Pasti enggo melala si pelajarindu kerna Jahwe ngasa gundari. Kerina si pelajarindu e erban keleng kel atendu Ia. Emaka banci jadi kam enggo mbaktiken diri ras iperidiken. Bicara lenga pe, mungkin enggo rencanakenndu ngelakokenca. Tapi, enggo pe kam iperidiken, perlu denga terus usahakenndu reh deherna ras Jahwe. Uga carana?

1. Engkai maka perlu terus kam reh deherna ras Jahwe?

Arus siusahaken kel gelah banci reh deherna ras Jahwe. Engkai? “Gelah ula kita mombak” ntah pe reh dauhna arah Ia. (Heber 2:1) Kai si banci nampati kita tetap setia ngelayani Jahwe? Perlu kita sibuk erberita janah sidarami ka erbage-bage cara gelah banci reh buena silakoken i bas ngelayani Ia. (Baca Pilipi 3:16.) Ngelayani Jahwe me keputusen si mehulina bas geluh enda!​—Masmur 84:10.

2. Kai ka nge si perlu terus ilakokenndu?

Amin pe enggo nandangi dung pelajarindu buku enda, perlu denga terus usahakenndu reh deherna ras Jahwe. Nina Pustaka si Badia, “Arus pake kena sipat-sipat si mbaru.” (Epesus 4:23, 24) Adi terus pelajarindu Pustaka si Badia janah reh kam ku perpulungen, lit lalap si mbaru si banci pelajarindu kerna Jahwe ras sipat-sipatNa. Usahakenlah terus ngusih sipat-sipat Jahwe e. Janah teruslah ban perubahen ku si mehulina gelah meriah ukur Jahwe.

3. Uga Jahwe nampati kam gelah banci terus maju?

Nina Pustaka si Badia, “Dibata . . . si ndungi pelatihen kena, banNa kena paguh, banNa kena megegeh, janah banNa kena nteguh.” (1 Petrus 5:10) Kita kerina rusur igoda ngelakoken kai si salah. Tapi sampati Jahwe kita gelah banci situlak godan e. (Masmur 139:23, 24) Erjanji Jahwe berekenNa sura-sura ras gegeh gelah banci silayani Ia alu setia.​—Baca Pilipi 2:13.

 PELAJARI TERBAGESEN

4. Teruslah ertoto ras mbaca Pustaka si Badia

Kam banci jadi teman Jahwe perban kam ertoto ras erlajar Pustaka si Badia. Uga carana gelah si enda terus nampati kam reh deherna ras Jahwe?

Bacalah Masmur 62:8, kenca si e bahas penungkunen enda:

• Gelah banci kam terus reh deherna ras Jahwe, kai si perlu pehulindu bas carandu ertoto ras isi totondu?

Bacalah Masmur 1:2 ras cataten i teruh, kenca si e bahas penungkunen enda:

• Kai si banci lakokenndu gelah reh buena datndu gunana sanga kam mbaca Pustaka si Badia?

Uga carana gelah reh buena datndu gunana sanga kam pelajaren pribadi? Guna meteh piga-piga ide, putar VIDEO, kenca si e bahas penungkunen enda:

• Arah video e, saran-saran si apai nge si atendu lakokenndu?

• Topik kai saja nge si reh bagesna atendu pelajarindu?

 KESIMPULEN PELAJAREN ENDA

Teruslah usahaken gelah reh deherna ras Jahwe janah banlah cita-cita rohanindu. Alu bage banci kam nggeluh ermeriah ukur seh rasa lalap!

Kai si Enggo Sipelajari?

• Engkai maka banci kam tek pasti sampati Jahwe kam gelah tetap setia ngelayani Ia?

• Uga carana gelah banci reh deherna kam ras Jahwe?

• Engkai maka banci kam reh majuna secara rohani adi banndu cita-cita rohani?