken sumbangenta ku kotak sumbangen si lit bas ingan perpulungen, ntah pe sibere sumbangen secara online arah donate.pr418.com. Enda kesempaten si bere Jahwe man banta guna ncidahken kekelengenta man baNa.
PELAJARI TERBAGESEN
Sibahas kari piga-piga cara si banci lakokenndu guna ndukung runggun.
3. Banci sigunaken ertata
Keleng ate Jahwe ras Jesus kalak si meriah ukurna mere. Contohna, pujiken Jesus sekalak janda si mesera si mereken sumbangen man Jahwe. Bacalah Lukas 21:1-4, kenca si e bahas penungkunen enda:
-
Arus nge mbue sumbangenta gelah meriah ukur Jahwe?
-
Uga nge perasan Jahwe ras Jesus adi meriah ukurta mere?
Guna meteh uga sumbangenta igunaken, putar VIDEO. Kenca si e bahas penungkunen enda:
-
Uga sumbangenta banci erguna man runggun-runggun si lit i sebelang doni?
4. Kita banci ikut nampati
Bas jaman Pustaka si Badia, semangat kel umat Jahwe ngurus rumah Jahwe. Labo saja sen si ibereken kalak e. Bacalah 2 Kronika 34:9-11, kenca si e bahas penungkunen enda:
-
Kai si ilakoken tiap kalak Israel guna ngurus rumah Jahwe?
Guna ngenen uga Saksi-Saksi Jahwe ngikutken usihen kalak Israel mbarenda, putar VIDEO. Kenca si e bahas penungkunen enda:
-
Engkai maka penting sijaga Bale Kerajan tetap bersih ras terurus?
-
Kai saja si banci lakokenndu guna ikut nampati?
5. Turang senina si dilaki banci erusaha ndatken terbuen tanggung jawap
Bas Pustaka si Badia, kalak Kristen si dilaki iiahken guna mereken terbuen man runggun. Guna ngenen contohna, putar VIDEO. Kenca si e bahas penungkunen enda:
-
Bas video e, uga Ryan erusaha mereken terbuen man runggun?
Bas Pustaka si Badia, lit ijelasken kai saja syarat-syarat gelah turang senina si dilaki banci jadi sinampati runggun ras pertua. Bacalah 1 Timotius 3:1-13, kenca si e bahas penungkunen enda:
LIT SI NUNGKUN: “Uga kegiaten Saksi-Saksi Jahwe ibiayai?”
-
Uga nge nindu njawapsa?
KESIMPULEN PELAJAREN ENDA
Ergai Jahwe kel usahata ndukung runggun alu mereken waktuta, tenaga, bage pe ertata.
Kai si Enggo Sipelajari?
-
Uga kita banci nggunaken waktu ras tenagata guna ndukung runggun?
-
Uga kita banci nggunaken sen ras ertata guna ndukung runggun?
-
Kai saja tendu lakokenndu guna ndukung runggun?
DARAMI TERBUEN
Engkai maka lanai arusken Jahwe umatNa mereken perpuluhen?
Bas Pustaka, lit piga-piga tugas si ibereken man dilaki si enggo iperidiken. Tapi uga adi tugas e arus ilakoken diberu si enggo iperidiken?
Tontonlah pengalamen piga-piga Saksi si erkorban naruhken publikasi ku turang seninana.
Cara organisasita ibiayai beda kel ras cara organisasi agama si deban. Kai bedana?
