Cara gelah melala datndu gunana sanga erlajar Pustaka si Badia arah buku enda
Perdiatekenlah lebe penjelasen singkat kerna buku enda, kenca si e putar VIDEO.
BAGIN AWAL
Sanga persiapkenndu tiap pelajaren, bacalah bagin awal pelajaren e. Penungkunen (A) ras ayat (B) si icetak tebal nampati kita meteh kai intina. Ayat-ayat si lit kata “baca” perlu ibaca ras si nampati kam erlajar.
BAGIN TENGAH
Keterangen pembuka (C) bas Pelajari Terbagesen, njelasken kai si nandangi ibahas. Subjudul (D) eme pokok-pokok utama si nandangi ibahas. Sanga erlajar kam ras si nampati kam erlajar, bacalah kerina ayatna, jawaplah kerina penungkunenna, ras tontonlah kerina videona.
Kotak VIDEO, ngarahken kam ku video si lit hubungenna ras kai si sangana ibahas. Piga-piga video eme kisah nyata. Lit ka video si labo kisah nyata tapi situasina iban bagi kisah nyata.
Perdiatekenlah kerina gambar ras keterangen gambarna (E), janah cuba ukurindu uga cara njawap bagin Lit si Ngataken (F).
BAGIN PENDUNGI
Bagin pendungi pelajaren e eme Kesimpulen Pelajaren Enda ras Kai si Enggo Sipelajari? (G). Catatlah tanggal piga pelajaren e dung ibahas. Bagin Cuba Lakoken Enda (H) eme bagin si perlu lakokenndu. Bagin Darami Terbuen (I) eme keterangen tambahen si banci bacandu ntah pe tontonndu.
Cara ndarami ayat bas Pustaka si Badia
Pustaka si Badia eme gabungen 66 buku. Pustaka si Badia ibagi jadi dua bagin: Kitap-Kitap Heber-Aram (“Perjanjin Lama”) ras Kitap-Kitap Junani Kristen (“Perjanjin Baru”).
Ayat-ayat bas Pustaka si Badia, biasana ikataken lebe gelar bukuna (A), dung e pasalna (B), emaka ayatna (C).
Contohna, Johanes 17:3 maksudna buku Johanes, pasal 17, ayat 3.
