PELAJAREN 02
Pustaka si Badia Mereken Arapen man Banta
I sebelang doni, enterem kalak ngadapi masalah si erban ia rate mesui, sedih, janah mbiar. Pernah nge adapindu masalah si bage? Banci saja susah iakapndu perban sakit kam ntah pe perban mate kalak si ikelengindu. Banci saja tersungkun-sungkun kam, ‘Bagenda nge pagi lalap geluhku?’ Bas Pustaka si Badia lit jawapen si banci erban malem atendu.
1. Arapen kai si banci sidatken arah Pustaka si Badia?
Bas Pustaka si Badia ijelasken engkai maka gundari melala kel masalahta. Tapi, i je pe lit berita si meriah si ngataken maka kentisik nari lanai lit masalahta. “Masa depan” si ijanjiken Pustaka si Badia banci mereken ‘arapen.’ (Baca Jeremia 29:11, 12.) Adi tek kita man janji e, ngasup kita ngadapi masalahta, tetap positif perukurenta, janah tek kita maka banci kita nggeluh ermeriah ukur seh rasa lalap.
2. Kai si ijanjiken Pustaka si Badia kerna masa depan?
Bas Pustaka si Badia ijelasken maka bas masa depan “lanai pagi lit kematen ras ceda ate. Tangis ntah pe si mesui lanai pagi lit.” (Baca Ketangkasen 21:4.) Lanai pagi lit masalah-masalah si erban kalak susah. Contohna, lanai pagi lit kalak si mesera, lanai lit penakit, kematen bage pe si la adil. Bas Pustaka si Badia lit janji maka manusia banci pagi nggeluh rasa lalap bas Pardis i doni.
3. Uga carana gelah reh tekna kam maka janji bas Pustaka si Badia e pasti terjadi?
Enterem kalak ngarapken keadan doni enda reh ulina. Tapi la tehna banci ntah lang kari e terjadi. Janji Pustaka si Badia la bage, kerina si ijanjiken i je pasti terjadi. Gelah banci kita tek man janji e, arus ‘sipereksa Kitap si Badia alu tutus.’ (Perbahanen Rasul-Rasul 17:11) Sanga pelajarindu Pustaka si Badia, banci kari tehndu terteki ntah lang janji bas Pustaka si Badia kerna masa depan.
PELAJARI TERBAGESEN
Sibahas kari piga-piga janji Pustaka si Badia kerna masa depan. Sibahas ka kari pengalamen piga-piga kalak si enggo nggejapken maka arapen arah Pustaka si Badia e tuhu-tuhu erguna.
4. Lit ijanjiken bas Pustaka si Badia maka kita banci nggeluh rasa lalap janah la lit kesusahen
Nenlah janji-janji Pustaka si Badia i teruh enda. Janji si apai nge si arapkenndu kel terjadi? Janah engkai?
Bacalah ayat-ayat i teruh enda, janah bahas penungkunen-penungkunen enda:
-
Meriah nge ukurndu kenca bacandu ayat e? Menurutndu, meriah ka nge kari ukur keluargandu ras teman-temanndu adi bacana ayat e?
Bayangkenlah adi bas doni enda
|
LANAI PAGI LIT SI . . . |
KERINA KALAK PAGI . . . |
|---|---|
|
|
|
|
|
|
|
|
|
|
5. Arapen si lit bas Pustaka si Badia banci erguna man banta gundari
Enterem kalak kecewa ngidah masalah si terjadi i sekelilingna janah lit ka si merawa. Lit si erjuang guna ngubah keadan e gelah reh ulina. Mari siperdiateken pengalamen si mbuktiken maka janji Pustaka si Badia kerna masa depan banci erguna gundari. Putar VIDEO, kenca si e bahas penungkunen enda:
-
Bas video e, perbahanen si la adil kai si adapi Rafika?
-
Aminna pe idahna denga perbahanen si la adil, uga Pustaka si Badia nampati ia?
Amin pe lit masalahta, banci kita ermeriah ukur ras lanai kecewa adi tek kita man janji Pustaka si Badia kerna masa depan. Bacalah Kuan-kuanen 17:22 ras Roma 12:12, kenca si e bahas penungkunen-penungkunen enda:
-
Adi menurutndu, lit nge gunana janji Pustaka si Badia kerna masa depan man bandu gundari? Engkai maka bage nindu?
LIT SI NGATAKEN: “Janji Pustaka si Badia kerna masa depan labo mungkin terjadi.”
-
Menurutndu, engkai maka perlu daramindu bukti-bukti maka janji Pustaka si Badia pasti terjadi?
KESIMPULEN PELAJAREN ENDA
Bas Pustaka si Badia lit melala janji kerna masa depan. Enda mereken arapen man banta janah banci erban geluhta reh ulina gundari.
Kai si Enggo Sipelajari?
-
Engkai maka perlu siteh janji-janji si lit bas Pustaka si Badia?
-
Kai si kataken Pustaka si Badia kerna masa depan?
-
Kai gunana man bandu gundari adi tek kam man janji Pustaka si Badia e?
DARAMI TERBUEN
Pelajari terbuen kerna uga belinna pengaruh arapen.
“Harapan—Di Mana Anda Dapat Menemukannya?” (Sedarlah! 22 April 2004)
Nenlah uga arapen kerna masa depan banci nampati kalak ngadapi penakit si enggo ndekah la malem-malem.
“Ngadapi Penakit si Enggo Ndekah La Malem-Malem —Banci nge Pustaka Nampati?” (Artikel web)
Sanga tontonndu video musik enda, bayangkenlah kam ras keluargandu nggeluh bas Pardis bagi si ijanjiken bas Pustaka si Badia.
Bacalah pengalamen sekalak dilaki si mbarenda aktif bas organisasi sosial, si berubah kegeluhenna kenca tehna janji si lit bas Pustaka si Badia.
“Lanai Kuakap Arus Kuubah Doni Enda” (Sora Ermomo 1 Juli 2013)
