Kerina kalak Kristen pasti itentang janah lit ka si itindas. Perlu nge kita mbiar?

1. Engkai maka la ateta mamang adi kita itindas?

Nina Pustaka si Badia, “Kerina kalak si atena nggeluh sesuai ras peraten Dibata bas persadan ras Kristus Jesus isiksa ka nge pagi.” (2 Timotius 3:12) Mbarenda, Jesus isiksa ntah pe itindas perban ia labo bagin arah doni Setan enda. Gundari pe, kita labo bagin arah doni enda. Emaka, la ateta mamang adi kita itindas pemerentah bage pe organisasi agama.​—Johanes 15:18, 19.

2. Uga carana gelah kita siap ngadapi penindasen?

Gundari nari arus sipepaguh hubungenta ras Dibata Jahwe. Arus siban waktuta tiap wari guna ertoto bage pe mbaca Pustaka si Badia. Arus ka teratur kita reh ku perpulungen. Enda kerina banci nampati kita tetap paguh janah pang sanga ngadapi tentangen, termasuk tentangen si rehna arah keluargata nari. Rasul Paulus si mbarenda rusur itindas ngataken, “Jahwe kap si nampati aku, emaka labo aku mbiar.”​—Heber 13:6.

Banci ka kita reh pangna adi teratur kita erberita. Engkai? Perban erberita ngajari kita tek man Jahwe janah la mbiar man manusia. (Kuan-kuanen 29:25) Adi gundari nari kita pang erberita, sanga ilarang pemerentah pe pagi, tetap kita pang.​—1 Tesalonika 2:2.

3. Kai gunana adi tetap kita tek man Jahwe sanga kita itindas?

Memang labo meriah ukurta sanga kita itindas, tapi adi tetap kita setia, kinitekenta banci reh paguhna. Janah banci reh deherna kita ras Jahwe perban sigejapken penampatNa sanga lanai siakap lit gegehta. (Baca Jakup 1:2-4.) Sedih kel akap Jahwe sanga kita rate mesui, tapi meriah ukurNa adi la kita nyerah. Nina Pustaka si Badia, “Adi ertahan kena ngadapi kiniseran perban ngelakoken si mehuli, ngena ate Dibata man kena.” (1 Petrus 2:20) Adi tetap kita setia, ibere Jahwe kita kegeluhen si rasa lalap bas doni si mbaru. I je pagi lanai lit kalak si nentang umat Jahwe.​—Matius 24:13.

 PELAJARI TERBAGESEN

4. Kam banci tetap setia amin gia itentang keluargandu

Enggo ikataken Jesus maka piga-piga keluargata banci saja la senang adi kita ngelayani Jahwe. Bacalah Matius 10:34-36, kenca si e bahas penungkunen enda:

• Adi lit kalak si pilihna ngelayani Jahwe, kai nge si banci saja ilakoken anggota keluargana?

5. Teruslah kam ngelayani Jahwe amin gia itindas

 6. Pasti isampati Jahwe kam gelah tetap setia

 KESIMPULEN PELAJAREN ENDA

Ergai Jahwe kel upayata terus setia man baNa amin gia itindas. Alu penampatNa, banci kita tetap setia!

Kai si Enggo Sipelajari?

• Engkai maka la mamang ate kalak Kristen adi ia itindas?

• Kai si banci lakokenndu gundari gelah siap kam ngadapi penindasen?

• Engkai maka banci kam tek pasti isampati Jahwe kam tetap setia amin gia lit tentangen?